សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្ដៅ ជារុក្ខជាតិម្យ៉ាងត្រូវបានគេស្គាល់ជាទូទៅថាជាប្រភេទរុក្ខជាតិដែលមានរសជាតិល្វីង ដែលនិយមទទួលទានជាបន្លែស្រស់ ឬស្រុសទឹកក្ដៅដោយច្នៃជាមុខម្ហូបញាំ ភ្លា ឬធ្វើជាអន្លក់ក៏កាន់តែឆ្ងាញ់ពិសា ហើយជាធម្មតារុក្ខជាតិមួយប្រភេទចេញផ្កាក្នុងមួយឆ្នាំតែម្ដងប៉ុណ្ណោះ។ ជាមួយគ្នានេះ ដោយសារតែភាពពេញនិយមទទួលទាននេះហើយ បច្ចុប្បន្នអ្នកបច្ចេកទេសកសិកម្មបានបង្កាត់ពូជថ្មីដើម្បីអាចឱ្យស្ដៅចេញផ្កាខុសរដូវ ឬក្នុងមួយឆ្នាំចេញផ្ការហូតដល់ទៅ៣ដង។
អ្នកស្រី ឆាយ ស្រីពេជ្រ ជាម្ចាស់ហាងលក់កូនឈើមួយកន្លែងបានមានប្រសាសន៍ឱ្យដឹងថា ពូជស្ដៅខុសរដូវថ្មីនេះគឺងាយស្រួលដាំ ងាយថែទាំ ហើយដាំឆាប់បានផលជាងពូជស្ដៅធម្មតា ចំណែកឯរសជាតិក៏មិនខុសពីស្ដៅទូទៅដែលគេនិយមបរិភោគនោះដែរ។
អ្នកស្រីបញ្ជាក់ថា ៖
“ពូជស្ដៅនេះគេអាចហៅថាពូជស្ដៅ ៣រដូវ ឬស្ដៅខុសរដូវ ដែលជាពូជស្ដៅថ្មី ងាយស្រួលដាំ ហើយវាជាប្រភេទស្ដៅតឿ មិនលូតខ្ពស់ដូចស្ដៅធម្មតានោះទេ ដែលយើងដាំហើយទទួលបានផលលឿន ងាយស្រួលក្នុងការបេះ ឬកាច់ត្រួយមកទទួលទានដែលភាគច្រើនគេទិញយកទៅដាំច្រើនទាំងតាមផ្ទះ និងតាមចំការនានា។ ពូជស្ដៅខុសរដូវនេះតម្លៃ ១៥ ០០០រៀលក្នុងមួយដើម ហើយគេអាចយកទៅដាំដោយចំណាយពេលប្រមាណ ១០ខែ ទៅ ១ឆ្នាំ គឺអាចទទួលបានផលបណ្ដើរៗ ហើយអាចចេញផ្កាដល់ទៅ ៣ ឬ៤ ដងច្រើនជាង និងមុនពេលស្ដៅធម្មតាចេញផ្កាផងដែរ”
អ្នកស្រីបញ្ជាក់ថា ៖
“ត្បិតពូជស្ដៅនេះជាពូជនាំចូលពីប្រទេសជាតិខាង តែបងប្អូនកសិករយើងអាចសាកល្បងដាំបាន ដោយសារកត្តាទីតាំងភូមិសាស្ត្ររបស់យើងក៏មិនខុសពីប្រទេសជិតខាងយើងប៉ុន្មានដែរ។ ហេតុនេះ ស្ដៅខុសរដូវ ជាពូជស្ដៅថ្មីដែលបងប្អូនអាចសាកល្បងដាំ ដើម្បីទទួលបានទិន្នផលស្ដៅផ្គត់ផ្គង់នៅលើទីផ្សារបានគ្រប់រដូវផងដែរ”
គួរបញ្ជាក់ដែរថា ស្ដៅមានអត្ថប្រយោជន៍ច្រើនស្ទើរគ្រប់ផ្នែកតាំងពីមែក ស្លឹក ផ្កា និងដើម ដោយក្នុងនោះ មែកស្ដៅ គឺជួយសម្អាត និងការពារជំងឺរាក់ស៊ីធ្មេញ។ ចំណែកឯប្រេងស្ដៅមានប្រសិទ្ធភាពបំផុតក្នុងការជួយកាត់បន្ថយស្នាមជ្រួញនៅលើស្បែក ជាពិសេសវាអាចព្យាបាលជំងឺសើរស្បែកយ៉ាងមានប្រសិទ្ធភាព។ ក្រៅពីនេះ ស្ដៅក៏ជាឱសថធម្មជាតិមួយប្រភេទដែលអាចជួយសម្រួលដល់បញ្ហាសន្លាក់ សម្រួលចរន្តឈាម បង្កើតកោសិកាឈាម និងជួយកាត់បន្ថយបរិមាណជាតិស្ករក្នុងឈាមជាដើម៕
Account
Security
Favourite Content