គិតត្រឹមរយៈពេល២៤ម៉ោងដំបូងបន្ទាប់ពីរុស្ស៊ីសម្រេចបើកយុទ្ធនាការយោធាពិសេសកាលពីថ្ងៃទី២៤ ខែកុម្ភៈ ឆ្នាំ២០២២កន្លងមក ប្រទេសមួយចំនួនរួមទាំងប៉ូឡូញ ទុយនេស៊ី បារាំង អេស្តូនី និងអាមេរិកផងដែរ បានសម្រេចចិត្តភ្លាមៗក្នុងការបញ្ជូនជំនួយជាអាវុធជាច្រើនទៅឲ្យអ៊ុយក្រែន។
នៅក្នុងចំណោមនៃជំនួយទាំងអស់ រដ្ឋាភិបាលលោក Biden ជាអ្នកផ្គត់ផ្គង់អាវុធច្រើនជាងគេបំផុត និងដំបូងគេប្រមាណទៅដល់៣៥០លានដុល្លារ ហើយទិន្នន័យត្រឹមតែមួយសប្តាហ៍ដំបូងប៉ុណ្ណោះ Business Insider បានរកឃើញថាអាវុធសរុបតម្លៃជាង១ពាន់លានដុល្លារត្រូវបានចាក់បញ្ចូលទៅឲ្យអ៊ុយក្រែនពីសំណាក់ប្រទេសជាច្រើនបន្ថែមទៀត។
មកដល់ពេលនេះបណ្តាប្រទេសសរុបចំនួន២៨មកហើយដែលបានសន្យាផ្តល់អាវុធទៅឲ្យអ៊ុយក្រែន ហើយភាគច្រើនសុទ្ធតែជាសមាជិករបស់អង្គការណាតូដែលដឹកនាំដោយអាមេរិករួមជាមួយនឹងអាមេរិក និងអង់គ្លេសផង។ នេះមិនទាន់រាប់បញ្ចូលជាមួយនឹងប្រទេសដែលបានផ្កត់ផ្គង់ជំនួយផ្សេងក្រៅពីអាវុធដូចជាប្រេង និងសាំង ហ្គាស ជាដើម ដែលមានទាំងអៀរឡង់ និងជប៉ុនផងដែរ។
ជាមួយគ្នានេះ សម្រាប់ជំនួយជាសព្វាវុធដែលលោកខាងលិចបានសន្យាផ្តល់មានច្រើនប្រភេទស្ទើររាប់មិនអស់បូករួមទាំងប្រភេទអាវុធប្រឆាំងយន្តហោះអាវុធប្រឆាំងរថក្រោះ ដូចជា MANPAD systems, NLAWs, Harpoon anti-ship missiles, Stinger missiles, Javelin anti-tank missiles, MILAN anti-tank guided missiles ប្រភេទរថយន្តយោធា ដូចជា Mastiff armoured vehicles,M113 និង រថក្រោះ T-72
ប្រភេទយន្តហោះដ្រូន Bayraktar TB2 combat drones របស់តួកគី Phoenix Ghost Tactical របស់អាមេរិក និង Puma Unmanned aerial systems ជាដើម។ ក្រៅពីនោះនៅមានឧទ្ធម្ភាគចក្រចម្រុះប្រទេសរបស់អាមេរិក ប្រទេសឆេក ដូចជា Mi-24 ព្រមទាំងអាវុធធុនតូច កាំភ្លើង automatic rifles, machine guns, assault rifles, sniper rifles, submachine guns និង pistols។
សម្រាប់តែអាមេរិកប៉ុណ្ណោះ បើយោងតាមការគណនារបស់កាសែត Aljazeera អាមេរិកបានសន្យាផ្តល់ជំនួយដល់អ៊ុយក្រែនរហូតទៅដល់៥៤ពាន់លានដុល្លារដែលក្នុងនោះមានជំនួយជាអាវុធប្រមាណ ២០ពាន់លានដុល្លារ ដែលវាគឺជាការសម្រេចចិត្ត និងអនុម័តដោយសភាជាតិអាមេរិកតាំងតែពីខែឧសភាមកម្ល៉េះ។
ទោះបីជាយ៉ាងណាក្តី កាសែត Times of Israel ដែលបានចេញផ្សាយកាលពីថ្ងៃពុធទី១៥ ខែមិថុនា ម្សិលមិញនេះ បែរជាបានអះអាងថា មកទល់នឹងពេលនេះមានរយៈពេលជាច្រើនខែមកហើយនៃការសន្យារបស់លោកខាងលិច ប៉ុន្តែរដ្ឋាភិបាលទីក្រុងគៀវ នៃប្រទេសអ៊ុយក្រែន ទើបតែទទួលបានជំនួយជាសព្វាវុធពីលោកខាងលិចត្រឹមតែ១០ភាគរយប៉ុណ្ណោះនៃអ្វីដែលអ៊ុយក្រែនធ្លាប់បានស្នើសុំនាពេលកន្លងមក។
អនុរដ្ឋមន្ត្រីការពារជាតិអ៊ុយក្រែន លោកស្រី Anna Malyar បានប្រកាសដោយផ្ទាល់កាលពីដើមសប្តាហ៍ថា ៖
“ប្រៀបធៀបទៅនឹងអ្វីដែលយើងត្រូវការ និងបានស្នើសុំនោះគឺបច្ចុប្បន្នយើងទទួលបានត្រឹមតែ១០ភាគរយប៉ុណ្ណោះ។ លោកខាងលិចគួរតែពិចារណាក្នុងការពន្លឿនដំណើរការបញ្ជូនជំនួយសព្វាវុធទាំងនោះឲ្យបានលឿនជាងនេះ ពីព្រោះថាបើគ្មានអាវុធទេ អ៊ុយក្រែន មិនអាចយកឈ្នះយោធារុស្ស៊ីបានឡើយ”
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល