ឆ្នាំ២០២១ទុនវិនិយោគក្នុងវិស័យឧស្សាហកម្មមានជាង ១៣,៨១ពាន់លានដុល្លារ កើនជិត ២ភាគរយ

ភ្នំពេញ ៖ វិស័យឧស្សាហកម្ម បាន និងកំពុងដើរតួនាទីសំខាន់ក្នុងសេដ្ឋកិច្ចជាតិ ហើយវិស័យនេះនៅតែបន្តស្រូបបានទុនវិនិយោគជាបន្តបន្ទាប់ពីក្នុង និងក្រៅប្រទេស។ ជាក់ស្ដែងក្នុងឆ្នាំ២០២១កន្លងទៅនេះ ទុនវិនិយោគសរុបរបស់វិស័យឧស្សាហកម្មមានចំនួនជាង ១៣ ៨១១លានដុល្លារអាមេរិក មានការកើនឡើងចំនួនជាង ២៥៧លានដុល្លារអាមេរិកស្មើនឹង១,៨៩ភាគរយ។ នេះបើតាមប្រសាសន៍រដ្ឋមន្ត្រី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលពីពេលថ្មីៗនេះ ។

ឯកឧត្តម ចម ប្រសិទ្ធិ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា ក្នុងឆ្នាំ២០២១ រោងចក្រធុនធំ កំពុងដំណើរការនៅកម្ពុជាមានចំនួន ១ ៨៧៩រោងចក្រ និងផ្ដល់ឱកាសការងារចំនួន ៩៨៦ ៦៧៧កន្លែង ខណៈដែលតម្លៃបរិមាណផលិតផលសរុបប្រមាណជា ៧ ៤៣៣លានដុល្លារអាមេរិក ទាបជាងឆ្នាំ២០២០ ប្រមាណ១៥ភាគរយ ។ ក្នុងនោះដែរ តម្លៃបរិមាណផលិតផលបម្រើទីផ្សារក្នុងស្រុកមានចំនួន ១ ៩៧៧លានដុល្លារអាមេរិក និងតម្លៃបរិមាណផលិតផលនាំចេញទៅក្រៅមានចំនួនជាង៥ ៤៥៦លានដុល្លារអាមេរិក ។

ឯកឧត្តមបន្តថា ជាមួយនឹងកំណែទម្រង់បរិយាកាសវិនិយោគនិងធុរកិច្ចជាបន្តបន្ទាប់របស់រាជរដ្ឋាភិបាលកម្ពុជាបានផ្ដល់ទំនុកចិត្តនិងបរិស្ថានសមស្របដល់វិនិយោគិនធុរជនក្នុង និងក្រៅប្រទេសឱ្យបន្តបណ្ដាក់ទុនវិនិយោគនៅកម្ពុជាជាបន្តបន្ទាប់។ ជាក់ស្ដែងក្នុងឆ្នាំ២០២១នេះ មានរោងចក្រថ្មីកើតឡើងចំនួន ១៦៣រោងចក្រ ខណៈរោងចកក្របិទទ្វារមានចំនួន ១៤៨រោងចក្រ មានន័យថាទោះបីស្ថិតនៅក្នុងកាលៈទេសៈលំបាកបណ្ដាលមកពីកូវីដ១៩ក៏ដោយ ក៏នៅតែមានតួលេខកំណើនវិជ្ជមានរវាងរោងចក្របើកថ្មីបន្តបន្ទាប់ ។

តាមរយៈការវិនិយោគជាបន្តបន្ទាប់លើវិស័យឧស្សាហកម្មរោងចក្រធុនតូចមធ្យម និងធំបានជំរុញឱ្យបណ្ដាខេត្តជាប់ភ្នំពេញ ជាពិសេសខេត្តកំពង់ស្ពឺទទួលបានការវិនិយោគលើឧស្សាហកម្មកាន់តែច្រើន និងមានតម្រូវការប្រើប្រាស់ដីសម្រាប់សង់សាង់រោងចក្រឧស្សាហកម្មនៅក្នុងខេត្តកាន់តែមានកំណើនឡើងបើទោះបីស្ថិតនៅក្នុងវិបត្តិនៃជំងឺកូវីដ១៩ក្ដី។ ដោយឡែក សម្រាប់តំបន់ដែលមើលឃើញថាមានសក្ដានុពលខ្ពស់ក្នុងការស្រូបទាញវិស័យឧស្សាហកម្មរោងចក្រ មាននៅតាមបណ្ដោយផ្លូវ៥១ ផ្លូវជាងលេខ៤ ផ្លូវលេខ៣ និងផ្លូវលេខ៤១ជាដើម។ សក្ដានុពលផ្សេងទៀតដែលធ្វើឱ្យខេត្តកំពង់ស្ពឺទទួលបានការវិនិយោគក្នុងវិស័យឧស្សាហកម្ម ដោយសារតែទីតាំងភូមិសាស្ត្រល្អ ងាយស្រួលក្នុងការដឹកជញ្ជូនទំនិញទៅកាន់កំពង់ផែទឹកជ្រៅ និងទៅកាន់ច្រកព្រំដែនកម្ពុជាសម្រាប់នាំចេញជាដើម ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

បន្ទះស្រូបពន្លឺព្រះអាទិត្យ និងបច្ចេកវិទ្យាថាមពលកកើតឡើងវិញ ជាឱកាសវិនិយោគ និងពាណិជ្ជកម្មរវាងកម្ពុជា – ចិន

ព្រឹត្តិការណ៍, អាជីវកម្មថ្មី និងនវានុវត្ត

• 24/06/2024

ក្រៅពីវិស័យរថយន្តអគ្គិសនី ដែលនឹងក្លាយជាទីផ្សារសំខាន់សម្រាប់ប្រទេសចិន បន្ទះស្រូបពន្លឺព្រះអាទិត្យ និងបច្ចេកវិទ្យាថាមពលកកើតឡើងវិញ ក៏នឹងក្លាយជាទីផ្សារដ៏គួរឱ្យចាប់អារម្មណ៍ពីប្រទេសចិនផងដែរ