គម្រោង​ ៥​១១ ​ចាក់​បញ្ចូល​ទុន ​​៨​,​៥ ​ពាន់​លាន​ដុល្លារ​ទៅ​ក្នុង​ខេត្ត​ព្រះសីហនុ​ ក្នុង​រយៈពេល​ជិត​ ៣ ​ឆ្នាំ​

​ភ្នំពេញ​៖​ ​រយៈពេល​ជិត​ ៣ ​ឆ្នាំ ​ចាប់​តាំងពី​ការ​ដាក់​ឱ្យ​អនុវត្ត​ជា​ផ្លូវការ​នូវ​កម្មវិធី​ពិសេស​ជំរុញ​ការ​វិនិយោគ​ក្នុង​ខេត្ត​ព្រះ​សីហ​នុ ​កាលពី​ដើម​ឆ្នាំ​២០២៤ ​រហូតដល់​ខែ​តុលា ​ឆ្នាំ​២០២៦ ​ក្រុម​ការងារ​ជំរុញ​ការ​វិនិយោគ​ខេត្ត​ព្រះសីហនុ ​បាន​សម្រេច​ផ្តល់​ការ​លើកទឹកចិត្ត​ដល់​គម្រោង​វិនិយោគ​សរុប​ចំនួន​ ៥១១ ​គម្រោង​ ​ដែល​មាន​ទុន​វិនិយោគ​សរុប​ ៨​,​៥​ពាន់​លាន​ដុល្លារ​អាម៉េរិក​។

យោង​តាម​សេចក្តី​ប្រកាស​ព័ត៌មាន​របស់​ក្រុមការងារ​ជំរុញ​ការ​វិនិយោគ​ខេត្ត​ព្រះសីហនុ​ ​គម្រោង​វិនិយោគ​ទាំង​ ៥​១១​ ​គម្រោង​នេះ​ ​នឹង​ផ្តល់​ឱកាស​ការងារ​សរុប​ជាង​ ៦​ម៉ឺន​កន្លែង​ ​ក្នុង​វិស័យ​ផ្សេង​ៗ​។

​ក្នុង​ចំណោម​គម្រោង​ទាំង ​៥​១១ ​មាន​គម្រោង​ពាក់ព័ន្ធ​នឹង​អគារ​ជាប់​គាំង​ចំនួន​ ២១៨ ​គម្រោង​ ​ខណៈ​គម្រោង​មិន​ពាក់ព័ន្ធ​នឹង​អគារ​ជាប់គាំង ​ឬ​គម្រោង​ថ្មី​ ​មាន​ចំនួន​ ​២៥២​ ​គម្រោង​។ ​ក្រៅ​ពី​នេះ​ មាន​គម្រោង​ពង្រីក​ចំនួន​ ២៦ ​និង​គម្រោង​មាន​ស្រាប់​ចំនួន​ ​១៥​។

​ដោយឡែក​ ​នៅ​ថ្ងៃ​ទី​២៧​ ​ខែ​តុលា ​ឆ្នាំ​២០២៦​ ​គម្រោង​វិនិយោគ​ចំនួន​ ១៤ ​ដែល​មាន​ទុន​វិនិយោគ​សរុប​ ២៣៧​លាន​ដុល្លារ​អាម៉េរិក​ ​បាន​ស្នើសុំ​ចុះ​ ​ហើយ​ក្រុមការងារ​ជំរុញ​ការ​វិនិយោគ​ខេត្ត​ព្រះសីហនុ ​បាន​បើក​កិច្ច​ប្រជុំ​ពិនិត្យ​លើ​គម្រោង​វិនិយោគ​ ​និង​ធុរកិច្ច​ទាំងនេះ​ ​ដើម្បី​រៀបចំ​អនុម័ត​ឱ្យ​ដំណើរការ​វិនិយោគ​ជា​ផ្លូវការ​។

ប្រសិនបើ​ចាប់ផ្តើម​ដំណើរការ​ ​គម្រោង​ទាំង ​១៤ ​នេះ​ ​ត្រូវ​បាន​រំពឹង​ថា​នឹង​ផ្តល់​ឱកាស​ការងារ​ប្រមាណ​ ​២ ៧០០​កន្លែង​ ​ដល់​ប្រជា​ពលរដ្ឋ​។

​តាម​សេចក្តី​ប្រកាស​ព័ត៌មាន​ដដែល​ ​គម្រោង​ទាំង ​១៤ ​រួម​មាន​ ​គម្រោង​អគារ​ពហុ​មុខងារ​ ​សណ្ឋាគារ​ ​សួន​ឧស្សាហកម្ម ​ភណ្ឌាគារ​គយ​មាន​ដែន​កំណត់ រោង​ចក្រ​ផលិត​ក្តារ​បន្ទះ​គ្រប់​ប្រភេទ​ ​រោងចក្រ​ផលិត​កាវ ​និង​រោងចក្រ​ផលិត​ឧបករណ៍​ពេទ្យ​។​

ថ្លែង​ក្នុង​កិច្ច​ប្រជុំ​ពិនិត្យ​ ​និង​ពិភាក្សា​លើ​គម្រោង​ទាំងនេះ​ ​ឯកឧត្តម​បណ្ឌិត​សភា​ចារ្យ​ ​ហ៊ាន​ ​សាហ៊ីប មានប្រសាសន៍​ថា​ ​ក្រៅ​ពី​ការ​ផ្តល់​ការ​អនុម័ត​លើកទឹកចិត្ត​គម្រោង​វិនិយោគ​ ​និង​ធុរកិច្ច​ ​ក្រុម​ការងារ​បាន​ ​និង​កំពុង​ដឹកនាំ​សម្របសម្រួល​ការ​អនុវត្ត​កម្មវិធី​ពិសេស​ជំរុញ​ការ​វិនិយោគ​ក្នុង​ខេត្ត​ព្រះសីហនុ​។​

​ឯកឧត្តម​បន្ត​ថា​ ​ក្រុមការងារ​ជំរុញ​ការ​វិនិយោគ​ខេត្ត​ព្រះសីហនុ ​ក៏​មាន​តួនាទី​ជា ​«​ច្រក​ចេញ​ចូល​តែ​មួយ​» ​ក្នុង​ការ​ពិនិត្យ​សម្រេច​ផ្តល់​ការ​លើកទឹកចិត្ត​ពិសេស​ ​ផ្តល់​សេវា​ថែទាំ​វិនិយោគ​ ​បន្ត​នីតិវិធី​ផ្តល់​ការ​លើកទឹកចិត្ត​ជាក់ស្តែង​ ​ផ្តល់​ការ​ប្រឹក្សា​យោបល់​ និង​ធ្វើ​ការ​ផ្សព្វផ្សាយ​ប្រកប​ដោយ​បុរេ​ស​កម្ម ​ឆាប់រហ័ស ​និង​មាន​តម្លាភាព​។

ការងារ​នេះ​មាន​គោលដៅ​ជំរុញ​ការ​វិនិយោគ​លើ​គម្រោង​អគារ​ជាប់គាំង ​និង​គម្រោង​ក្នុង​វិស័យ​ឧស្សាហកម្ម​ ​កសិកម្ម ​និង​ទេសចរណ៍​ ​ក្រោម​កិច្ច​សហការ​រវាង​ក្រសួង​ ​ស្ថាប័ន​ ​និង​រដ្ឋបាល​ខេត្ត​ព្រះសីហនុ​។​

​ឯកឧត្តម​បណ្ឌិត​សភា​ចារ្យ​ក៏​បាន​គូសរំលេច​ពី​ការងារ​សំខាន់​ៗ​ដែល​ក្រុមការងារ​ត្រូវ​រៀបចំ​បន្ត ​រួមមាន​ការ​រៀបចំ​របាយការណ៍​វាយតម្លៃ​លើ​ការ​បន្ត​អនុវត្ត​ ​«​កម្មវិធី​ពិសេស​ជំរុញ​ការ​វិនិយោគ​ក្នុង​ខេត្ត​ព្រះសីហនុ​»​ ​ក្នុង​ឆ្នាំ​២០២៦ ​និង​ការ​ចងក្រង​ឯកសារ​សំខាន់​ៗ​ដែល​ក្រុមការងារ​ ​ក្រសួង​ ​ស្ថាប័ន​ ​និង​អង្គភាព​ពាក់ព័ន្ធ​បាន​រៀបចំ​ក្នុង​រយៈពេល​ ៣​ឆ្នាំ ​ចាប់​ពី​ឆ្នាំ​២០២៤ ​ដល់​ឆ្នាំ​២០២៦​។

​ការងារ​បន្ត​ទៀត​រួម​មាន​ ការ​ផលិត​វីដេអូ​ស្តីពី​លទ្ធផល​ការងារ​រយៈពេល​ ៣​ឆ្នាំ​របស់​ក្រុមការងារ​ ​និង​ការ​ធ្វើ​បច្ចុប្បន្ន​ភាព​ស្ថានភាព​គម្រោង​ដែល​បាន​ទទួល​គោលការណ៍​លើកទឹកចិត្ត​ ​ដើម្បី​ពិនិត្យ​វឌ្ឍនភាព​នៃ​ការ​អនុវត្ត​គម្រោង​ ​និង​ដោះស្រាយ​បញ្ហា​ប្រឈម​នានា​ឱ្យ​បាន​ទាន់​ពេលវេលា​ ​សំដៅ​ធានា​ប្រសិទ្ធភាព​នៃ​ការ​ជំរុញ​ការ​វិនិយោគ ស្រប​តាម​គោលដៅ​នៃ​កម្មវិធី​ពិសេស​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

មេ FASMEC គ្រោងបង្កើតគណៈកម្មការសម្របសម្រួល និងនាំចូលវត្ថុធាតុដើមចាំបាច់ពីក្រៅប្រទេស លក់ជូន SME ក្នុងស្រុកដោយតម្លៃទាប

ព្រឹត្តិការណ៍, សេដ្ឋកិច្ច

• 10/11/2026

ភ្នំពេញ ៖ ប្រធានសម័្ពន្ធសមាគមសហគ្រាសធុនតូច និងមធ្យមកម្ពុជា (FASMEC) បានបង្ហើបពីផែនការនៃការបង្កើតគណៈកម្មការសម្របសម្រួល និងនាំចូលវត្ថុធាតុដើមចាំបាច់ពីក្រៅប្រទេស ហើយលក់ជូនបងប្អូននៅក្នុងវិស័យសហគ្រាសធុនតូច និងមធ្យម SME ក្នុងស្រុកជាមួយតម្លៃទាប ដើម្បីធ្វើយ៉ាងណាអាចកាត់បន្ថយថ្លៃដើមផលិត និងលក់ចេញផលិតផលសម្រេចនៅលើទីផ្សារក្នុងតម្លៃសមរម្យ។ លោកឧកញ៉ា តែ តាំងប៉ ប្រធានក្រុមប្រឹក្សាភិបាល សម័្ពន្ធសមាគមសហគ្រាសធុនតូច និងមធ្យម កម្ពុជា

កិច្ច​ប្រជុំ​កំពូល​ហ្វ្រង់​កូហ្វូនី ​បើក​ឱកាស​ទាក់ទាញ​វិនិយោគ​ ​ពង្រីក​ពាណិជ្ជកម្ម ​និង​ជំរុញ​ទេសចរណ៍​កម្ពុជា​

ព្រឹត្តិការណ៍, សេដ្ឋកិច្ច

• 10/11/2026

ការ​ធ្វើ​ជា​ម្ចាស់​ផ្ទះ​រៀបចំ​កិច្ច​ប្រជុំ​កំពូល​ហ្វ្រង់​កូហ្វូនី​ឆ្នាំ​២០២៦ ​នៅ​រាជធានី​ភ្នំពេញ​ ​មិន​ត្រឹមតែ​ជា​ព្រឹត្តិការណ៍​ការទូត​ដ៏​សំខាន់​សម្រាប់​កម្ពុជា​ប៉ុណ្ណោះ​ទេ​ ​ប៉ុន្តែ​ថែមទាំង​បើក​ឱកាស​ទាក់ទាញ​ការ​វិនិយោគ ​ពង្រីក​ពាណិជ្ជកម្ម​អន្តរជាតិ​ ស្តារ​វិស័យ​ទេសចរណ៍​ ​និង​ពង្រឹង​កិច្ច​សហប្រតិបត្តិការ​ផ្នែក​អប់រំ​ជាមួយ​ប្រទេស​និយាយ​ភាសា​បារាំង​ផងដែរ​

កម្ពុជា កំពុងជំរុញនាំចេញផលិតផលស្វាយចន្ទី និងម្រេច ដែលមានតម្លៃបន្ថែមខ្ពស់ទៅកាន់សហភាពអឺរ៉ុប

ជំនួញ, ព្រឹត្តិការណ៍, សេដ្ឋកិច្ច

• 10/11/2026

ភ្នំពេញ ៖ ស្របតាមគោលនយោបាយរបស់រាជរដ្ឋាភិបាលកម្ពុជា ក្នុងការពង្រីកទីផ្សារ និងការបំពេញតម្លៃបន្ថែមទៅលើរាល់ផលិតផលកសិកម្ម ក្រសួងចំនួន ៣ និងស្ថាប័នពាក់ព័ន្ធបានចាប់ដៃសហការគ្នាយ៉ាងជិតស្និទ្ធ ដើម្បីធ្វើយ៉ាងណាបង្កើនការផលិត ពង្រឹងគុណភាព មានរសជាតិឆ្ងាញ់ ព្រមទាំងការវេចខ្ចប់ដែលមានលក្ខណៈស្តង់ដារ អាចបំពេញតម្លៃបន្ថែម​ ជាពិសេស ជំរុញការនាំចេញផលិតផលកសិកម្មទៅកាន់ទីផ្សារសហភាពអឺរ៉ុប។ នៅសណ្ឋាគារសូហ្វីតែល ភូគីត្រា ភ្នំពេញ នាព្រឹកថ្ងៃអង្គារ ទី១០

ភាគហ៊ុន​ R​GPPSEZ ​កើន​ ៣៩​%​ ​ក្រោយ​ចុះ​បញ្ជី​ផ្សារ​មូលបត្រ​កម្ពុជា​រយៈពេល​ ១០ ​ឆ្នាំ

ព្រឹត្តិការណ៍, សេដ្ឋកិច្ច

• 10/11/2026

តម្លៃ​ទីផ្សារ​ភាគហ៊ុន​របស់​ក្រុមហ៊ុន​ រ៉ូយ៉ាល់ ​គ្រុប ​ភ្នំពេញ​ ​អេស​អ៊ីហ្សិត​ ម​.ក ​ដែល​ជា​ក្រុមហ៊ុន​អភិវឌ្ឍ​តំបន់​សេដ្ឋកិច្ច​ពិសេស​ រ៉ូយ៉ាល់ ​គ្រុប ​ភ្នំពេញ​ ​(​R​GPPSEZ​)​ ​បាន​កើនឡើង​ ​៣៩​%​ ​ដល់​ជាង​ ៥​៧ ​លាន​ដុល្លារ​អា​ម៉េរិក​ ​បន្ទាប់ពី​ក្រុមហ៊ុន​នេះ​បាន​ចុះ​បញ្ជី​ក្នុង​ផ្សារ​មូលបត្រ​កម្ពុជា​ ​(​CSX​)​ ​អស់​រយៈពេល​ ១០ ​ឆ្នាំ​

ADB ចេញរបាយការណ៍ថ្មីថា អាស៊ីអាគ្នេយ៍ត្រូវការទុនវិនិយោគលើហេដ្ឋារចនាសម្ព័ន្ធប្រមាណ ៧,១ ទ្រីលានដុល្លារបន្ថែមទៀត

ព្រឹត្តិការណ៍, សេដ្ឋកិច្ច

• 10/11/2026

យោងតាមរបាយការណ៍ថ្មីមួយរបស់ធនាគារអភិវឌ្ឍន៍អាស៊ី (ADB) ចេញផ្សាយថា តំបន់អាស៊ីអាគ្នេយ៍ត្រូវការទុនវិនិយោគលើហេដ្ឋារចនាសម្ព័ន្ធចំនួន ៧,១ ទ្រីលានដុល្លារអាមេរិករហូតដល់ឆ្នាំ២០៤០ ដើម្បីទ្រទ្រង់កំណើនសេដ្ឋកិច្ច ពង្រឹងសន្តិសុខថាមពល និងកសាងសេដ្ឋកិច្ចដែលមានទំនាក់ទំនងគ្នាយ៉ាងរឹងមាំ

កម្ពុជា​នាំចេញ​ទំនិញ​ជិត ​២៩ ​ពាន់​លាន​ដុល្លារ​ ​ខណៈ​ទំហំ​ពាណិជ្ជកម្ម​សរុប​កើន​ជាង​ ​២០​%​

ព្រឹត្តិការណ៍, សេដ្ឋកិច្ច

• 10/11/2026

ម្ពុជា​សម្រេចបាន​ការ​នាំចេញ​ទំនិញ​ទៅកាន់​ទីផ្សារ​អន្តរជាតិ​មាន​តម្លៃ​ ២៨​,​៨​ ពាន់​លាន​ដុល្លារ​អាម៉េរិក​ ​ក្នុង​រយៈពេល​ ​១០ ​ខែ​ដើម​ឆ្នាំ ​២០២៦ ​កើនឡើង​ ​២០​,​៤​%​ ​ខណៈ​ទំហំ​ពាណិជ្ជកម្ម​អន្តរជាតិ​សរុប​របស់​កម្ពុជា​សម្រេចបាន​ជាង​ ​៦​២ ​ពាន់​លាន​ដុល្លារ​អាម៉េរិក​ ​កើនឡើង​ ​២០​,​៩​%​ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​២០២៥

ដំណឹងល្អ ! ហ្វីលីពីន ក្លាយជាទីផ្សារអង្ករធំបំផុតរបស់កម្ពុជាក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 06/11/2026

យោងតាមក្រសួងកសិកម្មអាមេរិក (USDA) បានឱ្យដឹងថា កម្ពុជានាំចេញអង្ករចំនួន ១២២ ១០២ តោនទៅកាន់ហ្វីលីពីនគិតចាប់ពីខែមករាដល់ខែសីហាក្នុងឆ្នាំនេះ ដែលជាការកើនឡើងយ៉ាងខ្លាំងពីចំនួន ៣ ៥០០ តោនពេញមួយឆ្នាំ ២០២៥ កន្លងទៅ

ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ

ព្រឹត្តិការណ៍, សេដ្ឋកិច្ច, ហិរញ្ញវត្ថុ

• 06/11/2026

ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១​

​កាណាដា ​គ្រោង​ជំរុញ​កិច្ចព្រមព្រៀង​ពាណិជ្ជកម្ម​សេរី​ជាមួយ​អាស៊ាន​និង​ហ្វីលីពីន ​នៅ​កិច្ច​ប្រជុំ​កំពូល​លើក​ទី​៤៩​

ព្រឹត្តិការណ៍, សេដ្ឋកិច្ច

• 06/11/2026

​នាយករដ្ឋមន្ត្រី​កាណាដា ​លោក​ ​Mark ​Carney ​គ្រោង​ចូលរួម​កិច្ច​ប្រជុំ​កំពូល​អាស៊ាន​លើក​ទី​៤៩ ​នៅ​ទីក្រុង​ម៉ានីល ​ប្រទេស​ហ្វីលីពីន ​ដើម្បី​ជំរុញ​ការ​បញ្ចប់​កិច្ចព្រមព្រៀង​ពាណិជ្ជកម្ម​សេរី​ជាមួយ​អាស៊ាន ​និង​កិច្ចព្រមព្រៀង​ទ្វេ​ភាគី​ជាមួយ​ហ្វីលីពីន ​ក្នុង​គោលដៅ​ពង្រីក​ទីផ្សារ​នាំចេញ​ ​និង​ពង្រឹង​ទំនាក់ទំនង​សេដ្ឋកិច្ច​ក្នុង​តំបន់​អាស៊ី​អាគ្នេយ៍