សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រចេះ៖ ក្រុមហ៊ុនវិនិយោគលើវិស័យកសិកម្មដ៏ធំនៅកម្ពុជា THACO AGRI បាននាំចេកជាង១០ម៉ឺនតោនក្នុង១ឆ្នាំ ទៅកាន់ទីផ្សារប្រទេសចិន និងប្រទេសជប៉ុន។ នេះបើតាមការឱ្យដឹងរបស់លោក ង្វៀន ង៉ុក អាញ់ ទូ អគ្គនាយរងប្រចាំតំបន់ពហុកសិកម្មស្នួលនៃក្រុមហ៊ុន ថាកូ អឹគ្រី។
ក្រុមហ៊ុនវិនិយោគលើវិស័យកសិកម្ម THACO AGRI ទទួលបានដីសម្បទានសេដ្ឋកិច្ចពីរាជរដ្ឋាភិបាលកម្ពុជាជាង ១៧០០០ហិកតាស្ថិតនៅភូមិស្រែថ្មី ឃុំខ្សឹម ស្រុកស្នួល ខេត្តក្រចេះ។
លោក ង្វៀន ង៉ុក អាញ់ ទូ បានឱ្យដឹងថា៖ ក្នុងចំណោមផ្ទៃដីសម្បទានសេដ្ឋកិច្ចប្រមាណជាង១ម៉ឺនហិកតានៅស្រុកស្នួល ខេត្តក្រចេះ គឺមានផ្ទៃប្រមាណជាង៤ពាន់ហិកតា សម្រាប់ដាំដំណាំចេកដើម្បីបម្រើការនាំចេញទៅកាន់ទីផ្សារក្រៅប្រទេស មានចិន ជប៉ុន ហើយចាប់ពីឆ្នាំ២០២៥នេះតទៅ ក្រុមហ៊ុនហ៊ុននឹងខិតខំស្វែងរកទីផ្សារចេកនៅសហភាពអឺរ៉ុបផងដែរ។
ក្រុមហ៊ុន THACO AGRI បានផ្តល់ឱកាសការងារជាង៧ពាន់នាក់នៅក្នុងស្រុកស្នួល ខេត្តក្រចេះ ដោយមានបុគ្គលិក និងកម្មករជាង ៩០ភាគរយ គឺជាជនជាតិខ្មែរ ដែលពួកគាត់ទទួលបានប្រាក់កម្រៃប្រចាំខែសមរម្យ មានកន្លែងស្នាក់នៅ មានមណ្ឌលសុខភាព សាលារៀនសម្រាប់កូនកម្មកររួមទាំងការផ្តល់អាហារបីពេលក្នុងមួយថ្ងៃ។
គួរជម្រាបថា៖ គម្រោងកសាងតំបន់កសិកម្មដែលដំណើរការផលិតកម្មតាមបែបបូកបញ្ជូលនិងវិលជុំទាំង ២ កន្លែងរបស់ក្រុមហ៊ុន THACO AGRI លើផ្ទៃដីសរុប ៣៥,៣៩០ ហិកតា មានទុនវិនិយោគសរុបគឺ ១,២៩៥ លានដុល្លារអាម៉េរិក។ ក្នុងចំណោមនោះ នៅស្រុកស្នួល (ខេត្តក្រចេះ) មានផ្ទៃសរុប ១០,៧០៨ ហិកតា ជាមួយនឹងទុនវិនិយោគសរុប ៤៩៥ លានដុល្លារអាម៉េរិក ហើយនៅស្រុកកូនមុំនិងស្រុកលំផាត់ (ខេត្តរតនគិរី) មានផ្ទៃដីសរុប ២៤,៦៨២ ហិកតា ជាមួយនឹងទុនវិនិយោគសរុបគឺ ៨០០ លានដុល្លារអាម៉េរិក៕
Account
Security
Favourite Content