ដំណាំ ជីរគ្រប់មុខ កំពុងហុចផលល្អជួយដល់ជីវភាពស្រ្តីវ័យចំណាស់សហគមន៍កសិកម្មទឹកហូតខេត្តកំពង់ឆ្នាំង

ភ្នំពេញ ៖ សហគមន៍ស្រ្តីស្រុកទឹកហូតខេត្តកំពង់ឆ្នាំង ក្រៅពីដំណាំយុទ្ធសាស្ត្រស្លឹកខ្ទឹម ក៏មានដំណាំរួមផ្សំ​​ដូចជាជីរគ្រប់មុខ ដែលកំពុងទទួលផលបានល្អ​ អាចលក់ចូលទីផ្សារជាប្រចាំ ជួយដោះស្រាយជីវភាពសហគមន៍ ជាពិសេសស្រី្តមានវ័យចំណាស់ឱ្យទទួលបានប្រាក់កម្រៃពីការដាំដុះ ជួយផ្គត់ផ្គង់គ្រួសារបានមួយផ្នែកធំ។

ជីរគ្រប់មុខ ជាប្រភេទបន្លែដែលជាទូទៅគេស្គាល់ដោយសារតែវាមានរសជាតិឆ្ងាញ់ ក្លិនឈ្ងុយក្រអូបប្រហើរបែបផ្សេងគ្នាតាមធម្មជាតិរបស់វា ហើយគេអាចច្នៃចម្អិន ឬទទួលទានបានច្រើនបែបច្រើនយ៉ាងទាំងឆ្អិន និងស្រស់ ខណៈដែលទាំងកសិករ ក៏ដូចជាពលរដ្ឋភាគច្រើននិយមដាំដុះជាលក្ខណៈចំការ និងលក្ខណៈគ្រួសារ ដែលទិន្នផលជីរគ្រប់មុខនេះត្រូវបានធ្វើការចែកចាយផ្គតផ្គង់ទៅកាន់ទីផ្សារជាច្រើនគីឡូក្នុងមួយឆ្នាំៗ ជាពិសេសទីផ្សារក្នុងស្រុក ដែលនិយមទទួលទានច្រើន។

អ្នកស្រី ​រិទ្ធ ចន្ថា ប្រធានសហគមន៍កសិកម្មទឹកហូតមានជ័យក្តីសង្ឃឹម បានប្រាប់ AMS ថា សហគមន៍កសិកម្មរបស់អ្នកស្រី ក្រៅពីល្បីដំណាំស្លឹកខ្ទឹម ជាដំណាំយុទ្ធសាស្ត្រ កសិករវ័យចំណាស់ៗ ក៏បានដាំដំណាំជីរគ្រប់មុខដែលហុចផលបានយ៉ាងល្អ អាចនាំចេញទៅកាន់ទីផ្សារក្នុងស្រុកបានមួយចំណែកធំ។

អ្នកស្រី ចន្ថា បានបញ្ជាក់ថា ដំណាំជីរគ្រប់មុខងាយស្រួលដាំដុះជាងដំណាំស្ពៃ និងតម្លៃខ្ពស់ជាងបន្លែផ្សេងៗ ហើយក៏ជាដំណាំបន្ទាប់បន្សំក្រៅពីស្លឹកខ្ទឹម និងសម្រាប់ស្ត្រីចំណាស់ៗអាចថែទាំងាយស្រួលព្រោះនៅជិតផ្ទះ។ ជីរទាំងនោះរួមមាន ៖​ ជីរក្រសាំងទំហំ(ជីរពងទាកូន) ​ ជីរថ្ពាល់ត្រី ជីរនាងវង ជីរអង្កាម ដែលសហគមន៍គាត់មានផ្ទៃដីតិចតួចនៅឡើយទេ។ សព្វថ្ងៃនេះកសិករដាំជីរមាន៧គ្រួសារ លើទំហំដីជាង៣០អា ស្មើនឹង៣០០០ម៉ែត្រការ៉េ ហើយនៅមានដាំដំណាំភ្លៅកង្កែបក្នុងលក្ខណៈជាបន្លែសុវត្ថិភាព ដែលអាចទទួលផលបានរាល់ថ្ងៃ។

អ្នកស្រី រិទ្ធ ចន្ថា បានរៀបរាប់ថា ៖

“ដំណាំជីរគ្រប់មុខ ផ្តល់ផលដល់អ្នកប្រមូលផល និងមានតម្រូវការជាប្រចាំថ្ងៃផងដែរ សម្រាប់ការប្រមូលយកទៅលក់នៅលើទីផ្សារ ដោយអាចកុម្ម៉ង់ដាច់ដោយឡែកក៏បានដែរ។”

តំណាងកសិកររូបនេះបានបញ្ជាក់ថា ដំណាំជីរគ្រប់មុខលក់ចេញបានតម្លៃខ្ពស់ គឺចន្លោះពី៥០០០រៀល ក្នុងមួយគីឡូក្រាម ហើយមានឈ្នួញ និងម៉ូយខ្លះត្រូវវេចខ្ចប់ផ្ញើតាមរថយន្តទៅតាមគោលដៅតែម្តង។ ​ ដោយក្នុងមួយថ្ងៃៗពួកគាត់អាចប្រមូលផល ពី១០០ ទៅ ១១០គីឡូក្រាម សរុបក្នុងការប្រមូលផលមួយថ្ងៃលក់បានប្រមាណ៥៥ម៉ឺនរៀល និង១សប្តាហ៍អាចទទួលបានប្រាក់ជាង៣លានរៀល( ៣ ៨៥០,០០០)។

សូមបញ្ជាក់ថា ជីរគ្រប់មុខ ត្បិតថាជារុក្ខជាតិដែលបងប្អូនអាចដាំដុះនៅជុំវិញផ្ទះក៏ពិតមែន ប៉ុន្តែរបៀបនៃការដាំឱ្យត្រឹមត្រូវតាមបច្ចេកទេសវានឹងឱ្យផលបានល្អដែរ ដែលកសិករត្រូវយល់ដឹងច្បាស់ពីបច្ចេកទេសនៃការរៀបចំដី ការគ្រប់គ្រងទឹក និងការថែទាំជាច្រើនទៀតទើបទទួលបានជោគជ័យ។ ចំណុចដំបូងដែលកសិករគួរគិតមុនគេគឺការជ្រើសរើសពូជ ដែលគេត្រូវជ្រើសពូជណាដែលសុទ្ធល្អមានប្រភពច្បាស់លាស់មានអាយុកាលត្រឹមត្រូវទើបធ្វើឱ្យការដាំដុះមានលក្ខណៈល្អប្រសើរ និងអាចទទួលបានទិន្នផលខ្ពស់ ព្រោះដំណាំនេះ មិនសូវរើសដី និងអាចធន់នឹងអាកាសធាតុបាន។ យោងតាមរបាយការណ៍មន្ទីរកសិកម្មខេត្តកំពង់ឆ្នាំង បានឱ្យដឹងថា នៅក្នុងខេត្តមានក្រុមកសិករបណ្តុំដាំដុះ បន្លែសុវត្ថិភាពជាង៥០បណ្តុំសហគមន៍ ដែលក្នុងមួយបណ្តុំមាន១០០គ្រួសារ បានផលិតបន្លែសុវត្ថិភាព ដោយ​មិន​ប្រើប្រាស់ជីគីមី ហើយឆាប់ទទួលបានផល ។ បច្ចុប្បន្នទីផ្សារ បន្លែសុវត្ថិភាពទាំងនោះរួមមាន៖ ស្ពៃ សាឡាត់ ខ្ទឹមបារាំង ម្ទេស សណ្តែកកួរ ប៉េងប៉ោះ ខ្ទឹមស្លឹក ជីរគ្រប់មុខ ភ្លៅកង្កែបជាដើម រួមនិងដំណាំរួមផ្សំមួយចំនួនទៀតមានតម្រូវការទីផ្សារក្នុងស្រុកខ្ពស់ សម្រាប់ការនាំចេញទៅបណ្តាខេត្ត និងរាជធានីភ្នំពេញ ដែលធ្វើឱ្យជីវភាពរបស់កសិករ កាន់តែប្រសើរឡើង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់