សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា អូស្ត្រាលី បានពិន័យ Telegram រាប់ម៉ឹនដុល្លារសម្រាប់ការខកខានផ្តល់ដំណឺងអំពីរបៀបដែលខ្លួនដោះស្រាយបញ្ហាឧក្រិដ្ឋកម្ម និងមាតិការំលោភបំពានផ្លូវភេទកុមារ។
នៅថ្ងៃចន្ទ សប្ដាហ៍នេះ អង្គភាពឃ្លាំមើលប្រព័ន្ធបណ្តាញសង្គមរបស់អូស្ត្រាលី បានលើកឡើថា ខ្លួនបានពិន័យ Telegram ១ លានដុល្លារអូស្រ្តាលី (៦៤ ០០០០ ដុល្លារអាម៉េរិក) សម្រាប់ការខកខានផ្តល់ព័ត៌មានអំពីរបៀបដែលពួកគេដោះស្រាយបញ្ហាឧក្រិដ្ឋកម្ម និងមាតិកាការដែលរំលោភបំពានផ្លូវភេទកុមារ។
លោកស្រី Julie Inman Grant ស្នងការ eSafety បានលើកឡើងថា Telegram បានខកខានក្នុងការឆ្លើយតបមកវិញច្រើនជាង ៥ខែ គិតចាប់តាំងពីថ្ងៃទី ៦ ខែឧសភា ឆ្នាំ២០២៤ ដែលជាថ្ងៃផុតកំណត់សម្រាប់ការបង្ហាញពីការអនុលោមតាមបទប្បញ្ញត្តិសុវត្ថិភាពអនឡាញ។
លោកស្រី Julie បានលើកឡើងនៅក្នុងសេចក្តីថ្លែងការណ៍មួយថា កាលពីខែមីនា ឆ្នាំ២០២៣ អ្នកឃ្លាំមើលបានសួរនាំ Telegram និងវេទិកាផ្សេងទៀតថា តើពួកគេកំពុងធ្វើអ្វីដើម្បីតាមដានរកឱ្យឃើញនូវសកម្មភាពភេរវកម្ម, ឧក្រិដ្ឋកម្ម, ជ្រុលនិយមហិង្សា, និងការកេងប្រវ័ញ្ចផ្លូវភេទលើកុមារ។ Telegram មិនបានឆ្លើយតបអំពីបញ្ហានេះរហូតដល់ថ្ងៃទី ១៣ ខែតុលា ដែលធ្វើឲ្យរារាំងការងាររបស់គណៈកម្មការអស់រយៈពេលជិតកន្លះឆ្នាំ។ ដូច្នេះ ដើម្បីការពារសហគមន៍ និងកែលម្អស្តង់ដារសុវត្ថិភាពឧស្សាហកម្ម ជាពិសេសទាក់ទងនឹងមាតិការគួរឱ្យស្អប់ខ្ពើមបំផុតនេះ វាគឺជាការចាំបាច់ក្នុងការសិក្សារពីរបៀបដែលវេទិកាមួយចំនួនអាចដោះស្រាយបានដោយបរាជ័យ ឬជោគជ័យ។
ទន្ទឹមនឹងនេះ Telegram មានពេល ២៨ ថ្ងៃដើម្បីបង់ប្រាក់ពិន័យ ប៉ុន្តែពួកគេកំពុងស្នើសុំពន្យារពេលបង់ថ្លៃ ឬ ព្យាយាមលុបចោលការពិន័យនេះ។ ប្រសិនបើក្រុមហ៊ុននេះសម្រេចចិត្តមិនបង់ប្រាក់ពិន៏យនោះទេ គណៈកម្មការអាចស្វែងរកការពិន័យនៅក្នុងតុលាការសហព័ន្ធ។
គួរឲ្យបញ្ជាក់ដែរថា លោក Pavel Durov គឺជាស្ថាបនិក និងជានាយកប្រតិបត្តិរបស់ Telegram ត្រូវបានចាប់ខ្លួនកាលពីខែសីហាឆ្នាំមុន នៅអាកាសយានដ្ឋានទីក្រុងប៉ារីស ហើយក្រោយមកត្រូវបានចោទប្រកាន់ពីបទបរាជ័យក្នុងការសម្របសម្រួលកម្មវិធីរបស់ខ្លួន ដោយអនុញ្ញាតឱ្យមានការធ្វើសកម្មភាពឧក្រិដ្ឋកម្មផ្សេងៗ។ រដ្ឋអាជ្ញាបារាំងក៏បានចោទប្រកាន់ដែរថា វេទិកានេះបរាជ័យក្នុងការចាត់វិធានការប្រឆាំងនឹងរូបភាពពាក់ព័ន្ធការរំលោភបំពានផ្លូវភេទលើកុមារ។ ក្រោយមក Durov ត្រូវបានដោះលែងដោយការបង់ប្រាក់ធានាចំនួន ៥ លានអឺរ៉ូ (៥,៣ លានដុល្លារអាមេរិក)៕
Account
Security
Favourite Content