សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដំឡូងមី ជាដំណាំមើមមួយប្រភេទដែលជាស្បៀងសំខាន់ និងត្រូវបានគេកែច្នៃទៅជាម្សៅ សម្រាប់ប្រើប្រាស់ជាវត្ថុធាតុដើមផលិតស្បៀងអាហារផ្សេងៗ និងមានតម្រូវការទីល្អ ទាំងនៅក្នុងស្រុក ទាំងការនាំចេញទៅក្រៅប្រទេស។ អាស្រ័យដូចនេះ កសិករគប្បីយល់ដឹងពីបច្ចេកទេសក្នុងការដាំដុះ និងបង្ករបង្កើនផលដែលអាចទទួលបានទិន្នផលច្រើន។
សម្រាប់ដំណាំដំឡូងមីដែលប្រជាកសិករដាំដុះនៅក្នុងស្រុកចំការលើ ខេត្តកំពង់ចាម និងជាប្រភពដ៏សំខាន់នៃទីផ្សារដំឡូងមី ជាធម្មតាតែងផ្ដល់បានទិន្នផលជាមធ្យមប្រមាណ ៣៥តោន ក្នុងមួយហិកតា ដែលគេដាំរយៈពេលប្រមាណ ៨ខែ ឬអាចផ្ដល់ផលដល់ទៅ ៤០តោនក្នុងមួយហិកតាសម្រាប់ការដាំរយៈពេល ១០ខែ និងអនុវត្តតាមបច្ចេកទេសត្រឹមត្រូវ។
ចំណុចដំបូងដែលកសិករត្រូវយកចិត្តទុកដាក់គឺការជ្រើសរើសទីតាំងដែលមានដីល្បាយខ្សាច់ មិនជាំទឹក និងមានពន្លឺគ្រាប់គ្រាន់ទើបដំឡូងអាចលូតលាស់បានល្អ។ បន្ទាប់មកទៀតគឺការភ្ជួរដីដែលអ្នកដាំត្រូវភ្ជួរជម្រៅ ២០-២៥សង់ទីម៉ែត្រ តែត្រូវបាចជីកំប៉ុស្តិ៍ ឬជីក្នុងបរិមាណ ១៥-១៥-១៥ ជាមុនសិនប្រសិនគេភ្ជួរតែ១លើក ដែលភាគច្រើនគេចាប់ផ្ដើមដាំនៅខែពាក់កណ្ដាលមេសា។
ក្នុងករណីគេភ្ជួរពីរលើក ក៏ត្រូវប្រើជីបរិមាណដូចគ្នា និងភ្ជួរជម្រៅដូចជា រួចដាំដំឡូងមីនៅពេលដីសើម ពោលគឺបន្ទាប់ពីមានភ្លៀងធ្លាក់គ្រប់គ្រាន់។ ចំពោះអាយុដើមដំឡូងមីសម្រាប់ដាំ គួរមានអាយុតិចជាង ៨ខែ ហើយមានដើមល្អមិនមានការបំផ្លាញពីសត្វល្អិត និងជំងឺ ហើយកាប់ប្រវែង ១៥-២៥សង់ទីម៉ែត្រ រួចដាំក្នុងជម្រៅប្រមាណ ១៥សង់ទីម៉ែត្រ។
ប្រសិនបើបងប្អូនសម្បូរដើម គួរកាប់យកផ្នែកខាងគល់ ដើម្បីឱ្យវាដុះ ចាប់ឫស និងមានមើមល្អ ហើយយកវាទៅដាំជាជួរ ឃ្លាតគ្នាប្រមាណ ៦០-៨០ សង់ទីម៉ែត្រ ហើយជួរនីមួយៗគួរឃ្លាតគ្នា ៩០-១០០សង់ទីម៉ែត្រ។ ចំពោះកំណាត់ដើមដែលកាត់រួច អាចដាំផ្ដេកសម្រាប់ដីស្ងួត ឬបញ្ឈរឱ្យផុតពីដី ៣-៥សង់ទីម៉ែត្រចំពោះដីសើមខ្លាំង និងទ្រេតបន្តិចចំពោះដីសើមល្មម។
បន្ទាប់ពីដាំហើយប្រមាណ ១ខែក្រោយ អ្នកដាំគួរសម្អាតស្មៅ ដោយប្រចប ឬដាំស្មៅ តែកុំឱ្យប៉ះពាល់ដើម និងឫស។ ក្រៅពីនេះ គេអាចធ្វើការស្រោចស្រពដើម្បីឱ្យដំឡូងអាចលូតលាស់ល្អ និងមានមើមធំ។ លុះដាំបាន ៨-១០ខែ គួរពិនិត្យមើលមើម ដើម្បីត្រៀមសម្រាប់ការប្រមូលផល ដែលកាលណាឃើញដីផុស ឬទុន គួរដកដោយដៃ តែបើដីរឹង គួរប្រើឃ្នាស់ ឬប្រដាប់គាស់។ ដោយសារមើមដំឡូងមីឆាប់ខូច ហេតុនេះបន្ទាប់ពីគាស់ហើយគេត្រូវហាលសម្ងួត វេចខ្ចប់ ទុកដាក់ ឬបម្លែងភ្លាមៗតែម្ដង៕
Account
Security
Favourite Content