សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ជាមធ្យមក្នុងរយៈពេលប្រមាណជា១០ឆ្នាំចុងក្រោយនេះ ក្រុមហ៊ុនធុរកិច្ចថ្មី ឬ Starup ផ្នែកបច្ចេកវិទ្យាយោធានៅក្នុងប្រទេសអាមេរិកត្រូវបានគេសង្កេតឃើញថា ត្រូវបានបង្កើតឡើងយ៉ាងហោចណាស់ ១៧ក្រុមហ៊ុនជារៀងរាល់ឆ្នាំដែលក្នុងនោះមួយចំនួនគឺជាស្នាដៃដោយក្រុមនិស្សិតបញ្ចប់ការសិក្សានៅសកលវិទ្យាល្បីៗ ដូចជា Standford University, Massachusetts Institute of Technology និង University of California(Berkeley) ជាដើម។
តួលេខត្រូវបានធ្វើការស្រាវជ្រាវ និងយកមកចេញផ្សាយដោយ Tracxn.com បានឲ្យដឹងដែរថា មកទល់បច្ចុប្បន្នធុរកិច្ចថ្មីសម្រាប់វិស័យយោធានៅអាមេរិកសរុបមានប្រមាណជា៥៥៦ក្រុមហ៊ុនមកហើយ ប៉ុន្តែក្នុងនោះមានប្រមាណជា ៣០០ជាងប៉ុណ្ណោះដែលទទួលបានទុនវិនិយោគ និងអភិវឌ្ឍខ្លួនបន្ថែមទៀត។
យ៉ាងណាក្តី សម្រាប់ឆ្នាំ២០២៥នេះក្រុមហ៊ុនធុរកិច្ចថ្មីគួរឲ្យចាប់អារម្មណ៍ និងទទួលបានទុនវិនិយោគច្រើនជាងគេត្រូវបាន Tracxn.com យកមកបង្ហាញដែលក្នុងនោះមានដូចជា ៖
៥. Iridium Communications ៖ ជាអ្នកមានជំនាញផ្តល់សេវាកម្មផ្កាយរណប និងទំនាក់ទំនងតាមបច្ចេកវិទ្យាបូករួមទាំងសម្លេងទិន្នន័យ និងវិដេអូផង។ បង្កើតឡើងនៅក្នុងឆ្នាំ២០០១ និងកំពុងបន្តផ្តល់សេវាកម្មជុនក្រុមហ៊ុន និងភ្នាក់ងាររបស់រដ្ឋាភិបាលជាច្រើនផងដែរតាមរយៈប្រព័ន្ធផ្ការណបក្នុងរយៈកំពស់កម្រិតទាប low-earth របស់ខ្លួន។
៤. Epirus ៖ ជាក្រុមហ៊ុនកើតថ្មីជំនាញខាងប្រយុទ្ធប្រឆាំងទៅនឹងប្រព័ន្ធបញ្ជាដោយដ្រូនគ្រប់ប្រភេទទោះបីដោយបច្ចេកវិទ្យា AI ក្តី។ គោលបំណងសំខាន់ក្នុងការប្រតិបត្តិការរបស់ Epirus គឺក្នុងការការពារសុខសុវត្ថិភាពជូនទីតាំងសំខាន់ៗរបស់រដ្ឋនិងសាធារណជាមួយនឹងប្រព័ន្ធគ្រប់គ្រងបច្ចេកវិទ្យាខ្ពស់បំផុត។ បង្កើតឡើងនៅក្នុងឆ្នាំ២០១៧ បច្ចុប្បន្ន Epirus ប្រមូលបានទុនវិនិយោគប្រមាណជា ២៨៩លានដុល្លារមកហើយនិងមានមូលដ្ឋានធំនៅក្នុងទីក្រង Los Angeles។
៣. Shield AI ៖ ជាក្រុមហ៊ុនអ្នកអភិវឌ្ឍបច្ចេកវិទ្យាពីឡុតបើកបរយន្តហោះចម្បាំងដោយបច្ចេកទេស AI ព្រមទាំងជាអ្នកផលិតយន្តហោះគ្មានមនុស្សបើកសម្រាប់ការឃ្លាំយកការណ៍និងឃ្លាំការពារផងដែរ។
ប្រព័ន្ធប្រយុទ្ធដោយស្វ័យប្រវត្តិគឺជាផលិតផលពេញនិយមជាងគេរបស់ក្រុមហ៊ុនដោយវាអាចកំណត់បានទីតាំងច្បាស់លាស់បូករួមទាំងផែនទីនិងម៉ាស៊ីនរ៉ូបូតដែលអាចប្រតិបត្តិការគ្រប់ស្ថានភាពផងដែរ។
បង្កើតឡើងនៅ San Diego តាំងតែពីឆ្នាំ២០១៥បច្ចុប្បន្ន Shield AIទទួលបានទុនវិនិយោគប្រមាណជា៩៣០លានដុល្លាររួចមកហើយ។
២. SiOnyx ៖ ជាក្រុមហ៊ុនបច្ចេកវិទ្យាដែលជំនាញលើការផ្តល់រូបភាពនិងវិដេអូដែលមានគុណភាពខ្ពស់ជាពិសេសនៅក្នុងប្រតិបត្តិការនៅពេលយប់។ជាមួយនឹងមុខងារសំខាន់ៗសម្រាប់ប្រតិបត្តិការក្នុងទីងងឹតដូចជាកាម៉េរ៉ាដែលមានទំហំផ្ទុក Micro SD 4-32GB និងទំហំរូបភាព 9MP pixel។ប្រព័ន្ធប្រតិបត្តិការរបស់ SiOnyx អាចបញ្ជាពីចំងាយដោយកម្មវិធីទូរស័ព្ទទាំង iOS និង Android។
វាទទួលបានទុនប្រមាណជាជាង២១លានដុល្លារមកហើយចាប់តាំងតែពីត្រូវបានបង្កើតឡើងដំបូងនៅឆ្នាំ២០០៦នៅក្នុងទីក្រុង Beverly។
១.Anduril ៖ ជាក្រុមហ៊ុនកើតថ្មីដែលទទួលបានទុនច្រើនជាងគេបំផុតចាប់តាំងតែពីត្រូវបានបង្កើតឡើងនៅឆ្នាំ២០១៧។ទុនសរុបមកទល់ពេនេះមានប្រមាណជា៣,៧៦ពាន់លានដុល្លារមកហើយ។
Andurilជាអ្នកជំនាញផ្តល់ដំណោះស្រាយក្នុងការឈ្លបយកការណ៍និងឃ្លាំមើលសត្រូវពីចំងាយហើយបច្ចុប្បន្នកំពុងធ្វើការងារយ៉ាងជិតស្និទ្ធទៅនឹងកិច្ចការងារនៅក្នុងវិស័យការពារជាតិអាមេរិក៕
Account
Security
Favourite Content