សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅក្នុងរយៈពេល ៣ខែ ចុងឆ្នាំ២០២៤កន្លងទៅនេះ ជប៉ុន ដែលជាប្រទេសសេដ្ឋកិច្ចដ៏ធំទី៤នៅលើពិភពលោកទទួលបានសញ្ញាវិជ្ជមាននៃកំណើនសេដ្ឋកិច្ចឡើងវិញខ្ពស់លើសពីការរំពឹងទុករបស់រដ្ឋាភិបាល ក៏ដូចជាអ្នកជំនាញផងដែរ។
ផ្អែកតាមទិន្នន័យដែលត្រូវបានដាក់បង្ហាញជាសាធារណៈដោយគណៈរដ្ឋមន្ត្រីជប៉ុនកាលពីថ្ងៃចន្ទសប្តាហ៍នេះបានអះអាងថា កំណើនសេដ្ឋកិច្ចជប៉ុនបានងើបឡើងវិញដោយសារតែការនាំចេញដ៏រឹងម៉ាំ ជាពិសេសការងើបឡើងវិញនៃសកម្មភាពចាយវាយនៅក្នុងប្រទេស។
ជាការកត់សម្គាល់ ការគ្រប់គ្រងអតិផរណាដោយរដ្ឋាភិបាលជប៉ុនត្រូវបានចាត់ទុកថាជាកិច្ចការងារដែលទទួលបានប្រសិទ្ធភាពល្អ ដោយសារតែកំណើននៃការចាយរបស់ពលរដ្ឋនេះគឺប្រហាក់ប្រហែលទៅនឹងអ្វីដែលធនាគារជប៉ុនបានកំណត់រួចទៅហើយ។ យ៉ាងណាក្តី បញ្ហាតម្លៃទំនិញនៅក្នងទីផ្សារបានធ្វើឲ្យមានបញ្ហាទៅដល់ការចាយវាយរបស់ពលរដ្ឋក្នុងស្រុកអស់រយៈពេលប៉ុន្មានឆ្នាំចុងក្រោយនេះខណៈដែលសកម្មភាពចាយវាយនេះមានទំហំច្រើនជាងពាក់កណ្តាលនៃទំហំសេដ្ឋកិច្ចប្រចាំឆ្នាំរបស់ជប៉ុន។
ធនាគារជប៉ុនរំពឹងថា អាចនឹងមានការតម្លើងអត្រាការប្រាក់បន្ថែមទៀតនៅក្នុងរយៈពេលប៉ុន្មានឆ្នាំខាងមុខដើម្បីជួយឲ្យសេដ្ឋកិច្ចជាតិអាចទប់ទល់ទៅនឹងបរិត្ដផរណា (deflation) ខណៈដែលអត្រាការប្រាក់នៅតាមបណ្តាធនាគារក្នុងស្រុកមួយចំនួនបានចាប់ផ្តើមអនុវត្តរួចទៅហើយកាលពីខែមករាចន្លោះពី០,៥ភាគរយទៅ០,២៥ភាគរយ។
គួរឲ្យដឹងដែរថា សេដ្ឋកិច្ចជប៉ុនមានស្ថានភាពខុសពីអាមេរិក និងបណ្តាប្រទេសជាច្រើនលើពិភពលោកដែលកំពុងជួបប្រទះនឹងបញ្ហាអតិផរណា(ការកើនឡើងតម្លៃទំនិញ) ខណៈដែលខ្លួនបែរជាកំពុងជាប់គាំងនឹងបញ្ហាបរិត្តផរណាទៅវិញ។ ទោះជាយ៉ាងណា ស្ថានភាពនេះបានធ្វើឲ្យប៉ះពាល់សេដ្ឋកិច្ចដូចគ្នា ពីព្រោះថាពលរដ្ឋជប៉ុននៅតែមិនបន្តចាយវាយក្នុងកម្រិតត្បិតត្បៀតមួយដោយសង្ឃឹមថាតម្លៃទំនិញនឹងបន្តធ្លាក់ចុះ ជាពិសេស ប្រតិបត្តិការបំណុលនានាជួបភាពលំបាកក្នុងការសងលុយត្រឡប់ ដូច្នេះវាបានធ្វើឲ្យទំហំនៃបំណុលមានកម្រិតខ្ពស់ជាងប្រាក់ចំណូលដែលទទួលបាន៕
Account
Security
Favourite Content