សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៊ែរឡាំង ៖ ប្រទេសចិននៅតែជាទីផ្សារដ៏ធំ និងសំខាន់បំផុតរបស់បណ្តាប្រទេសនានានៅលើសាកលលោក ដោយក្នុងនោះរាប់បញ្ចូលទាំងប្រទេសអាល្លឺម៉ង់ផងដែរ ដែលកំពុងព្យាយាមពង្រឹងលទ្ធភាពរបស់ខ្លួនក្នុងការនាំយកផលិតផលសម្រេចចូលទីក្នុងទីផ្សារប្រទេសនេះឲ្យមានកាន់តែច្រើនតាមដែលអាចធ្វើទៅបាន។
តាមរយៈការិយាល័យទទួលបន្ទុកកិច្ចការងារស្ថិតិជាតិរបស់អាល្លឺម៉ង់នៅថ្ងៃចុងសប្ដាហ៍កន្លងទៅនេះបានបញ្ជាក់ថា ការនាំចេញផលិតចំរុះរបស់ខ្លួនទៅកាន់ទីផ្សារប្រទេសចិននៅដើមឆ្នាំ2021នេះមានការកើនឡើងគួរឲ្យកត់សម្គាល់បើទោះជាទទួលរងនូវឥទ្ធិពលពីវិបត្តិនៃជំងឺកូវីដ-19 ក៏ដោយ។ ជាក់ស្ដែង នៅក្នុងខែមីនាកន្លងទៅនេះ ការនាំចេញទំនិញទៅកាន់ប្រទេសចិនមានទំហំកើនឡើងខ្លាំងរហូតទៅដល់ 10.3 ពាន់លានអឺរ៉ូ ឬស្មើនឹងប្រមាណជា 12.5 ពាន់លានដុល្លារ មានអត្រាកើនឡើងប្រមាណ 37.9 ភាគរយធៀបទៅនឹងឆ្នាំកន្លងទៅ។
របាយការណ៍ដដែលក៏បានបង្ហាញដែរថា ការនាំចូលទំនិញពីប្រទេសចិនក៏នៅតែមានទំហំធំជាងគេរបស់អាល្លឺម៉ង់ដោយសម្រាបើតែខែមីនាមានទំហំប្រមាណ 11.7 ពាន់លានអ៊ឺរ៉ូ ឬស្មើនឹងប្រមាណជា 14.2ពាន់លានដុល្លារ ដែលស្ថិតនៅក្នុងអត្រាកំណើន 46.6ភាគរយធៀបទៅនឹងខែមីនាដូចគ្នាកាលពីឆ្នាំ2020។ ដោយឡែក ការនាំចេញរបស់អាល្លឺម៉ង់សរុបសម្រាប់ខែមីនាដដែលនេះមានទំហំ 126.5ពាន់លានអឺរ៉ូ កើនឡើងប្រមាណជា 16.1 ភាគរយបើធៀបទៅនឹងតួលេខកាលពីខែមុន ខណៈដែលការនាំចូលរបស់អាល្លឺម៉ង់ពីបណ្តាទីផ្សារអន្តរជាតិក៏មានការកើនឡើងប្រហាក់ប្រហែលគ្នា 15.5 ភាគរយ ឬស្មើនឹងទឹកប្រាក់ប្រមាណ 105.9 ពាន់លានអ៊ឺរ៉ូ។
ប្រធាននៃសហព័ន្ធជាតិអ្នកលក់រាយរបស់អាល្លឺម៉ង់ (BGA ) លោក Anton Boerner បានលើកឡើងនៅក្នុងសេចក្តីថ្លែងការណ៍ថា ៖
“ក្រុមហ៊ុនជាច្រើនរបស់អាល្លឺម៉ង់អាចនឹងចាប់ផ្តើមងាកមករកការរក្សាបានូវស្ថិរភាពរបស់ខ្លួនឡើងវិញជាបណ្តើរៗនៅក្នុងទីផ្សារពាណិជ្ជកម្មពិភពលោក បើទោះបីជាបញ្ហានៃជំងឺរាតត្បាតកូវីដបានធ្វើឲ្យកើតមានការប្រកួតប្រជែងកានើតែខ្លាំង រួមជាមួយបញ្ហាដ៏លំបាកជាច្រើនដែលតម្រូវឱ្យមានការដោះស្រាយក៏ដោយ”
លោក Boerner បានបញ្ជាក់ថា ទោះបីជាការធ្វើពាណិជ្ជកម្មរវាងអាល្លឺម៉ង់ជាមួយទីផ្សារអន្តរជាតិទទួលបានលទ្ធផលវិជ្ជមានបែបនេះក្តី ប៉ុន្តែភាព ប្រឈមមុខទៅនឹងការប្រថុយប្រថានធ្ងន់ធ្ងរជាច្រើនទៀតនៅតែបន្តមាន ដែលអាចបង្អាក់ដល់ដំណើរការឆ្ពោះទៅមុខរបស់ខ្លួនដដែល ដូចជាបញ្ហា លើការធ្វើដំណើរ និងដឹកជញ្ជូនទំនិញទៅកាន់ទីផ្សារនៅតាមបណ្តាប្រទេសនានាមានការឡើងថ្លៃ ដោយសារកង្វះទូរកុងទីន័រ ដែលធ្វើឱ្យថ្លៃដើមនៃសេវាដឹកជញ្ជូនមានការឡើងខ្ពស់៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump សន្យាចែកលុយឱ្យពលរដ្ឋម្នាក់ ៥០០០ ដុល្លារ ពេលឈ្នះឆ្នោតពាក់កណ្តាលអាណត្តិខាងមុខនេះ
ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំនួន ៥០០០ ដុល្លារ ជូនដល់ប្រជាពលរដ្ឋអាមេរិកាំងពេញវ័យគ្រប់ៗរូបប្រសិនបើគណបក្សសាធារណៈ អាចបន្តគ្រប់គ្រង និងរក្សាកៅអីភាគច្រើនក្នុងសភាទាំងពីរនាពេលបោះឆ្នោតពាក់កណ្តាលអាណត្តិ អំឡុងខែវិច្ឆិកាខាងមុខនេះ។ យោងតាមការចេញផ្សាយរបស់ RT
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្តែថែមទាំងគ្រប់គ្រងលើខ្សែច្រវាក់ផ្គត់ផ្គង់ទាំងមូលនៅក្នុងប្រទេសផងដែរ។ យោងតាមអត្ថបទដែលបានចេញផ្សាយដោយកាសែត Novinata បានឲ្យដឹងថា គោលដៅចម្បង គឺកាត់បន្ថយការពឹងផ្អែកលើការនាំចូលពីបរទេស និងប្រែក្លាយខ្លួនទៅជាប្រទេសនាំមុខគេមួយក្នុងវិស័យបច្ចេកវិទ្យាដ៏សំខាន់នេះ។ បច្ចុប្បន្ន បន្ទះឈីប គឺជាបេះដូងនៃបច្ចេកវិទ្យាទំនើបៗជាច្រើន ដូចជា ទូរស័ព្ទស្មាតហ្វូន រថយន្ត ប្រព័ន្ធបញ្ញាសិប្បនិម្មិត (AI)និងកុំព្យូទ័រដែលមានសមត្ថភាពខ្ពស់។
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
Account
Security
Favourite Content