អាជីវកម្មខ្នាតតាមដងផ្លូវ ត្បិតលក់តាមរទេះតូចៗ តែអាចរកចំណូលចិញ្ចឹមគ្រួសារបានស្រួល

ភ្នំពេញ ៖ ប្រសិនបើយើងធ្វើដំណើរតាមដងផ្លូវ ហើយក្រឡេកភ្នែកទៅមើលឆ្វេង ឬស្ដាំដៃនោះ ច្បាស់ណាស់ថា នឹងឃើញមានរទេះរុញលក់ម្ហូបអាហារ បាយឆា លក់ឆា នំប៉័ងសាច់ ក៏ដូចជាប្រហិតចៀនជាដើម ដែលទាំងអស់នេះសុទ្ធតែជាអាជីវកម្មស្ថិតក្នុងវិស័យសេដ្ឋកិច្ចក្រៅប្រព័ន្ធ ប៉ុន្តែវាក៏ជាសរសៃរឈាមនៃសេដ្ឋកិច្ចសង្គមយ៉ាងសំខាន់ដែលអាចអនុញ្ញាតឱ្យអាជីវកររកចំណូលបានគួរសមសម្រាប់ផ្គត់ផ្គង់ជីវភាពគ្រួសារ ជាពិសេសអាចផ្គត់ផ្គង់ដល់ការសិក្សារបស់កូនបានគ្រប់គ្រាន់។

លោក​ ម៉ម ណារិទ្ធ ជាអាជីវករលក់អាហារតាមរទេះរុញម្នាក់ក្នុងចំណោមអាជីវករដទៃទៀតនៅក្នុងរាជធានីភ្នំពេញ ស្ថិតនៅតាមបណ្ដោយផ្លូវ ១៥៥ ទល់មុខផ្សារអង្គរ ម្ដុំផ្សារទួលទំពូងបានមានប្រសាសន៍ឱ្យដឹងថា លោកបានចាប់យកមុខលក់អាហារអាំងតាមរទេះនេះយូរឆ្នាំមកហើយ ដោយអាចរកបានគួរសម ដែលមួយយប់អាចលក់បានខ្ទង់ ៥០-៦០ម៉ឺនរៀល។

លោកបញ្ជាក់ថា

“អាហារដែលលោកលក់រួមមានដូចជា ងៀតគោ ត្រីប្រឡាក់ សាច់ក្រក ប្រហិត ស្លាបមាន់ គ្រឿងក្នុងមាន់ និងបន្លែ ដែលយើងដាក់អាំងភ្លាមៗសម្រាប់អ្នកមកទិញយកទៅធ្វើជាគ្រឿងក្លែមក៏បាន និងបរិភោគជាមួយបាយក៏បាន។”

សម្រាប់តម្លៃនៃមុខម្ហូបអាហារដែលអាជីវកររូបនេះលក់មានភាពខុសគ្នា អាស្រ័យតាមប្រភេទអាហារ ដូចជា ត្រីប្រឡាក់ធ្វើពីត្រីរស់ ត្រីប្រា និងត្រីកេសជាដើម មានតម្លៃចាប់ពី ៣០០០ពាន់រៀលឡើងទៅ។ ចំណែកងៀតគោ មានចាប់ពីតម្លៃ ៥០០០រៀល ហើយបន្លែអាំង ដូចជា ផ្សិត ពោតបារាំង មានតម្លៃ ១០០០រៀល។

ស្រដៀងគ្នានេះដែរ អ្នកស្រី ឈាង ស្រីប៉ុច ជាអាជីវករលក់បង្អែមតាមរទេះរុញចល័តនាពេលរាត្រីមួយរូបនៅម្ដុំបឹងកេងកង ខណ្ឌបឹងកេងកង រាជធានីភ្នំពេញ បានមានប្រសាសន៍ឱ្យដឹងដែរថា អ្នកស្រីបានប្រកបមុខរបរលក់បង្អែមតាមរទេះនេះច្រើនឆ្នាំមកហើយ ដែលមុខរបរនេះលក់តែពេលយប់ប៉ុណ្ណោះ ព្រោះការលក់ពេលយប់មិនសូវក្ដី ហើយមានម៉ូយច្រើនដែលបម្រើការងារនៅតាមហាងអាហារដ្ឋាន និងក្លិប ខណៈដែលចំណូលក៏ទទួលបានចន្លោះពី ១៥-២០ម៉ឺនរៀល។

ចំពោះមុខបង្អែមដែលមាននៅក្នុងរទេះរុញវិញ រួមមានដូចជាបង្អែមបបរសណ្ដែកខៀវ បបរពោត បបរត្នោត និងបង្អែមលតជាដើម ចំណែកប្រភេទភេសជ្ជៈវិញអ្នកស្រីមានលក់ទឹកសណ្ដែកស ទឹកសណ្ដែកខៀវ តែជ្រក់ក្រូចឆ្មារ និងមានលក់ណែមខ្លះៗ ដែលអ្នកស្រីទិញពីខេត្តបាត់ដំបងយកមកលក់បន្តផងដែរ។ ដោយឡែកចំពោះតម្លៃវិញ បង្អែមមួយចានលក់ត្រឹម ២០០០រៀល មានបន្ថែមខ្ទិះដូង ទឹកដោះគោ ដាក់ទឹកកកត្រជាក់ និងរសជាតិផ្អែមឈ្ងុយឆ្ងាញ់ជាប់មាត់តែម្ដង។ ​

អ្នកស្រីបន្តថា ជាធម្មតាអ្នកស្រីចេញលក់ចាប់ពីម៉ោង ៨ យប់ ដោយលក់រុញចេញពីម្ដុំបឹងកេងកង ៣ តាមផ្លូវ ៣៦០ ផ្លូវ៣១០​ រហូតដល់ម្ដុំវត្តលង្ការ ហើយត្រឡប់មកវិញតាមផ្លូវត្រសក់ផ្អែម ផ្លូវមុន្នីវង្ស បន្តទៅតាមផ្លូវ ៣៦០វិញ ដោយរុញលក់ជារឿយៗរហូតដល់អស់ទាល់តែម៉ោង ៥ព្រឹកទើបបានចូលផ្ទះសម្រាកវិញ។

ដោយឡែក អ្នកស្រី ឡាំ ចន្ថា ដែលជាអាជីវករលក់លត់ឆា បាយឆា នៅតាមបណ្តោយផ្លូវ OCIC ខណ្ឌជ្រោយចង្វារ រាជធានីភ្នំពេញក៏បានប្រាប់ឱ្យដឹងដែរថា អ្នកស្រីទើបតែបានចាប់យកមុខរបរមួយនេះប្រមាណ៥ឆ្នាំ បន្ទាប់ពីអ្នកស្រី និងគ្រួសារបានត្រឡប់ពីចំណាក់ស្រុកមកពីប្រទេសថៃវិញ។

អ្នកស្រីបានបន្តថា ចំពោះមុខរបរមួយនេះ អ្នកស្រីចេញលក់ចាប់ពីម៉ោង៤ល្ងាចរហូតដល់ម៉ោង៨យប់ ដោយមីឆាសាច់គោមួយចានមានតម្លៃ៣៥០០រៀល ហើយបើថែមពងទាមួយគ្រាប់តម្លៃ៥០០០រៀល។ ដោយឡែក សម្រាប់បាយឆាសាច់គោមួយចានតម្លៃ៥០០០រៀល ប៉ុន្តែបើថែមពងទាមួយគ្រាប់តម្លៃ៦០០០រៀល។

អ្នកស្រីបញ្ជាក់ឱ្យដឹងទៀតថា ការដាក់លក់នៅទីតាំងនេះ មិនមានអ្នកណាមកទាលុយថ្លៃទីតាំងនោះទេ ប៉ុន្តែត្រូវជួយថែរក្សាអនាម័យឱ្យស្អាត ជៀសវាងបង្កសំរាម ហើយក្នុងមួយថ្ងៃអ្នកស្រីអាចលក់បានចន្លោះពី១៥ម៉ឺន ទៅ២០ម៉ឺនរៀល ឬលើសនេះអាស្រ័យតាមថ្ងៃមានមនុស្សតិច ឬច្រើន។

យ៉ាងណាក៏ដោយ អ្នកស្រី ឡាំ ចន្ថា បានអះអាងថា ត្បិតចំណូលទាំងនេះមិនច្រើន ឬអាចធ្វើជាអ្នកមានបាន ប៉ុន្តែយ៉ាងហោចណាស់អាចផ្គត់ផ្គង់ជីវភាពគ្រួសារប្រចាំថ្ងៃបាន និងអាចផ្គត់ផ្គង់ការសិក្សារបស់កូនចំនួន២នាក់បាន ហើយអ្វីដែលសំខាន់បំផុតនោះ គឺអ្នកស្រីអាចរស់នៅជួបជុំក្រុមគ្រួសារបាន មិនចាំបាច់ចំណាក់ស្រុកធ្វើធ្វើការនៅស្រុកគេផ្សងព្រេងសំណាង ហើយបែកពីកូនទៀតនោះទេ៕ 

និយាយជារួមមក បើទោះបីការប្រកបអាជីវកម្មខ្នាតតូចទាំងនេះមានភាពនឿយហត់ក៏ពិតមែន ប៉ុន្តែអាជីវករទាំងនេះសប្បាយចិត្តក្នុងការធ្វើជាប្រចាំ ព្រោះវាជាប្រភពចំណូលសម្រាប់គ្រួសារ ហើយណាមួយជាមុខរបរស្របច្បាប់ ប្រកបដោយភាពថ្លៃថ្នូរ និងអាចរកចំណូលបានច្រើនគួរសមផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ