សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉េកាំង ៖ កំណើនផលិតកម្ម និងការលក់រាយរបស់រោងចក្រនៅប្រទេសចិនបានធ្លាក់ចុះយ៉ាងគំហុកលើសពីការរំពឹងទុកសម្រាប់ខែកក្កដា ដោយសារតែការផ្ទុះឡើងថ្មីនៃជំងឺកូវីដ-១៩ និងទឹកជំនន់ រំខានដល់ប្រតិបត្តិការអាជីវកម្មដោយបន្ថែមសញ្ញាការស្ទុះងើបឡើងវិញនៃសេដ្ឋកិច្ចចិនកំពុងបាត់បង់។
ទិន្នន័យពីការិយាល័យស្ថិតិជាតិ (NBS) បានបង្ហាញថា ផលិតកម្មឧស្សាហកម្មនៅក្នុងប្រទេសសេដ្ឋកិច្ចធំទី២របស់ពិភពលោកនេះ បានកើនឡើង ៦,៤ភាគរយ ក្នុងខែកក្កដា បើប្រៀបធៀបនឹងរយៈពេលដូចគ្នាកាលពីឆ្នាំមុន។ យ៉ាងណាមិញ ក្រុមអ្នកវិភាគបានរំពឹងថា ទិន្នផលនឹងកើនឡើង ៧,៨ភាគរយ បន្ទាប់ពីកើនឡើង ៨,៣ភាគរយ នៅក្នុងខែមិថុនា។
ការលក់រាយបានកើនឡើង ៨,៥ភាគរយ នៅក្នុងខែកក្កដាធៀបនឹងឆ្នាំមុនទាបជាងការព្យាករណ៍ក្នុងកំណើន ១១,៥ភាគរយ និងកើនឡើង ១២,១ភាគរយ ពីខែមិថុនា។ សេដ្ឋកិច្ចរបស់ចិន បានស្ទុះងើបឡើងវិញដល់កម្រិតកំណើនមុនពេលមានជំងឺរាតត្បាត ប៉ុន្តែការស្ទុះងើបនេះកំពុងបាត់បង់សន្ទុះ ដោយសារអាជីវកម្មប្រឈមមុខនឹងការចំណាយខ្ពស់ និងឧបសគ្គនៃការផ្គត់ផ្គង់។ ការឆ្លងជំងឺកូវីដ-១៩ ថ្មីក្នុងខែកក្កដា ក៏នាំឱ្យមានការរឹតបន្តឹងថ្មីផងដែរ ដែលជាការរំខានដល់ផលិតកម្មរោងចក្រ។ ទិន្នន័យកាលពីដើមខែនេះ ក៏បានបង្ហាញពីកំណើននៃការនាំចេញដែលប្រែជាធ្លាក់ចុះដោយមិនបានរំពឹងទុកនៅខែកក្កដា។
អ្នកវិភាគមកពីក្រុមហ៊ុន Nomura និយាយនៅក្នុងកំណត់ត្រាមួយថា ការប្រើប្រាស់វិស័យផលិតកម្ម និងការវិនិយោគអាចថយចុះបន្ថែមទៀតនៅក្នុងខែសីហា ដោយសារតែវីរុស និងវិធានការរឹតបន្តឹងនៅក្នុងវិស័យអចលនទ្រព្យ និងឧស្សាហកម្មដែលមានការបំពុលបរិស្ថានខ្ពស់។
ទន្ទឹមនឹងនោះ ប្រទេសចិនក៏បានរឹតបន្តឹងលើវិធានការគម្លាតសង្គម ដើម្បីប្រយុទ្ធប្រឆាំងនឹងការផ្ទុះឡើងវិញនៃជំងឺកូវីដ-១៩ចុងក្រោយក្នុងទីក្រុងមួយចំនួនដែលប៉ះពាល់ដល់វិស័យសេវាកម្ម ជាពិសេសការធ្វើដំណើរ និងបដិសណ្ឋារកិច្ចនៅក្នុងប្រទេស។ ប្រទេសនេះ ក៏បានប្រឈមមុខនឹងអាកាសធាតុធ្ងន់ធ្ងរនៅតាមបណ្តាខេត្តមួយចំនួនផងដែរ ដោយមានភ្លៀងធ្លាក់ច្រើននៅខេត្ត Henan កាលពីខែមុន បង្កឱ្យមានទឹកជំនន់ដែលបានសម្លាប់មនុស្សជាង៣០០នាក់។
អ្នកវិភាគជាច្រើនបានកាត់បន្ថយការប៉ាន់ប្រមាណអំពីកំណើនត្រីមាសទី៣ របស់ខ្លួនសម្រាប់ប្រទេសចិន។ ផលិតផលក្នុងស្រុកសរុបរបស់ប្រទេស (GDP) បានកើនឡើង ៧,៩ភាគរយ នៅក្នុងត្រីមាសខែមេសា-មិថុនាធៀបនឹងឆ្នាំមុន។ យ៉ាងណាមិញ ធនាគារ ANZ បានទម្លាក់ការព្យាករណ៍ GDP ចិនសម្រាប់ឆ្នាំ ២០២១ ពី ៨,៨ភាគរយ មកត្រឹម ៨,៣ភាគរយ បន្ទាប់ពីទិន្នន័យខែកក្កដា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អិលអូអិលស៊ីដាក់ដំណើរការ «ឥណទានមាសកើនទ្រព្យ» នៅសាខាខណ្ឌទួលគោក ដែលជាសាខាទី១០
ព្រឹត្តិការណ៍, អត្ថបទពាណិជ្ជកម្ម
• 17/07/2026
អិលអូអិលស៊ី (LOLC) ដែលជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា បាននិងកំពុងពង្រីកការផ្ដល់សេវាឥណទានថ្មី «ឥណទានមាសកើនទ្រព្យ» ទៅកាន់សាខារបស់ខ្លួនជាបន្ដបន្ទាប់។ ជាក់ស្ដែងនៅថ្ងៃទី ១៧ ខែកក្កដា ឆ្នាំ ២០២៦ អិលអូអិលស៊ី សាខាខណ្ឌទួលគោកបានក្លាយជាសាខាទី១០ ដែលផ្ដល់សេវា «ឥណទានមាសកើនទ្រព្យ» នេះ
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
ចិនដើរមួយជំហានមុនក្រុមហ៊ុនលោក Elon Musk លើបច្ចេកវិទ្យាវះកាត់ដាក់បន្ទះឈីបភ្ជាប់ខួរក្បាល
ព្រឹត្តិការណ៍, អាជីវកម្មថ្មី និងនវានុវត្ត
• 17/07/2026
ក្រុមគ្រូពេទ្យវះកាត់ជនជាតិចិនថ្មីៗនេះ បានទទួលជោគជ័យក្នុងការវះកាត់ដាក់ឧបករណ៍ភ្ជាប់ខួរក្បាលនឹងកុំព្យូទ័រ (BCI ឬ brain-computer interface) ជាលក្ខណៈពាណិជ្ជកម្មដំបូងគេបង្អស់លើពិភពលោកទៅលើអ្នកជំងឺម្នាក់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
ចិនដើរមួយជំហានមុនក្រុមហ៊ុនលោក Elon Musk លើបច្ចេកវិទ្យាវះកាត់ដាក់បន្ទះឈីបភ្ជាប់ខួរក្បាល
Account
Security
Favourite Content