សហគមន៍កសិកម្មទំនើបស្វាយចន្ទីចំនួន ៣ ក្នុងខេត្តកំពង់ធំ លែងបារម្ភ​​ពីបញ្ហាទីផ្សារ សម្រាប់ទិន្នផលស្វាយចន្ទីឆ្នាំ២០២៥

កំពង់ធំ៖ សហគមន៍កសិកម្មស្វាយចន្ទីទំនើបចំនួន៣ ក្នុងខេត្តកំពង់ធំ កាលពីថ្ងៃចុងសប្តាហ៍កន្លងទៅបានចុះកិច្ចសន្យាជាមួយក្រុមហ៊ុនជប៉ុន ដើម្បីផលិត និងផ្គត់ផ្គង់គ្រាប់ស្វាយចន្ទីចំនួន ៤០០ តោន ដែលមានតម្លៃប្រហែល ៦៥០,០០០ ដុល្លារ និងកិច្ចសន្យាទំហំ ៤០ម៉ឺនដុល្លារបន្ថែមសម្រាប់ការផ្គត់ផ្គង់គ្រាប់ស្វាយចន្ទីសើមចំនួន៣០០តោន។

ការចុះកិច្ចសន្យាលើការផលិត និងផ្គត់ផ្គង់គ្រាប់ស្វាយចន្ទី ៤០០តោន បានធ្វើឡើងរវាងសហគមន៍ប្រាសាទសំបូររុងរឿង សាលាវិស័យកំពង់ធំ និងសហគមន៍ទំរឹង ជាមួយក្រុមហ៊ុនជប៉ុន MIRARTH Agri Tech នៅខេត្តកំពង់ធំ និងកិច្ចសន្យាទំហំ៤០ម៉ឺនដុល្លារមួយទៀត សម្រាប់ការផ្គត់ផ្គង់គ្រាប់ស្វាយចន្ទីសើមចំនួន៣០០តោន ត្រូវបានចុះហត្ថលេ​ខាជាផ្លូវការបន្ទាប់គ្នា​រវាងសហគមន៍កសិកម្មទំនើបស្វាយចន្ទីទាំង៣នៅខេត្តកំពង់ធំ និងក្រុមហ៊ុនជប៉ុន Santana Agro Proucts។

ពិធីនេះប្រព្រឹត្តទៅក្រោមអធិបតីភាព ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ រួមជាមួយនាយកដ្ឋានកសិឧស្សាហកម្ម មន្ទីរអភិវឌ្ឍន៍សហគមន៍កសិកម្ម និងមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ។

នៅក្នុងពិធីចុះហត្ថលេខានោះ ឯកឧត្តម ឃឹម ហ្វីណង់ បានសង្កត់ធ្ងន់លើសារៈសំខាន់នៃកិច្ចសន្យាកសិកម្មសម្រាប់សហគមន៍ដើម្បីការពារសមាជិកទាំងអស់ពីហានិភ័យទីផ្សារនៃការប្រែប្រួលតម្លៃលើសពីការរំពឹងទុក។ កិច្ចសន្យានេះមានតម្លៃប្រមាណ ៦៥ម៉ឺនដុល្លារ សម្រាប់ការផ្គត់ផ្គង់គ្រាប់ស្វាយចន្ទីចំនួន ៤០០តោន ដោយសហគមន៍ទទួលបានប្រាក់កក់ ៣០ភាគរយ សម្រាប់កិច្ចសន្យាទាំងមូល។

ឯកឧត្តម ឃឹម ហ្វីណង់ បានលើកឡើងថា ជាគោលការណ៍ ក្រសួងតែងតែលើកទឹកចិត្តដល់កសិករដាំស្វាយចន្ទីឱ្យសហការគ្នាបង្កើតសហគមន៍កសិកម្មទំនើប និងតភ្ជាប់ទីផ្សារតាមរយៈផលិតកម្មកសិកម្មតាមកិច្ចសន្យា។ វិធីសាស្រ្តនេះគឺមានសារៈសំខាន់ណាស់ ព្រោះមានតែផលិតកម្មផ្អែកលើកិច្ចសន្យាប៉ុណ្ណោះដែលអាចឱ្យមានការកែច្នៃគ្រាប់ស្វាយចន្ទីមុនពេលនាំចេញ។

ឯកឧត្តម ឃឹម ហ្វីណង់ ក៏បានណែនាំដល់នាយកដ្ឋានកសិឧស្សាហកម្ម និងសហគមន៍ ឱ្យបន្តចុះកិច្ចសន្យាលក់គ្រាប់ស្វាយចន្ទីរហូតដល់ដំណាច់រដូវប្រមូលផល និងឱ្យគិតគូរពីការរក្សាទុកគ្រាប់ស្វាយចន្ទីមួយចំនួនសម្រាប់លក់ជាគ្រាប់ស្វាយចន្ទីស្ងួត។ លើសពីនេះ សម្រាប់រដូវកាលក្រោយសហគមន៍គួរតែរៀបចំចុះកិច្ចសន្យាជាមួយក្រុមហ៊ុនទិញចាប់ពីដើមរដូវកាលនេះជាមុន។

លោក ណាវយ៉ៈ កាណិកុ (Naoya Kaneko) អ្នកគ្រប់គ្រងក្រុមហ៊ុនជប៉ុន (MIRARTH Agri Tech) ក្នុងខេត្តកំពង់ធំបានមានប្រសាសន៍ថា កិច្ចសន្យានេះអាចជាការសាកល្បងលើកទី១សម្រាប់ក្រុមហ៊ុនក្នុងការសហការជាមួយសហគមន៍កសិកម្មទំនើប ប៉ុន្តែគោលបំណងសំខាន់ក្នុងកិច្ចសហការនេះ គឺដើម្បីលើកកម្ពស់ឧស្សាហកម្មគ្រាប់ស្វាយចន្ទីកម្ពុជា ហើយនេះអាចជាគំរូនៃអ្នកផលិត និងកិច្ចសហការផលិតគ្រាប់ស្វាយចន្ទី។

លោក Naoya Kaneko បានបង្ហាញពីក្ដីរំពឹងថា ដើម្បីបង្កើនឧស្សាហកម្មគ្រាប់ស្វាយចន្ទី និងជួយសេដ្ឋកិច្ចកម្ពុជា នៅឆ្នាំដំបូងនេះ ក្រុមហ៊ុនបានចុះកិច្ចសន្យាត្រឹមតែ ៤០០ តោនប៉ុណ្ណោះ ប៉ុន្តែក្រុមហ៊ុនចង់ពង្រីកទំហំ មិនត្រឹមតែដល់សហគមន៍កសិកម្មទំនើបក្នុងខេត្តកំពង់ធំប៉ុណ្ណោះទេ ថែមទាំងទៅកាន់ខេត្តផ្សេងទៀតផងដែរ។

លោក យុង ធីម ប្រធាន​សហគមន៍​ចម្ការ​ស្វាយ​ចន្ទី​ទំនើប​ប្រាសាទ​សំបូរ​រុង​រឿង បាន​សម្ដែង​ការ​រីករាយ​ចំពោះ​ការ​ចុះកិច្ចសន្យា​ជាមួយ​ក្រុមហ៊ុន។ កិច្ចសន្យានេះធ្វើឱ្យកសិករមានអារម្មណ៍ពិសេស ពីព្រោះកន្លងមិនដែលបានចុះហត្ថលេខាអ្វីដូចនេះពីមុនមកនោះទេ។ តាមរយៈការចុះហត្ថលេខានេះ សង្ឃឹមថានឹងទាក់ទាញដៃគូបន្ថែមទៀតនាពេលអនាគត និងធានាបាននូវតម្លៃកាន់តែប្រសើរនៅលើទីផ្សារ។

សូមរំលឹកថា សហគមន៍កសិកម្មទំនើបចំនួន ៣ សម្រាប់ដំណាំស្វាយចន្ទីត្រូវបានបង្កើតឡើងជាផ្លូវការនៅក្នុងខេត្តកំពង់ធំកាលពីអំឡុងខែតុលា ឆ្នាំ២០២៤។ សហគមន៍ទាំងនេះរួមមាន សហគមន៍សាលាវិស័យកំពង់ធំ ដោយមានសមាជិកចំនួន ៨៨ នាក់ និងផ្ទៃដីដាំស្វាយចន្ទីចំនួន ២៥៥ ហិកតា សហគមន៍ប្រាសាទសំបូររុងរឿង មានសមាជិក ១៣៦ នាក់ និងផ្ទៃដីដាំស្វាយចន្ទីចំនួន ៥៨៦ ហិកតា និង សហគមន៍ទំរឹងកំពង់ធំ មានសមាជិក ៧៦ នាក់ និងផ្ទៃដីផលិតចំនួន ៤៦០ ហិកតា៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហគមន៍​សសី ​អាច​ផ្គត់ផ្គង់​បន្លែ​សុវត្ថិ​ភាព​ជិត​​ ១ តោន​ក្នុង​ ១ ​ថ្ងៃ ​ដល់​ផ្សារ​នៅ​សៀមរាប​ ​ក្រោយ​ដាំដុះ​ក្នុង​ផ្ទះ​សំណាញ់​

បទយកការណ៍, សេដ្ឋកិច្ច

• 22/11/2026

​សហគមន៍​កសិកម្ម​ទំនើបសសី ​ក្នុង​ខេត្ត​សៀមរាប​ ​អាច​ប្រមូល​ផល​ ​និង​ផ្គត់ផ្គង់​បន្លែ​សុវត្ថិ​ភាព​បាន​ចន្លោះ​ពី​ ​៨០០ ​គីឡូក្រាម​ ​ទៅ​ ១ តោន​ក្នុង​ ១ ​ថ្ងៃ​ ​ទៅកាន់​ផ្សារ​ទំនើប​ ​និង​ទីផ្សារ​បោះ​ដុំ​ក្នុង​ខេត្ត​ ​ក្រោយពី​អនុវត្ត​ការ​ដាំដុះ​តាម​បច្ចេកទេស​ក្នុង​ផ្ទះសំណាញ់​ ​

កសិករ ១៦ ០០០គ្រួសារ ក្នុងសហគមន៍កសិកម្មចំនួន ៨៤  នៅខេត្តចំនួន៤ នឹងទទួលបាន គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម ជាហេដ្ឋារចនាសម្ព័ន្ធផលិតកម្ម​ មានតម្លៃជាង ២លានដុល្លារ

Top News, ព្រឹត្តិការណ៍, សេដ្ឋកិច្ច

• 22/11/2026

សៀមរាប ៖ ប្រជាកសិករចំនួន ១៦ ០០០គ្រួសារ ក្នុងសហគមន៍កសិកម្មចំនួន៨៤ នៅខេត្តចំនួន៤ រួមមាន ខេត្តកំពង់ធំ ព្រះវិហារ ឧត្តរមានជ័យ និងខេត្តសៀមរាប នឹងទទួលបានការគាំទ្រនូវហេដ្ឋារចនាសម្ព័ន្ធផលិតកម្ម រួមមាន ផ្ទះសំណាញ់  គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម

វេទិកា​ ​Made ​in ​Cambodia ​បើក​ទំព័រ​ថ្មី​សម្រាប់​ផលិតករ​ខ្មែរ ​​ពង្រឹង​គុណភាព​ ​និង​បង្កើន​ឱកាស​ទីផ្សារ

ព្រឹត្តិការណ៍, សេដ្ឋកិច្ច

• 22/11/2026

​ភា​មុខរបរ ​និង​មីក្រូសហគ្រាស​កម្ពុជា​ ​បាន​បើក​ដំណើរការ​វេទិកា​គាំទ្រ​ផលិតផល​ខ្មែរ​ ​(​Khmer ​Product ​Support ​Forum ​–​ ​Made ​in ​Cambodia​)​ ស៊េរី​ឆ្នាំ​២០២៦​-​២៧ ​ដោយ​ផ្តោត​លើ​ការ​ពង្រឹង​សមត្ថភាព​ផលិតករ​ក្នុង​ស្រុក​ ​លើកកម្ពស់​គុណភាព​ផលិតផល​ ​និង​ពង្រីក​ឱកាស​ទីផ្សារ​ទាំង​ក្នុង​ប្រទេស​ ​និង​អន្តរជាតិ​

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ


Leave a Reply

Your email address will not be published.Required fields are marked *