វិស័យ​អចលនទ្រព្យ​នឹងអាចថមថយ ​បើសិនវិបត្តិសង្គ្រាម​រុស្ស៊ី​-អ៊ុយក្រែន​និង​សេដ្ឋកិច្ចសកល​បន្ត​អូស​បន្លាយយូរ​

ភ្នំពេញ ៖ មកដល់ដំណាច់ត្រី​មាស​ទី​ ១ ​ឆ្នាំ ២០២៣ ​នេះ​ហើយ ​ស្ថានភាព​សេដ្ឋកិច្ច​ក្រៅប្រទេស​ដែល​បណ្ដា​ល​​ម​កពី វិបត្តិ​នៃសង្គ្រាម​រុស្ស៊ី​និងអ៊ុយក្រែន និង​ អត្រា​អតិផរណា​នៅប្រទេស​រីកចម្រើន​ នៅតែមិនទា​ន់​មាន​សញ្ញា​ថា​នឹង​ថមថយ​នៅឡើយ​។

ជុំវិញបញ្ហាទាំងអស់នេះ អ្នកជំនាញ​នៃវិស័​យ​អចលនទ្រព្យកម្ពុជា បានលើកឡើងថា បើសិនជាស្ថានភាព​នៃវិបត្តិ​​នៅ​​តែបន្តអូស​បន្លាយ វានឹងធ្វើឱ្យវិស័យ​អចលនវត្ថុនៅកម្ពុជា​មានការថមថយ។

អ្នកនាង ​គឹម គិន​កេសា​ អគ្គនាយិការង​នៃ​ក្រុមហ៊ុន ​CBRE Cambodia បានឱ្យដឹងថា ជាទូទៅវិស័យ​អ​ច​ល​ន​ទ្រព្យ​វាមិនប៉ះពាល់ភ្លាមៗទេ ពីការ​ដួលរលំ​នៃធនាគារ​នៅប្រទេស​អាមេរិកដែល​វា​បណ្ដាលមកពីអតិផរណា​និង​បញ្ហា​សង្គ្រាម​រវា​ងរុស្ស៊ី​និងអ៊ុយក្រែន ។​ តែបើសិនជា​វិបត្តិ​នៅតែបន្តអូស​បន្លាយ​យូរទៀត ជៀស​មិនផុត​វានឹង​ធ្វើឱ្យ​ប៉ះពាល់ដល់​វិស័យ​អចលនវត្ថុ​កម្ពុជាមិនខានឡើយ។

អ្នកនាង​បន្តថា​ កាលពីវិបត្តិកូវីដ​១៩ ​​កើត​ឡើង​ភ្លាម​ វិស័យ​ដទៃទៀត​ជាពិសេស​វិស័យ​ទេសចរណ៍ បានរង​ផ​ល​ប៉ះ​ពា​​ល់ភ្លាមៗ  ប៉ុន្តែសម្រាប់វិស័យអចលនវត្ថុ​វិញមិនទាន់ទទួល​ផល​ប៉ះពាល់ទេ ហើយ​កាល​នោះ​ក៏​រំពឹ​ង​ថា ​​​​​វិស័យ​អចលនទ្រព្យ​នឹង​មិនប៉ះពាល់ ពី​វិបត្តិកូវីដ​១៩នោះទេ តែ ដោយសារតែវិបត្តិកូវីដ​១៩​បា​ន​អូ​ស​ប​ន្លាយ​​យូ​រ ធ្វើឱ្យ​វិស័​យអចលនទ្រព្យក៏រងផលប៉ះពាល់ នៅអំឡុង​ឆ្នាំ ២០២១​ និងឆ្នាំ ២០២២​។

អ្នកនាង​កេសា​បានរំលឹក​ផងដែរថា នៅក្នុងស្ថានភាព​បែបនេះ ការ​ដាក់ទុនវិនិយោគក្នុងវិស័យ​អចលន​ទ្រព្យ​គួរត្រូវ​មានការ​ប្រុង​ប្រយ័ត្នខ្ពស់  តែសម្រាប់អ្នកអភិវឌ្ឍន៍ ឬក៏អ្នកវិនិយោគ​ដែលមាន​ទុនគ្រប់គ្រាន់ អាច​បណ្ដាក់​ទុន​វិនិយោគបានដដែល ដែលអាចនឹងរកផល​ចំណេញ នៅពេលចប់​វិបត្តិ។

អ្នកនាង ​អាន សុធីតា​ នាយិកា​ប្រតិបត្តិ​នៃក្រុមហ៊ុន  PropNex  Cambodia ក៏បានលើកឡើងថា​ នៅក្នុង​វិបត្តិ​សេដ្ឋកិច្ចដែល​បណ្ដាលមកពីកត្តា​ខាងក្រៅ​បែបនេះ ការ​វិនិយោគភាគច្រើន​ជា​អ្នកនៅក្នុងស្រុក​ ហើយផ្គត់ផ្គង់​សម្រាប់អ្នកក្នុងស្រុក​ដូចគ្នា។​ ការ​វិនិយោគនៅក្នុងអំឡុង​ពេលនេះ គួរ​បន្ត​តែក៏មានកា​រប្រយ័ត្ន​ និងត្រូវ​ប្រឹក្សា​ជាមួយអ្នកជំនាញ​នៅក្នុងវិស័យ​នេះ​  ដើម្បីបញ្ជៀស​ហានិភ័យ​ដេលអាច​កើតឡើង​បាន។

អ្នកភ្នាក់ងារ​អចលនទ្រព្យនៅបណ្ដាខេត្ត​នានា បានបញ្ជាក់ថា ការទិញលក់​ដីធ្លី ​និងគម្រោង​វិនិយោគនៅក្នុង​ខេត្ត​របស់​ពួកគេ​ហាក់មានភាពស្ងប់ស្ងាត់​ជា​ងឆ្នាំមុនទៅទៀត។ ជាក់​ស្ដែង​លោកកែវ សារ៉ន​ ប្រធានសាខា​នៃក្រុមហ៊ុន​អចលនទ្រព្យ​ Century 21 Zillion Holding ប្រចាំខេត្ត​បាត់ដំបង​បាននិយាយថា​ ការទិញលក់​ដីធ្លី​ឃើញថា​បានថមថយ​ច្រើន​ច្រើន ហើយតម្លៃវិញក៏មានធ្លាក់ចុះជាង​មុនដែរ។ កាលពីឆ្នាំមុន យើង​រំពឹងថា ឆ្នាំនេះ​ស្ថានភាព​នឹងប្រសើរ​តែមកដល់ពេលនេះ​នៅតែមិនទាន់ប្រសើរនៅឡើយ ដូច្នេះហើយ​គឺមានតែរង់ចាំមើល​បន្តទៅទៀត​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីសេវាហិរញ្ញវត្ថុ ដែលកំពុងមានវត្តមាន និងពេញនិយមនៅកម្ពុជា

ព្រឹត្តិការណ៍, ហិរញ្ញវត្ថុ

• 25/06/2024

បច្ចុប្បន្ន សេវាឥណទាន ឬហិរញ្ញវត្ថុផ្លូវការ ដែលផ្តល់ដោយគ្រឹះស្ថានធនាគារ និងហិរញ្ញវត្ថុ (គ្រឹះស្ថានមីក្រូហិរញ្ញវត្ថុ) បាន និងកំពុងរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចជាតិ

មន្ត្រីកសិកម្ម ៖ កិច្ចអន្តរាគមផ្នែកបច្ចេកទេស ជាអាទិភាពដើម្បីរកដំណោះស្រាយជូនប្រជាកសិករដែលជួបបញ្ហាពីការផ្ទុះឡើងករណីដង្កូវហ្វូង

ព្រឹត្តិការណ៍, សេដ្ឋកិច្ច

• 25/06/2024

ឯកឧត្តម ងិន ឆាយ បានថ្លែងថា ការងារអន្តរាគមន៍ខាងផ្នែកបច្ចេកទេស ជាអាទិភាពចាំបាច់ដើម្បីស្វែងរកដំណោះស្រាយជូនពុកម៉ែបងប្អូនប្រជាកសិករនៅតាមមូលដ្ឋាន

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​