សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការដាំដំណាំ មិនមែនជារឿងលំបាកទេប្រសិនបើអ្នកដាំចេះកែច្នៃ និងប្រើប្រាស់ធនធានជុំវិញខ្លួនឱ្យអស់ពីលទ្ធភាព ដែលកើតឡើងពីការកែច្នៃ ឬរៀបចំដីទំនេរសម្រាប់ដាំ។
លោក សារិ ប៊ុនធឿន (ហៅ ហ៊ា ទុយ) ជាអ្នកដែលមានចំណូលចិត្តលើការដាំដុះ និងបានរៀបចំដីដាំដំណាំនៅលើដំបូលផ្ទះមួយរូបបានចែករំលែកថា ៖
«ការដាំដំណាំ ទោះបីមិនមានដីធំសម្រាប់ដាំក៏យើងអាចច្នៃដាំបានទៅតាមលទ្ធភាព និងទំហំដី ជាក់ស្ដែងផ្ទះខ្ញុំមានដាំដំណាំលើដំបូងផ្ទះច្រើនមុខ ហើយអ្វីដែលសំខាន់ក្នុងការជ្រើសរើសទីតាំងគឺរើសយកកន្លែងណាដែលមានពន្លឺសម្រាប់រុក្ខជាតិលូតលាស់បានល្អ ប្រើប្រាស់ផើង ឬធុងទឹកសុទ្ធសម្រាប់ដាំ ព្រោះវាចំណាយអស់ថវិកាតិច ឬប្រើធ្នើដាំដែលធ្វើពីឈើ ឬដែកក៏បាន»។
លោកបន្តឱ្យដឹងថា ដំណាំដែលលោកដាំរួមមាន សាលាដស្រួយ សាលាដប្រេស៊ីល ស្ពៃក្តោប ខាត់ណា ប៉េងប៉ោះ ម្ទេស ត្រប់វែង ត្រប់ខ្លី ស្លឹកគ្រៃ ជី Rosemary Kale ស្លឹកបាស់ ដើមងប់ ដើមកន្ទ្រោក បន្លែផ្អែម ក្រសាំងទៀប ស្អំ។ ក្រៅពីនេះក៏មានរុក្ខជាតិហូបផ្លែដូចជា ចេក ក្រូចឆ្មា ក្រូចឆ្មាលឿង ក្រូចតែជ្រក់ ក្រូចជប៉ុន ក្រូចសាយណាំផឹង ម្កាក់តឿ ត្របែក ជំពូ ម្ជួរព្រឹក ទ្រលឹងទឹង Blackberry Strawberry ពុទ្ទ្រា៣រសជាតិ ពុទ្រាគីឡូ និងមនផងដែរ។
សម្រាប់បច្ចេកទេសវិញ លោកបានប្រាប់ឱ្យដឹងថា ក្នុងករណីដាំលើដំបូលផ្ទះបែបនេះ គេអាចប្រក់ស្បៃ ដើម្បីកាត់បន្ថយកម្ដៅ ធ្វើឱ្យរុក្ខជាតិលូតលាស់ល្អ សមល្មមនឹងអាកាសធាតុដែលវាអាចរស់បានយ៉ាងល្អ។ បន្ថែមពីលើនេះ ក៏អាចប្រើវិធីដាំដំណាំសរីរាង្គ ដោយមិនប្រើជីគីមិ ប្រើបច្ចេកទេស ហាយធិច ដោយការប្រើប្រាស់ប្រព័ន្ធស្រោចស្រព្វស្វ័យប្រវត្តិ ពោលគឺមិនបារម្ភខ្លាចដំណាំគ្មានអ្នកស្រោចទឹកឱ្យនោះទេ។
គួរបញ្ជាក់ថា មូលហេតុដែលលោកសម្រេចចិត្តដាំដំណាំដោយខ្លួនឯងគឺ ដើម្បីកម្សាន្តផង បានធូរស្បើយពីភាពតានតឹងពេលហត់នឿយ ឬធុញនឹងការងារ។ ម៉្យាងទៀត ការដាំដំណាំនេះ ក្រៅពីការកម្សាន្តអារម្មណ៍វាក៏ទទួលបាននូវបន្លែ ផ្លែឈើ ធម្មជាតិ គ្មានជាតិគីមី និងអាចកាត់បន្ថយចំណាយក្នុងគ្រួសារផងដែរ។ ដោយឡែក សម្រាប់អ្នកដែលចង់ដាំដំណាំបែបនេះ លោក ប៊ុនធឿន បានប្រាប់ពីចំណុចប្រុងប្រយ័ត្នដែរថា ចំពោះអ្នកចង់ដាំដំណាំ គេត្រូវការតាំងចិត្តខ្ពស់ យកចិត្តទុកដាក់ និងត្រូវសិក្សាស្វែងយល់ពីមូលដ្ឋានគ្រឹះបច្ចេកទេសកសិកម្មមិនថាការលាយដី ការប្រើប្រាស់ជី និងរបៀបមើលថែទាំផងដែរ៕
Account
Security
Favourite Content