វិស័យធនាគារ និងហិរញ្ញវត្ថុនៅកម្ពុជា នៅតែមានភាពធន់ ទោះទទួល​រង​ផល​ប៉ះពាល់​ពីកត្តា​ខាងក្រៅ​និងខាង​ក្នុងក្ដី

ភ្នំពេញ ៖ យោងតាម​របាយការណ៍របស់​ធនាគារ​ជាតិនៃកម្ពុជា​ (NBC) បានបង្ហាញថា ប្រព័ន្ធធនាគារ​កម្ពុជាបន្ត​រក្សា​បានភាពធន់ និងរឹងមាំ ខណៈទទួល​រង​ផល​ប់ះពាល់​ដោយប្រយោលពីភាព​មិន​ប្រាកដ​ប្រជា​នៃកត្តា​ខាងក្រៅ រួមជាមួយនឹងបញ្ហា​ប្រឈម​ក្នុងស្រុកយ៉ាងណាក្ដី ដោយក្នុងនោះទ្រព្យសកម្ម​របស់ធនាគារ​បានកើនឡើង​ ៩,៥ភាគរយ ខណៈឥណទាន​ក៏បាន​បន្ត​កើន ៤,១ភាគរយ ។

របាយការណ៍ក៏បានបង្ហាញពី​កំណើន​រឹង​មាំនៃប្រាក់​បញ្ញើ​ ដោយបាន​រក្សា​ក្នុង​អត្រា​១៤,៧ភាគរយ ឆ្លុះបញ្ចាំពីជំនឿទុកចិត្ត​មកលើ​ប្រព័ន្ធធនាគារ ខណៈដែលឥណទានមិនដំណើរការ​បន្ត​និន្នាការ​កើនឡើង​ដល់ ៨,៩ភាគរយ ប៉ុន្តែត្រូវ​បានធ្វើ​សំវិធាន​ធន​ប្រមាណ​ ៦៧,៥ភាគរយ​។ ដោយឡែក ដើមទុន និង​សន្ទនីយភាព ក៏ត្រូវ​បានរក្សា​នៅកម្រិត​ខ្ពស់​ជាង​បទប្បញ្ញតិ្ត ដោយអនុបាត​ភាពគ្រប់គ្រាន់​នៃដើមទុន​មានកម្រិត​ ២១,៩ភាគរយ សម្រាប់​គ្រឹះស្ថាន​ធនាគារ​ និង​ហិរញ្ញវត្ថុ​ ទទួលប្រាក់​បញ្ញើ​ និង ៣១,៤ភាគរយ ​សម្រាប់គ្រឹះស្ថាន​ធនាគារ​ និងហិរញ្ញវត្ថុ​មិនទទួល​ប្រាក់​បញ្ញើ​ ហើយអនុបាត​សន្ទនីយភាព​មានកម្រិត​ ១៧៧,៣ភាគរយ សម្រាប់គ្រឹះស្ថាន​ធនាគារ​ និងហិរញ្ញវត្ថុ​ទទួលប្រាក់​បញ្ញើ​ ។​ ទន្ទឹម​នេះ ការត្រួតពិនិត្យ​គ្រឹះស្ថាន​ធនាគារ និងហិរញ្ញវត្ថុ ត្រូវបានពង្រឹង​ជា​ប្រចាំដោយផ្អែកលើ​ហានិភ័យ​ និងទស្សនៈអនាគត ហើយការ​ចុះត្រួតពិនិត្យ​ដល់ទីកន្លែង​ត្រូវបានធ្វើឡើង​ចំពោះ ៥៥គ្រឹះស្ថាន ។​

លោកបណ្ឌិត​ អ៊ិន ចាន់​នី ប្រធាននាយកប្រតិបត្តិធនាគារ​អេស៊ីលីដា ភីអិលស៊ី បានមានប្រសាសន៍ថា ដូច​ដែល​អគ្គទេសាភិបាល​ធនាគារជាតិនៃកម្ពុជា​បានបញ្ជាក់កន្លងមក វិស័យ​ធនា​គា​រ​នៅកម្ពុជា​ឆ្នាំ២០២៥​ នៅតែបន្តរឹង​មាំ ដោយសារតែបណ្ដា​ប្រតិបត្តិករធនាគារ​នៅកម្ពុជា មាន​អាជ្ញាធរ អាណាព្យា​បាល​មានភាពខ្លាំងពូកែ និងរឹង​មាំ ដោយ​បានដាក់​ចេញនូវ​បទប្បញ្ញតិ្ត​នានា ដូចជា​ បទប្បញ្ញត្តិសាច់​ប្រាក់ទំនេរ បទ​ប្បញ្ញត្តិ​ស្ដីអំពីភាពគ្រប់គ្រាន់​នៃដើមទុន និងបទប្បញ្ញតិ្ត​ទាំង​ឡាយ​ដែលធ្វើឱ្យវិស័យធនាគារ​មានសុខភាពល្អ ។​

លោកបណ្ឌិត​បញ្ជាក់ថា ៖

«ដូច​ដែល​យើង​គ្រប់គ្នា​បានដឹងថា វិស័យ​ធនាគារ​ គឺជា​ឆ្អឹង​ខ្នងសម្រាប់​​ទ្រទ្រង់​សេដ្ឋកិច្ចកម្ពុជា​ ដូច្នេះហើយ ​យើងត្រូវការ​ឱ្យវិស័យ​ធនាគារ​រឹង​មាំ​​ដើម្បីទ្រទ្រង់​សេដ្ឋកិច្ច ពីព្រោះថា​ធនាគារ​គឺកន្លែង​ដែល​រក្សាទុក​ទ្រព្យសម្បត្តិរបស់ពលរដ្ឋ​​ដែល​ខិតខំប្រឹង​ប្រែងរក និងសន្សំទុកក្នុង​ធនាគារ​»។

លោក​បណ្ឌិត​បន្ថែមថា បើតាម​របាយការណ៍ សេចក្ដីថ្លែងការណ៍របស់​ធនាគារជាតិនៃកម្ពុជា បង្ហាញថា ​​វិស័យធនាគារ​មានភាពរឹង​មាំ ថ្វីត្បិតថាមានការ​ប្រឈមខ្លះពី​វិបត្តិកូវីដ​១៩ សង្គ្រាម​ ។ នៅ​ក្នុង​វិបត្តិទាំង​នោះ  ​គុណភាពទ្រព្យសកម្មក្នុងវិស័យធនាគារ មិន​សូវ​ល្អទេ​ ប៉ុន្តែអាច​ការពារ​បាន​ ដែលសបញ្ជាក់ថា ទោះបីជា​ស្ថិតនៅក្នុងស្ថានភាពពិបាក​យ៉ាង​ណា​ក៏វិស័យធនាគារ​នៅតែរឹងមាំ ។

លោកបណ្ឌិត​បាន​បញ្ជាក់ថា​ វិស័យ​ធនាគារ​នៅកម្ពុជា​ មានការជឿទុក​ចិត្តកាន់តែខ្លាំងពីប្រជាពលរដ្ឋ ជាក់ស្ដែង​កំណើន​ប្រាក់​បញ្ញើ​សន្សំ​ក្នុងប្រព័ន្ធធនាគារ​មានកម្រិត​ខ្ពស់ ហើយការ​កើនឡើង​ខ្ពស់នៃប្រាក់​បញ្ញើ​នេះ ដោយសារតែ​អតិថិជនដែល​រកស៊ី​ចំណេញ ហើយសល់​ប្រាក់ពីការ​ប្រើប្រាស់​ បានយកប្រាក់ទាំង​នោះទុកក្នុងធនាគារ ។​ នៅក្នុងឆ្នាំ២០២៥​កន្លងទៅ កំណើន​ប្រាក់​បញ្ញើ​បានកើនឡើងរហូតដល់១៤ភាគរយ ។ ចំណែកធនាគារ​អេស៊ីលីដា​វិញ ប្រាក់បញ្ញើ​ក៏មានកំណើនប្រមាណ ១២ភាគរយ ខណៈកំណើន​ឥណទាន​មានប្រមាណ ៧ភាគរយ ស្រ​បនឹង​ទ្រព្យសកម្ម​ទាំង​មូល​មានប្រមាណ ១២​ភាគរយ ។

លោកជំទាវ​បណ្ឌិត ជា សិរី ទេសាភិបាល​ធនាគារ​ជាតិ​នៃកម្ពុជា នៅក្នុង​ឱកាស​សន្និបាត​បូក​សរុបការងារ​របស់ធនាគារជាតិ​កាលពីពេលថ្មីៗនេះ បានថ្លែងថា ស្ថិតក្នុងភាពមិនប្រាកដប្រជាខ្ពស់ ដោយសារស្ថានភាពភូមិសាស្ត្រនយោបាយ និងសេដ្ឋកិច្ចដែលបន្តមានសភាពតានតឹង និងលក្ខខណ្ឌហិរញ្ញវត្ថុអន្តរជាតិរឹតត្បិត នៅឆ្នាំ២០២៥ សេដ្ឋកិច្ចពិភពលោកត្រូវបានប៉ាន់ស្មានថាមានកំណើនយឺត។ សម្រាប់កម្ពុជា បើទោះជាមានកំណើនទាបជាងឆ្នាំ២០២៤ និងការរំពឹងទុកកាលពីដើមឆ្នាំ២០២៥ សេដ្ឋកិច្ចត្រូវបានប៉ាន់ស្មានថាសម្រេចបានកំណើន ៥ភាគរយ​ ដែលគាំទ្រជាចម្បងដោយកំណើននៃការនាំចេញ ទាំងផលិតផលកម្មន្តសាលកាត់ដេរ និងមិនមែនកាត់ដេរ។

លោកជំទាវ​បណ្ឌិត​ បានបន្តថា ស្ថិរភាពម៉ាក្រូសេដ្ឋកិច្ច និងការគ្រប់គ្រងទុនបម្រុងអន្តរជាតិប្រកបដោយប្រសិទ្ធភាព បានធ្វើឱ្យទុនបម្រុងអន្តរជាតិកើនឡើងពី ២២,៣% ដល់ ២៧,៥ ប៊ីលានដុល្លារអាម៉េរិក ស្មើនឹងប្រមាណ ៨ខែ នៃការនាំចូលទំនិញ និងសេវាសម្រាប់គ្រាបន្ទាប់ ដែលត្រូវបានបន្តចាត់ទុកថាមានកម្រិតខ្ពស់សមស្រប ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន


Leave a Reply

Your email address will not be published.Required fields are marked *