សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិនិយោគិន និងជាម្ចាស់អាជីវកម្មធំៗចំនួន៣រូប បាននិយាយពីបញ្ហា និងភាពប្រឈមដែលអាជីវកម្មកំពុងជួបប្រទះក្នុងពេលបច្ចុប្បន្ន រួមជាមួយនឹងការចែករំលែកពីដំណោះស្រាយផងដែរ។
លោក កាំង ឡេង អគ្គនាយកប្រតិបត្តិក្រុមហ៊ុន ISI Steel Co., Ltd បានលើកឡើងថា បញ្ហាកូវីដ បានជះឥទ្ធិពលទៅដល់ការធ្វើផែនការរយៈពេលវែងរបស់ក្រុមហ៊ុន ហើយការមិនមានផែនការច្បាស់លាស់ វាអាចប៉ះពាល់ទៅដល់រំហូរសាច់ប្រាក់ដែលប្រើប្រាស់នៅក្នុងប្រតិបត្តិការក្រុមហ៊ុន ឬសហគ្រាស។
សម្រាប់អ្នកវិនិយោគ រំហូរសាច់ប្រាក់គឺដូចជាអុកស៊ីសែន ដែលប្រៀបដូចជាឈាមសម្រាប់ផ្គត់ផ្គង់ទៅដល់ជំនួញយ៉ាងដូច្នោះ។ ដូច្នេះ អ្វីដែលសំខាន់នៅចំពោះមុខគឺមិនគួរមានការចំណាយច្រើនពេកទេ គួរតែមានថវិការសម្រាប់ត្រៀមទុកជានិច្ច ចំណែកឯការធ្វើផែនការ ក៏គួរជ្រើសរើសធ្វើផែនការត្រឹមរយៈពេលខ្លីទើបជាការល្អ។ នេះជាការលើកឡើងរបស់លោក កាំង ឡេង ។
លោក លឹម សុជាតិ ប្រធាននាយកប្រតិបត្តិ Laskmi Prime Investment Co., Ltd បានមានប្រសាសន៍ផងដែរថា ស្ថានភាពបច្ចុប្បន្ននេះបានធ្វើឲ្យកម្ពុជាបាត់បង់ឱកាសជាច្រើន ពោលគឺគម្រោងវិនិយោគដែលមានដើមទុនច្រើនមកពីបរទេសត្រូវបានកាត់បន្ថយ ឬស្ទើរតែបាត់បង់តែម្ដង។
លោកបន្តថា រាល់ការវិនិយោគគឺធ្វើឡើងតែអ្នកក្នុងស្រុក និងមានស្រាប់ ឬជាគម្រោងដែលបន្សល់ទុកពីឆ្នាំចាស់ ព្រោះថាវិធានការបិទខ្ទប់ផ្សេងៗ បានបង្អាក់រាល់ដំណើរទស្សនៈកិច្ចរបស់បរទេស ដោយពួកគេត្រូវរង់ចាំរហូតដល់ការចាក់វ៉ាក់សាំងប្រព្រឹត្តទៅបានគ្រប់ចំនួនស្របតាមផែនការ ទើបអាចមានសង្ឃឹមទទួលបានវិនិយោគក្រៅស្រុកឡើងវិញ។
លោកបណ្ឌិត តាន់ មុនីវណ្ណ អគ្គនាយករងក្រុមហ៊ុន Mong Reththy Group បានថា បច្ចុប្បន្ននេះសម្រាប់ក្រុមហ៊ុន ឬសហគ្រាសមួយចំនួនដែលអាចទប់លំនឹងបាន អាចចាត់ទុកថាមានផែនការរឹងមាំបើទោះជាមិនអាចស្វែងរកបានប្រាក់ចំណេញក៏ដោយ។ ដោយឡែកសម្រាប់វិស័យសំខាន់ៗដែលធ្លាប់រកចំណូលបានយ៉ាងច្រើនជូនដល់ប្រទេសជាតិ រួមមានដូចជា វិស័យទេសចរណ៍ វិស័យឧស្សាហកម្ម និងវិស័យដឹកជញ្ជូនក៏ទទួលរងនូវផលប៉ះពាល់ដូចគ្នា។
លោកបានបន្តថា វិស័យឧស្សាហកម្មដែលប៉ះពាល់នៅពេលនេះ គឺមិនមែនបណ្ដាលមកពីជំងឺកូវីដនោះទេ ប៉ុន្តែវាជាចំហាយ ដែលសាយភាយចេញពីការឈ្លោះគ្នារបស់ប្រទេសមហាយក្សសេដ្ឋកិច្ច អាមេរិក-ចិន។ ដូច្នេះ ដើម្បីលើកស្ទួយវិស័យទាំងនេះ មានតែវ៉ាក់សាំងប៉ុណ្ណោះដែលជាដំណោះស្រាយដ៏ល្អបំផុត។ យ៉ាងណាក៏ដោយ វិនិយោគិនធំៗទាំង៣ខាងលើនេះ បានជំរុញឲ្យសហគ្រិន ក៏ដូចជាម្ចាស់អាជីវកម្មគួរមានកិច្ចពិភាក្សាជាមួយអ្នកប្រឹក្សាអាជីវកម្ម ឬដៃគូអាជីវកម្មដូចគ្នា ដើម្បីជាគំនិត យោបល់បន្ថែមក្នុងការរៀបចំផែនការក្នុងរយៈពេលខ្លី និងរយៈពេលវែងសម្រាប់កិច្ចដំណើរអាជីវកម្មរបស់ខ្លួនប្រកបដោយស្ថិរភាពនៅក្នុងស្ថានការណ៍ដ៏លំបាកមួយនេះ។ អ្វីដែលកាន់តែត្រូវយកចិត្តទុកដាក់បំផុតនោះ គឺការថែទាំចរន្តសាច់ប្រាក់ឲ្យមានប្រសិទ្ធភាពខ្ពស់ រួមជាមួយនឹងសុខភាពផ្លូវចិត្តឲ្យបានរឹងមាំបំផុត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content