បរទេស ៖ ក្រុមហ៊ុនបច្ចេកវិទ្យាយក្ស Microsoft កាលពីថ្ងៃចន្ទម្សិលមិញនេះបានធ្វើការប្រកាសពីគម្រោងចំណាយប្រាក់ប្រមាណ ១៦ ពាន់លានដុល្លារក្នុងការទិញយកក្រុមហ៊ុនបច្ចេកវិទ្យាឆ្លាតវ៉ៃ AI មួយដែលមានឈ្មោះថា Nuance ក្នុងគោលបំណងសំខាន់ដើម្បីអាចបង្កើនទំហំផ្ទុកទិន្នន័យរបស់ខ្លួនសម្រាប់អតិថិជន និងសហគ្រាសនៅក្នុងវិស័យសុខាភិបាល និងការថែទាំសុខមាលភាព។
កិច្ចព្រមព្រៀងនេះត្រូវបានគេមើលឃើញថាធ្វើឡើងបន្ទាប់ពីក្រុមហ៊ុនជាដៃគូរបស់ខ្លួនជាច្រើនកាលពីឆ្នាំ២០១៩ បានចុះហត្ថលេខាទទួលយកសេវាកម្មគ្លីនិកចល័ត រួមទាំងកិច្ចការងាររដ្ឋបាលក្រដាសស្នាម ដែលជាផ្នែកមួយនៃកិច្ចខំប្រឹងប្រែងរបស់ Microsoft ក្នុងការបន្តភាពជាអ្នកនាំមុខគេនៅក្នុងដំណោះស្រាយសេវាកម្មផ្ទុកទិន្នន័យសម្រាប់វិស័យសុខាភិបាល។
ប្រធានប្រតិបត្តិរបស់ក្រុមហ៊ុន Microsoft បាននិយាយថា៖
“កិច្ចព្រមព្រៀងទិញលក់លើកនេះនឹងផ្តល់ឲ្យយើងនូវបច្ចេកវិទ្យាដោយផ្ទាល់ទៅកាន់ក្រុមគ្រូពេទ្យ និងអ្នកជំងឺទាំងឡាយដែលវានឹងដើរតួទៅជាមជ្ឈមណ្ឌលកណ្តាលសម្រាប់កិច្ចការងារចែកចាយផលិតផលថ្នាំពេទ្យនៅក្នុងវិស័យសុខាភិបាល ហើយមិនត្រឹមតែប៉ុណ្ណោះវានឹងជួយឲ្យ Microsoft ក្លាយទៅជាអ្នកនាំមុខគេកាន់តែខ្លាំងចំពោះបច្ចេកវិទ្យាថែរក្សាសន្តិសុខចំពោះកិច្ចការងារផ្នែកបច្ចេកវិទ្យា AI”
លោក Satya Nadella
គួរបញ្ជាក់ថា Nuance ត្រូវបានមនុស្ស និងក្រុមហ៊ុនអន្តរជាតិជាច្រើនទទួលស្គាល់ពីភាពល្បីល្បាញរបស់វាតាមរយៈបច្ចេកវិទ្យាតាមបែប AI ដែលកន្លងមកខ្លួនក៏ធ្លាប់ជាផ្នែកមួយនៃកិច្ចការងារអភិវឌ្ឍន៍មុខងារ Assistant Siri របស់ក្រុមហ៊ុន Apple ផងដែរ ប៉ុន្តែមួយរយៈចុងក្រោយនេះខ្លួនបានងាកមករកបច្ចេកវិទ្យាសុខាភិបាលបែបបច្ចេកវិទ្យាវិញកាន់តែខ្លាំងឡើង។ មកដល់បច្ចុប្បន្នខ្លួនមានប្រតិបត្តិការនៅក្នុងប្រទេសចំនួន២៨ ដោយក្រុមហ៊ុនដែលមានមូលដ្ឋាននៅក្នុងទីក្រុង Burlington រដ្ឋ Massachusetts មួយនេះត្រូវបានគេដឹងថាទើបតែបានប្រកាសពីការរកប្រាក់ចំណូលដល់ទៅ១.៥ពាន់លានដុល្លារកាលពីឆ្នាំ២០២០ កន្លងទៅ។ ក្រុមហ៊ុន Nuance ធ្លាប់បាននិយាយថាមន្ទីរពេទ្យដល់ទៅ ៧៧ ភាគរយនៅទូទាំងប្រទេសអាមេរិកគឺបានទទួលសេវាកម្មបច្ចេកវិទ្យាពីសំណាក់ក្រុមហ៊ុនរបស់ខ្លួនដែលមានរួមមានទាំងមុខងារកំណត់ចំណាំការនិយាយនៅគ្លីនិកព្រមទាំងមុខងារកំណត់ចំណាំរូបភាពវេជ្ជសាស្ត្រផងដែរ៕
របាយការណ៍សំខាន់
ព័ត៌មានទូទៅ
រដ្ឋមន្ត្រីក្រសួងកសិកម្ម និយាយពីបញ្ហានៃការផ្គត់ផ្គង់ត្រីនៅកម្ពុជា
អាសន្ន ៖ ប្រជាជនម៉ាឡេស៊ីលើកទង់សនៅក្រៅផ្ទះដើម្បីស្វែងរកជំនួយខណៈពេលកំពុងបិទខ្ទប់
ផ្លែឈើសម្ងួតរបស់កម្ពុជាត្រូវបាននាំចេញទៅកាន់ទីផ្សារអន្តរជាតិតាមរយៈក្រុមហ៊ុនក្នុងស្រុក MISOTA
ការធ្វើវារីវប្បកម្មធុនតូច និងមធ្យម នៅកម្ពុជានៅតែមានទីផ្សារល្អ
កម្ពុជាទទួលបានចំណូលជិត200លានដុល្លារពីការនាំកង់ចេញទៅកាន់ទីផ្សារអន្តរជាតិ
ពានរង្វាន់ចំនួន ២ របស់កម្ពុជាក្លាយជាឧបករណ៍ជំរុញវិស័យទេសចរណ៍ឡើងវិញឲ្យបានមុនគេក្នុងតំបន់
អ្នកសេដ្ឋកិច្ច ៖ រាជរដ្ឋាភិបាលមានចក្ខុវិស័យវែងឆ្ងាយក្នុងការគ្រប់គ្រងសន្និធិប្រេងឲ្យបានល្អប្រសើរ
ក្រុមហ៊ុនក្នុងស្រុក កំពុងបញ្ចេញសមត្ថភាពប្រកួតប្រជែងជាមួយទីផ្សារអន្តរជាតិ
ទស្សនៈកិច្ចរបស់រដ្ឋមន្ដ្រីការបរទេសចិន បាននាំមកនួវផលប្រយោជន៍យ៉ាងច្រើនសម្រាប់កម្ពុជា
រុស្សីកំពុងព្យាយាមកាត់បន្ថយឥទ្ធិពលលុយដុល្លារ និងពង្រឹងលុយ(ruble)របស់ខ្លួន
កម្មវិធីពិសេសរបស់ AMS ECONOMY
