ប្រេងផ្កាឈូករ័ត្ន ផលិតផលថ្មីប្រចាំតំបន់ជីរោទិ៍ ខេត្តត្បូងឃ្មុំ កំពុងមានប្រជាប្រិយភាព

ត្បូងឃ្មុំ ៖ ផ្កាឈូករ័ត្ន ក្រៅពីមានភាពស្រស់ស្អាតហើយនោះ វាក៏ត្រូវបានគេដឹងថា ជាប្រភេទរុក្ខជាតិ ឬដំណាំដែលមានសារៈប្រយោជន៍ច្រើនយ៉ាង ដែលគេអាចដាំដុះក្នុងទ្រង់ទ្រាយជាចម្ការ ជាតំបន់ទេសចរណ៍ ជាប្រភពចំណីសម្រាប់ចិញ្ចឹមសត្វឃ្មុំ ចំណែកឯគ្រាប់គេអាចច្នៃធ្វើជាចំណីអាហារក្រៀម (គ្រាប់ផ្កាឈូករ័ត្នក្រៀម) ជាពិសេស គេអាចចម្រាញ់ទៅជាប្រេងផ្កាឈូករ័ត្នដែលមានអត្ថប្រយោជន៍ចំពោះសុខភាពអ្នកទទួលទាន ដែលកំពុងមានប្រជាប្រិយភាព។

លោក ប៉ត សុផល ជាម្ចាស់ចម្ការផ្កាឈូករ័ត្នមួយកន្លែងមានទីតាំនៅឃុំជីរោទិ៍ទី១ ស្រុកត្បូងឃ្មុំ ខេត្តត្បូងឃ្មុំ មានចម្ងាយប្រមាណ៥គីឡូម៉ែត្រពីប៉មបារាំង បានដាក់លក់នូវផលិតផលថ្មីចេញពីចំការផ្ទាល់នោះគឺ ប្រេងផ្កាឈូករ័ត្ន ដែលកំពុងមានការគាំទ្រច្រើន។

លោកបញ្ជាក់ថា ៖

“ប្រេងផ្កាឈូករ័ត្ន យើងទើបតែដាក់លក់នៅដើមខែកក្កដានេះ ហើយមានអតិថិជនគាំទ្រច្រើន ដោយពីមួយថ្ងៃទៅមួយថ្ងៃមានការកម្ម៉ង់ច្រើនឡើងៗ បន្ទាប់ពីពួកគាត់យកទៅពិសាសាកល្បង ដោយអតិថិជនទាំងនោះមានអ្នកខ្លះរស់នៅក្នុងខេត្តត្បូងឃ្មុំ កំពង់ចាម ក្រចេះ ជាដើម ហើយអ្នកខ្លះរស់នៅរាជធានីភ្នំពេញ”

ជាមួយនឹងការទទួលបានការគាំទ្រពីសំណាក់អតិថិជននាពេលបច្ចុប្បន្ន ប្រេងផ្កាឈូករ័ត្នត្រូវបានដាក់លក់ក្នុងតម្លៃ ១ដប ថ្លៃ ១៤ ០០០ រៀល មានចំណុះ ២៥០ មីលីលីត្រ សម្រាប់តម្លៃលក់រាយ ឬតម្លៃទាបជាងនេះអាស្រ័យទៅតាមចំនួននៃការកម្ម៉ង់ ខណៈដែលបច្ចុប្បន្ននៅត្រឹមតែប្រមាណ ៥០ – ១០០ដបក្នុងស្តុកតែប៉ុណ្ណោះ។

លោក សុផល បន្តទៀតថា ៖

“ប្រេងផ្កាឈូករ័ត្នរបស់យើងគឺខុសពីប្រេងទូទៅដែលមានលក់នៅលើទីផ្សារទូទៅ ទាំងគុណភាព និងរសជាតិដោយសារយើងគាបគ្រាប់ផ្ការ័ត្នដែលមាននៅក្នុងចំការយើងផ្ទាល់តែម្ដង ហើយប្រេងរបស់យើងគាបថ្មីៗ ពុំមានប្រើសារធាតុគីមី ឬក៏សារធាតុរក្សាទុកអ្វីនោះឡើយ។ បន្ថែមពីលើនេះ វាក៏មានផ្ទុកនូវសារធាតុជាច្រើនដែលជំនួយដល់សុខភាព ដោយអតិថិជនអាចទទួលទានបានដោយសុវត្ថិភាព”

ដោយឡែក ការផលិតប្រេងផ្កាឈូករ័ត្ននេះក៏មិនមែនងាយស្រួលប៉ុន្មាននោះដែរ ពោលគឺត្រូវការគ្រាប់ផ្កាឈូករ័ត្នដល់ទៅ ៥គីឡូក្រាម ទើបអាចចម្រាញ់បានប្រេង ១លីត្រ ដែលគាបដោយម៉ាស៊ីន ដោយក្នុងមួយថ្ងៃ អាចចម្រាញ់បានត្រឹម ៣-៤ លីត្រតែប៉ុណ្ណោះ។ នេះជាអ្វីដែលម្ចាស់ចំការខាងលើបានបញ្ជាក់ប្រាប់។

លោក សុផល បានរំឭកដែរថា គ្រាប់ផ្កាឈូករ័ត្នសម្រាប់គាបធ្វើប្រេងនេះគឺត្រូវការច្រើន និងជាគ្រាប់ដែលស្ងួតល្អ មិនត្រូវភ្លៀង ទើបអាចគាប និងចម្រាញ់បាន។ ចំណែកប្រេងដែលគាបបានហើយក៏ពុំទាន់អាចច្រកភ្លាមៗបានដែរ ត្រូវទុកឱ្យរងកករអស់សិនប្រមាណ ២០-៣០ថ្ងៃទើបអាចច្រកបាន។

ជាចុងក្រោយ លោក ប៉ត សុផល បានរំពឹងទុកដែរថា ផលិតផលថ្មីនេះនឹងមានការគាំទ្រច្រើន ដោយសារវាជាផលិតផលក្នុងតំបន់ផ្ទាល់ ហើយវាជាប្រេងសុទ្ធដែលផ្ដល់ប្រយោជន៍ច្រើនដល់សុខភាព។ សម្រាប់នៅរដូវទឹកសម្រកខាងមុខនេះ លោក និងក្រុមការងារនឹងពង្រីកការដាំដុះចម្ការផ្សារឈូករ័ត្នឱ្យបានច្រើនជាងបច្ចុប្បន្ន ដើម្បីបង្កើនសោភ័ណភាពតំបន់កម្សាន្តក្នុងស្រុកជីរោទិ៍ផង សម្រាប់ជាចំណីឃ្មុំចិញ្ចឹមផង និងសម្រាប់បង្កើនការផលិតប្រេងផ្កាឈូករ័ត្នឱ្យកាន់តែច្រើនផងដែរ៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

ប្រធានាធិបតីចិន លោក ស៊ី ជីនពីង ធ្វើទស្សនកិច្ចនៅកូរ៉េខាងជើងរយៈពេល ២ថ្ងៃ ក្រោយអាក់ខាន ៧ឆ្នាំ

ព្រឹត្តិការណ៍, សេដ្ឋកិច្ច

• 08/06/2026

ប្រធានាធិបតីចិន លោក ស៊ី ជីនពីង បានទៅដល់ទីក្រុងព្យុងយ៉ាង ប្រទេសកូរ៉េខាងជើង ដើម្បីបំពេញដំណើរទស្សនកិច្ចផ្លូវការរយៈពេល ២ ថ្ងៃ ក្រោយអាក់ខានអស់រយៈពេល៧ឆ្នាំ

ទេសចរកម្ពុជា ទៅប្រទេសវៀតណាម កើនឡើងខ្លាំង ក្រោយជម្លោះព្រំដែនកម្ពុជា-ថៃ

ព្រឹត្តិការណ៍, សេដ្ឋកិច្ច

• 08/06/2026

ភ្ញៀវទេសចរកម្ពុជា បានឈរនៅលំដាប់ទី ៥ ក្នុងចំណោមទេសចរបរទេសដែលបានចូលទស្សនាប្រទេសវៀតណាមច្រើនជាងគេបំផុតក្នុងរយៈពេល ៥ ខែដំបូងនៃឆ្នាំ ២២០២៦នេះ ពោលគឺកើនឡើង ៤០ ភាគរយ ធៀបនឹងរយៈពេលដូចគ្នាកាលពីឆ្នាំមុន

អ្នកជំនាញ ៖ កសិករគួរជីកស្រះក្បែរចំការដំណាំ ដើម្បីទទួលបានផលចំណេញជាប់ពេញមួយឆ្នាំ

ព្រឹត្តិការណ៍, សេដ្ឋកិច្ច

• 08/06/2026

ទឹក គឺជាកត្តាដ៏សំខាន់មួយក្នុងការរស់នៅប្រចាំថ្ងៃ ក៏ដូចជាសម្រាប់តម្រូវការធ្វើកសិកម្មដែលមាននាទីក្នុងការស្រោចស្រពដំណាំគ្រប់ប្រភេទផងដែរ

ឧបនាយករដ្ឋមន្ត្រីប្រចាំការ វង្សី វិស្សុត អញ្ជើញសម្ពោធចង្កោមកម្មវិធីគាំទ្រសហគ្រិនភាព សម្រាប់គាំទ្រដល់សិស្ស-និស្សិត ធុរកិច្ចថ្មី កសិករខ្នាតតូច និង SME នៅខេត្តកំពង់ធំ

ព្រឹត្តិការណ៍, អត្ថបទពាណិជ្ជកម្ម

• 08/06/2026

ឧបនាយករដ្ឋមន្ត្រីប្រចាំការ វង្សី វិស្សុត អញ្ជើញសម្ពោធចង្កោមកម្មវិធីគាំទ្រសហគ្រិនភាព សម្រាប់គាំទ្រដល់សិស្ស-និស្សិត ធុរកិច្ចថ្មី កសិករខ្នាតតូច និង សហគ្រាសធុនតូច និងមធ្យម នៅខេត្តកំពង់ធំ

តម្លៃមាស អាចហក់ឡើងមកវិញទៅដល់ ៧២០០ ដុល្លារ/មួយតម្លឹងក្នុងឆ្នាំ ២០២៦ នេះ

ព្រឹត្តិការណ៍, សេដ្ឋកិច្ច

• 08/06/2026

បន្ទាប់ពីតម្លៃមាសបានហក់ឡើងយ៉ាងគំហុករហូតដល់ ៦៤ ភាគរយ កាលពីឆ្នាំ ២០២៥ កន្លងមក លោហៈធាតុដ៏មានតម្លៃបំផុតនេះកំពុងស្ថិតនៅលើគន្លងទៅរកកំណើនជាប្រវត្តិសាស្ត្រម្តងទៀត

ការវាយប្រហារគ្នាថ្មីៗរវាងអ៊ីរ៉ង់ និងអ៊ីស្រាអែល រុញឱ្យតម្លៃប្រេងឡើងថ្លៃជិត ៣ ភាគរយ

ព្រឹត្តិការណ៍, សេដ្ឋកិច្ច

• 08/06/2026

តម្លៃប្រេងហក់ឡើងថ្លៃជិត ៣ ភាគរយ នៅក្នុងទីផ្សាអាស៊ី បន្ទាប់ពីអ៊ីរ៉ង់បានបាញ់មីស៊ីលជាច្រើនដងទៅកាន់អ៊ីស្រាអែល ដែលធ្វើឱ្យមានការធ្លាក់ចុះនៃក្តីសង្ឃឹមក្នុងការចរចាបញ្ចប់ជម្លោះ

ធីភីស៊ីភីហ្សា-TPC Pizza បង្ហាញវត្តមានដើម្បីផ្តល់ជូនសហគមន៍កាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 08/06/2026

ធីភីស៊ី ភីហ្សា-The Pizza Cambodia ក្រុមការងារបានធ្វើកិច្ចពិភាក្សាជាមួយ អង្គការផ្កាយសមុទ្រកម្ពុជា (ISF Cambodia) ក្នុងនាមជាដៃគូសហការគ្នាដើម្បីផ្តល់ជំនួយគាំទ្រអង្គការ

ហែលឆ្លងឧបសគ្គ ២០ឆ្នាំ៖ «បូទីកា» បង្ហាញភាពរឹងមាំក្នុងវិស័យសំណង់ និងប្តេជ្ញាចិត្តពង្រឹងសមត្ថភាពផលិត ដើម្បីឈានទៅរកការនាំចេញ

ព្រឹត្តិការណ៍, អត្ថបទពាណិជ្ជកម្ម

• 08/06/2026

ចិញ្ចឹមក្ងានស្រែរកចំណូលបានច្រើនចូលគ្រួសារ និងមានទីផ្សារល្អថែមទៀត

ជំនួញ, ព្រឹត្តិការណ៍

• 08/06/2026

ជាទូរទៅក្ងានស្រែមួយក្បាល មានទម្ងន់ជាមធ្យមចន្លោះពី ៣.៥០ គីឡូក្រាមទៅដល់ ៥.០០គីឡូក្រាម មានតម្លៃចន្លោះពី ០៨ ម៉ឺនរៀលទៅដល់ ១២ ម៉ឺនរៀលក្នុងមួយក្បាល ដែលធ្វើឱ្យកសិកររកចំណូលបានច្រើន និងមានតម្រូវការទីផ្សារខ្ពស់ទៀតផង