សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ទីផ្សារដូងក្រអូបថៃកំពុងប្រឈមមុខនឹងវិបត្តិធ្ងន់ធ្ងរដោយសារតម្លៃលក់ធ្លាក់ចុះជាងពាក់កណ្តាលនៃតម្លៃផលិតកម្ម ដែលបណ្តាលឱ្យខាតបង់រាប់រយលានបាត ខណៈដែលដូងក្រអូបរបស់វៀតណាមកំពុងមានការចាប់អារម្មណ៍ខ្លាំងនៅលើទីផ្សារប្រទេសចិន។ នេះបើយោងតាមការរាយការណ៍ពីសារព័ត៌មានថៃ The Nation ។
ចិន គឺជាអតីតអ្នកទិញដូងក្រអូបដ៏សំខាន់របស់ប្រទេសថៃ ប៉ុន្តែវៀតណាមបានបង្កើនការប្រកួតប្រជែងយ៉ាងខ្លាំង ដោយសារតែមានការគាំទ្រពីរដ្ឋាភិបាល និងមានយុទ្ធសាស្ត្រក្នុងការផលិតទ្រង់ទ្រាយធំ ខណៈទីតាំងភូមិសាស្ត្រក៏មានភាពល្អប្រសើរ នៅជិតជាមួយចិន ដែលនាំឱ្យតម្លៃដឹកជញ្ជូនទាបជាង។ ទន្ទឹមនឹងនេះ តម្លៃដូងក្រអូបថៃបានធ្លាក់ចុះមកត្រឹម ៣ បាតប៉ុណ្ណោះក្នុងមួយផ្លែ បង្កឱ្យមានការខាតបង់រាប់រយលានដុល្លារ ខណៈដែលវៀតណាមទទួលបានការចាប់អារម្មណ៍ពីអ្នកទិញសំខាន់ៗនៅចិន។
ចំពោះកត្តាចម្បងនៅក្នុងវិបត្តិទីផ្សារដូងក្រអូបរបស់ថៃ គឺភាពជោគជ័យរបស់វៀតណាមក្នុងការចូលទៅទីផ្សារចិន ជាពិសេសមានទីតាំងនៅជិតចិនស្រាប់។ កសិករដាំដូងក្រអូបថៃជាច្រើនកំពុងស្រែកថ្ងូរ ដោយសារបាត់បង់ទីផ្សារ ហើយតម្លៃធ្លាក់ចុះខ្លាំងមិនធ្លាប់មាន។ យ៉ាងណាក៏ដោយ វិបត្តិមួយនេះ គេនៅមិនទាន់ដឹងថា តើរដ្ឋាភិបាលថៃដែលកំពុងមានភាពរកាំរកូសផ្ទៃក្នុងនាពេលបច្ចុប្បន្នអាចរកច្រកចេញបាន ឬយ៉ាងណានោះទេ។
Account
Security
Favourite Content