សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តាមប្រភពព័ត៌មានពីរ៉យទ័រ បានរាយការណ៍ថា អាមេរិកលែងជាទីគាប់ចិត្តសម្រាប់បណ្តាមហាសេដ្ឋីពិភពលោកដូចមុនការរាតត្បាតកូវីដ-១៩ ទៀតហើយ ដោយចំណាត់ថ្នាក់ធ្លាក់មកនៅត្រឹមលេខរៀងទី៦។
យោងតាមរបាយការណ៍អំពីរំហូរចូលនៃពួកអ្នកមានទៅកាន់អាមេរិកបានធ្លាក់ចុះជាង ៨០ ភាគរយ បើធៀបនឹងកម្រិតមុនការរាតត្បាតជំងឺកូវីដ-១៩ ខណៈដែលកាលពីឆ្នាំ២០២២កន្លងទៅនេះ តួលេខនេះបានធ្លាក់ចុះមកនៅត្រឹមតែ ១ ៥០០ នៃចំនួនមហាសេដ្ឋី បើធៀបទៅនឹងតួរលេខ ១០ ៨០០ នៃមហាសេដ្ឋីនៅចន្លោះឆ្នាំ២០១៣ និង២០១៩។ របាយការណ៍នេះបញ្ជាក់ថា ប្រទេសនេះកំពុងបាត់បង់ភាពសុខដុមក្នុងចំណោមប្រទេសដែលមហាសេដ្ឋីចង់ធ្វើចំណាកស្រុក។ របាយការណ៍ក៏បានកត់សម្គាល់ផងដែរថា មហាសេដ្ឋីដែលមកពីប្រទេសផ្សេងៗក៏មានការផ្លាស់ប្តូរដែរ ខណៈដែលកាលពីមុនអ្នកដាក់ពាក្យសុំធ្វើចំណាកស្រុកភាគច្រើនគឺមកពីប្រទេសកំពុងអភិវឌ្ឍន៍ដែលមានលិខិតឆ្លងដែនទន់ខ្សោយ ជាមួយនឹងសិទ្ធិចូលដំណើរការដោយគ្មានទិដ្ឋាការ និងកម្រិតសេដ្ឋកិច្ចទាប ប៉ុន្តែមហាសេដ្ឋីភាគច្រើនឥឡូវនេះមកពីប្រទេសអភិវឌ្ឍន៍។
យោងតាមក្រុមអ្នកវិភាគបានបង្ហាញថា ពួកអ្នកមានគឺជាអ្នកការពារសុខភាពនៃសេដ្ឋកិច្ច ដោយសារតែសមត្ថភាពរបស់ពួកគេក្នុងការផ្លាស់ទីជុំវិញពិភពលោកដោយសេរី អាចផ្តល់នូវសញ្ញាព្រមានជាមុនអំពីនិន្នាការសកលនាពេលអនាគត។ ទិន្នន័យបានបង្ហាញផងដែរថា កាលពីឆ្នាំ ២០១៤ កន្លងទៅនេះ សហរដ្ឋអាមេរិកគឺជាប្រទេសដែលមានរំហូរចូលធំបំផុតនៃមហាសេដ្ឋីដែលមានទ្រព្យសម្បត្តិច្រើន។ ទោះជាបែបនេះក្តី ប្រទេសនេះបានធ្លាក់មកត្រឹមចំណាត់ថ្នាក់ទី ៦ ដោយបានធ្លាក់ពីក្រោយប្រទេសអារ៉ាប់រួម អូស្ត្រាលី សិង្ហបុរី កាណាដា និងស្វីស។
ប្រធានផ្នែកស្រាវជ្រាវនៅ New World Wealth លោក Andrew Amoils បានលើកឡើងថា ទោះបីជាមានកំណើនមនុស្សនៅតែមករស់នៅអាមេរិកមែន ប៉ុន្តែកំណើនមនុស្សដែលចាកចេញទៅក៏មានច្រើនផងដែរ។ ប្រជាជនអាមេរិកដែលជាអ្នកមានបានធ្វើដំណើរទៅក្រៅប្រទេស ដើម្បីផ្លាស់ទីកន្លែងទៅនៅបរទេស ដោយសារពួកគេភាគច្រើនព្រួយបារម្ភអំពីបញ្ហាពន្ធ និងសន្តិសុខនៅអាមេរិក។ មិនត្រឹមតែប៉ុណ្ណោះ ទីក្រុងតូចៗទទួលបានប្រជាប្រិយភាពពីពួកមហាសេដ្ឋី ខណៈដែលទីក្រុងធំៗ ដូចជា Chicago និង New York កំពុងមើលឃើញពីការចាកចេញរបស់មហាសេដ្ឋីយ៉ាងច្រើន។
ទោះបីជាយ៉ាងណាក្តី សហរដ្ឋអាមេរិកនៅតែជាទីផ្សារទ្រព្យសម្បត្តិដ៏ធំបំផុតដែលមានតម្លៃ ៦៥ ទ្រីលានដុល្លារ ជាមួយនឹងមហាសេដ្ឋី ៧៧០ នាក់, ប្រជាជន ៩៦ ៣០ នាក់មានទ្រព្យប្រហែល ១០០ លានដុល្លារ ឬច្រើនជាងនេះ និង ៥,៣ លាននាក់ដែលជាអ្នកមាន៕
Account
Security
Favourite Content