សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនថាមពលរបស់បារាំងមួយដែលមានប្រតិបត្តិការនៅក្នុងប្រទេសកម្ពុជាផងដែរនោះ បានចុះអនុស្សារណៈនៃការយោគយល់ជាមួយធនាគារពាណិជ្ជធំមួយរបស់កម្ពុជា លើការអនុវត្តគម្រោងស្ដីពីហិរញ្ញប្បទានសាជីវកម្ម ដើម្បីឱ្យក្រុមហ៊ុនថាមពលមួយនេះអាចមានលទ្ធភាពក្នុងការពង្រីកអាជីវកម្មរបស់ខ្លួននៅក្នុងប្រទេសកម្ពុជាកាន់តែទូលំទូលាយ ។
នៅក្នុងពិធីចុះហត្ថលេខាកាលពីថ្ងៃទី០១ ខែមេសា ឆ្នាំ២០២៥ លោកស្រី Dinah Jogia Kumar អគ្គនាយិកាក្រុមហ៊ុនតូតាល់ អេនើជីម៉ាឃីធីង (ខេមបូឌា) បានមានប្រសាសន៍ថា កិច្ចសហការរវាងក្រុមហ៊ុន និង ធនាគារពាណិជ្ជធំជាងគេនៅកម្ពុជានាពេលនេះ នឹងធ្វើឱ្យក្រុមហ៊ុនតូតាល់អាចពង្រីកអាជីវកម្មរបស់ខ្លួននៅក្នុងប្រទេសកម្ពុជាកាន់តែទូលាយ ហើយនឹងធ្វើឱ្យការទូទាត់សេវាហិរញ្ញវត្ថុតាមបែបឌីជីថលនៅកម្ពុជាក៏កាន់ទូលំទូលាយផងដែរ ។
លោកស្រី សុខ សោភា គណៈប្រធាននាយិកាប្រតិបត្តិ ប្រតិបត្តិការ ធនាគារអេស៊ីលីដាភីអិលស៊ី បានមានប្រសាសន៍ថា ការចុះហត្ថលេខាលើអនុស្សារណៈនៃការយោគយល់គ្នានេះ មិនមែនជាលើកទី១នោះទេ ដោយកន្លងមក ធនាគារ អេស៊ីលីដា និងក្រុមហ៊ុនតូតាល់ បានចុះកិច្ចព្រមព្រៀង និងអនុស្សារណៈនៃការយោគយល់គ្នាមួយចំនួន និងបានរៀបចំកម្មវិធីចុះហត្ថលេខាលើអនុស្សារណៈនៃការយោគយល់គ្នាលើកទី១កាលពីឆ្នាំ២០២១ ។
លោកស្រីបន្តថា ស្ថាប័នទាំងពីរជាដៃគូសហការដ៏ល្អក្នុងការផ្តល់សេវាកម្មឱ្យគ្នាទៅវិញទៅមក ជាមួយនឹងសេវាកម្មហិរញ្ញវត្ថុយ៉ាងសម្បូរបែប ដូចជា ការទូទាត់តាមបែបឌីជីថល ម៉ាស៊ីន POS និងការបញ្ចូលទឹកប្រាក់ទៅក្នុងប័ណ្ណសមាជិករបស់ក្រុមហ៊ុនតូតាល់ ព្រមទាំងការទូទាត់វិក័យបត្ររបស់ស្ថានីយប្រេងឥន្ធនៈតូតាល់ លក់ដុំ និងលក់រាយទាំងអស់ នៅតាមបញ្ជរធនាគារ អេស៊ីលីដា ការទូទាត់ប្រាក់តាមរយៈអេស៊ី ស៊ូភើអេប និងការទូទាត់ប្រាក់តាមរយៈអេស៊ីលីដា អ៊ីនធើណែត ប្រកបដោយទំនុកចិត្ត សុវត្ថិភាព និងប្រសិទ្ធភាពខ្ពស់។ ជាមួយគ្នានេះដែរ ធនាគារ អេស៊ីលីដា ក៏បានប្រើប្រាស់ផលិតផល និងសេវាកម្មរបស់ក្រុមហ៊ុនតូតាល់ដូចជា ការចាក់ប្រេងឥន្ធនៈ សេវាជួសជុល និងថែទាំរថយន្តជាដើម ។
លោកស្រីបានបន្ថែមទៀតថា ដើម្បីពង្រឹង និងជំរុញការអនុវត្តកិច្ចព្រមព្រៀង និងអនុស្សារណៈ នៃការយោគយល់គ្នាកន្លងមកឲ្យកាន់តែមានប្រសិទ្ធភាព និងផ្តល់សេវាកម្មហិរញ្ញវត្ថុបន្ថែមទៀត ទើប ធនាគារ អេស៊ីលីដា និងក្រុមហ៊ុនតូតាល់ ឈានដល់ការចុះហត្ថលេខាលើអនុស្សារណៈនៃការយោគយល់គ្នាលើកទី២នាពេលនេះ ដើម្បីផ្តល់នូវផ្តល់ជម្រើសហិរញ្ញប្បទានគ្រប់ប្រភេទជូនដល់អតិថិជន សម្រាប់ប្រើប្រាស់ក្នុងដំណើរការអាជីវកម្មប្រកបដោយប្រសិទ្ធភាព និង សក្តិសិទ្ធភាពបន្ថែមទៀត ។ ភាពជាដៃគូនេះក៏បានផ្តល់អត្ថប្រយោជន៍ជាច្រើនដល់ម្ចាស់ស្ថានីយចែកចាយប្រេងឥន្ធនៈរបស់ ក្រុមហ៊ុនតូតាល់ អេនើជី ម៉ាឃីធីង (ខេមបូឌា) ជាមួយនឹង សេវាឥណទានអេស៊ីលីដា រួមមាន ប័ណ្ណឥណទាន (វីសា/ម៉ាស្ទ័រ) ឥណទានសម្រាប់ពាណិជ្ជករ អេស៊ីលីដា ឥណទានសម្រាប់អ្នកចែកចាយ និងសេវាហិរញ្ញប្បទានពាណិជ្ជកម្ម ជាមួយនឹងអត្រាការប្រាក់ពិសេស និងលក្ខខណ្ឌងាយស្រួល ៕
Account
Security
Favourite Content