សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចាប់ពីថ្ងៃទី១៤ ដល់ថ្ងៃទី ១៧ កញ្ញា ឆ្នាំ២០២៣កន្លងទៅថ្មីៗនេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើទស្សនកិច្ចផ្លូវការទៅកាន់សាធារណរដ្ឋប្រជាមានិតចិន។ ក្នុងដំណើរទស្សនៈកិច្ចនេះ ថ្នាក់ដឹកនាំកម្ពុជា-ចិន បានពិភាក្សាគ្នាជាច្រើនលើប្រយោជន៍សេដ្ឋកិច្ច និងទំនាក់ទំនងរវាងប្រទេសទាំងពីរ។
ក្រោយទស្សនៈកិច្ចចំនួន៤ថ្ងៃនេះបានបញ្ចប់សព្វគ្រប់ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ គឺឯកឧត្តម ហ្សង់ ហ្រង់ស្វ័រតាន់ បានឱ្យដឹងពីអត្ថន័យសំខាន់ៗចំនួន៣ចេញពីកិច្ចប្រជុំនានាយ៉ាងដូច្នេះថា៖
អត្ថន័យទី១ គឺនយោបាយ ៖ នាយករដ្ឋមន្ត្រីកម្ពុជាសាកល្បងពន្យល់ប្រាប់ប្រមុខរដ្ឋនៃប្រទេសក្នុងតំបន់ថា កម្ពុជាមាននយោបាយការបរទេសមួយច្បាស់លាស់ ដែលឆ្លើយតបទៅនឹងអ្វីដែលគេហៅថានិរន្តរភាព។ ឆ្លើយតបនឹងគោលនយោបាយសង្គតិភាព បានន័យថា នយោបាយការបរទេសកម្ពុជាមាន សកម្មភាពច្បាស់ សុទ្ធសឹងតែជាគោលនយោបាយដែលត្រូវបានអនុវត្តមកយូរអង្វែងនៅចំពោះមុខ ពិភពលោក និងនៅចំពោះមុខប្រទេសចិន និយាយដោយឡែក។
អត្ថន័យទី២គឺ ទស្សនកិច្ចនេះបង្ហាញនូវចំណុចពិសេសមួយថា ប្រទេសកម្ពុជានារយៈពេលចុងក្រោយនេះខិតខំអនុវត្តការទូតសេដ្ឋកិច្ច។ ជាក់ស្ដែង នៅពេលដែលមានជំនួបទ្វេរភាគី ឬពហុភាគី ថ្នាក់ដឹកនាំកម្ពុជាតែងតែសាកល្បងទាញយកប្រយោជន៍សេដ្ឋកិច្ច។
អត្ថន័យទី៣ គឺអត្ថន័យទូត ដោយឆ្នាំនេះជាខួប៦៥ឆ្នាំនៃទំនាក់ទំនងការទូតរវាងកម្ពុជា-ចិន ដែលជានិមិត្តរូបជំរុញឱ្យថ្នាក់ដឹកនាំថ្មីរបស់កម្ពុជាសម្រេចចិត្តទៅធ្វើទស្សនៈកិច្ចនៅចិន។
យ៉ាងណាមិញ សព្វថ្ងៃនេះចិនជួយកម្ពុជាច្រើនជាងគេ ដោយចិនជាប់ចំណាត់ថ្នាក់លេខ១ លើជំនួយផ្នែកហេដ្ឋារចនាសម្ព័ន្ធ និងការវិនិយោគ។ ហើយជំនួយផ្នែកហេដ្ឋារចនាសម្ព័ន្ធទាំងនេះសុទ្ធតែប្រភពសម្រាប់កសាងម៉ាក្រូ និងមីក្រូសេដ្ឋកិច្ចសម្រាប់ការអភិវឌ្ឍនៃប្រទេសកម្ពុជា។
ឯកឧត្តម ហ្សង់ ហ្រង់ស្វ័រតាន់បានសង្កត់ធ្ងន់ថា ភាគីចិនមិនរារែកឡើយក្នុងការបន្ត និងបង្កើនកិច្ចសហប្រតិបត្តិការជាមួយកម្ពុជាលើសេដ្ឋកិច្ច ពាណិជ្ជកម្ម និងផ្ដោតលើថាមពលនៃកសិកម្ម លទ្ធភាពក្នុងការជំរុញឱ្យចិននាំចូលអង្ករខ្មែរចូលក្នុងទីផ្សារកាន់តែច្រើន»។
ឯកឧត្តមបន្តថា សាធារណរដ្ឋប្រជាមានិតចិន ដើរតួនាទីសំខាន់ណាស់លើមាគ៌ាអភិវឌ្ឍន៍ប្រទេសកម្ពុជា ហើយទាំងនេះជាមូលហេតុស័ក្តិកសមដែលនាយករដ្ឋមន្ត្រីកម្ពុជាសម្រេចទៅធ្វើទៅទស្សនៈកិច្ចនៅចិន៕
Account
Security
Favourite Content