សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុនជំនាញផ្នែកកសិ-ឧស្សាហកម្មរបស់អាម៉េរិកមួយមានឈ្មោះថា Maple Leaf Farms បានបង្ហាញពីគោលបំណង់បណ្តាក់ទុនវិនិយោគនៅកម្ពុជាក្រោមកិច្ចប្រតិបត្តិការចាប់តាំងពីការចិញ្ចឹម កែច្នៃ និងផ្គត់ផ្គង់នៅលើទីផ្សារ ទាំងក្នុងស្រុក និងនាំចេញទៅក្រៅប្រទេសផងដែរ។
អ្នកតំណាងក្រុមហ៊ុនរបស់អាម៉េរិក Maple Leaf Farms ក្រោមការសម្របសម្រួលដោយសភាពាណិជ្ជកម្មអាមេរិកនៅកម្ពុជា នៅក្នុងឱកាសចូលជូបសម្ដែងការគួរសម និងពិភាក្សាការងារជាមួយ ឯកឧត្តមបណ្ឌិត កៅ ថាច អគ្គនាយកធនាគារ អភិវឌ្ឍន៍កសិកម្ម និងជនបទ (ARDB) នាថ្ងៃដើមសប្ដាហ៍កន្លងទៅនេះបានបញ្ជាក់ថា ក្រុមហ៊ុនពិតជាមានបំណងចង់បណ្តាក់ទុនវិនិយោគទៅលើការអភិវឌ្ឍខ្សែច្រវាក់ផលិតកម្ម«ទាប៉េកាំងស (White Pekin Duck)ឱ្យបានពេញលេញ ចាប់តាំងពីការចិញ្ចឹម កែច្នៃ និងផ្គត់ផ្គង់នៅលើទីផ្សារទាំងក្នុងស្រុក និងនាំចេញទៅក្រៅប្រទេសផងដែរ។
ឯកឧត្តមបណ្ឌិត កៅ ថាច បានសម្តែងនូវការស្វាគមន៍ និងវាយតម្លៃខ្ពស់ចំពោះគម្រោងវិនិយោគរបស់ក្រុមហ៊ុន Maple Leaf Farms និងបានជំរុញលើកទឹកចិត្តឱ្យក្រុមហ៊ុន ពន្លឿនការសិក្សា និងចាប់ផ្តើមដំណើរការវិនិយោគលើខ្សែចង្វាក់ផលិតកម្មសាច់ទា «White Pekin Duck» នេះ ឱ្យចេញជារូបរាងក្នុងពេលឆាប់ៗខាងមុខ។
ឯកឧត្តមបានមានប្រសាសន៍ថា សារសំខាន់នៃការវិនិយោគនេះមិនត្រឹមតែជួយបំពេញតម្រូវការសាច់ទានៅក្នុងស្រុក និងក្នុងតំបន់ប៉ុណ្ណោះទេ ប៉ុន្តែថែមទាំងបានចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចកម្ពុជា តាមរយៈការបង្កើតការងារ និងការបង្កើនចរន្តផលិតកម្មកសិ-ឧស្សាហកម្មនៅកម្ពុជាផងដែរ។
សូមជ្រាបដែរថា តាមរយៈផែនការវិនិយោគរបស់ក្រុមហ៊ុន Maple Leaf Farms ដូចបានលើកឡើងខាងលើនេះ បានឆ្លុះបញ្ចាំងពីភាពទាក់ទាញកាន់តែខ្លាំងឡើងរបស់ប្រទេសកម្ពុជាចំពោះវិនិយោគិនបរទេសនៅក្នុងវិស័យកសិកម្ម ខណៈដែលរាជរដ្ឋាភិបាលបន្តលើកកម្ពស់គំនិតផ្តួចផ្តើមដែលបង្កើនផលិតកម្មអាហារ បង្កើតឱកាសការងារ និងគាំទ្រដល់ការធ្វើពិពិធកម្មសេដ្ឋកិច្ច និងកសិ-ឧស្សាហកម្ម៕
Account
Security
Favourite Content