ផែនការហិរញ្ញវត្ថុ គឺជាឧបករណ៍ដ៏សំខាន់សម្រាប់ក្រុមគ្រួសារនីមួយៗ

ភ្នំពេញ ៖ គ្រួសារនីមួយៗតែងតែងមានក្តីស្រមៃចង់មានរំហូរសាច់ប្រាក់គ្រប់គ្រាន់ក្នុងដៃសម្រាប់ចំណាយលើការរស់នៅប្រចាំថ្ងៃ ប្រចាំខែ និងប្រចាំឆ្នាំជាដើម ប៉ុន្តែវាមិនមែនជារឿងងាយស្រួលនោះទេ លុះត្រាតែមានការផែនការហិរញ្ញវត្ថុឱ្យបានត្រឹមត្រូវទើបឈានដល់ការសម្រេចក្ដីស្រមៃនេះបាន។ ជាធម្មតា គេតែងតែមានសំនួរលើកឡើងថា តើផែនការហិរញ្ញវត្ថុជាអ្វី? និយាយឱ្យសាមញ្ញទៅ ផែនការហិរញ្ញវត្ថុគឺសំដៅលើការរៀបចំថវិកា និងផែនការរៀបចំលុយកាក់សម្រាប់បច្ចុប្បន្នភាព និងពេលអនាគត។

លោក ញឹម បូរី ប្រធាននាយកដ្ឋានអាជីវកម្មសាខា និងចែកចាយនៃធនាគារ RHB បានឱ្យដឹងថា ការរៀបចំផែនការហិរញ្ញវត្ថុពិតជាមានសារៈសំខាន់ណាស់សម្រាប់ក្រុមគ្រួសារនីមួយៗ ពិសេសគឺកំណត់ពីគោលដៅរបស់គ្រួសារនីមួយៗក្នុងរយៈពេលខ្លី រយៈពេលមធ្យម និងរយៈពេលវែង ទៅតាមគោលបំណងរបស់ពួកគាត់។

លោកបានថ្លែងបន្តថា ការរៀបចំផែនការហិរញ្ញវត្ថុអាចឱ្យគ្រួសារនីមួយៗយល់ និងដឹងកាន់តែច្បាស់ប្រភពចំណូល និងចំណាយរបស់ពួកគាត់ ហើយអាចរៀបចំផែនការ គោលដៅ និងទស្សនៈវិស័យដែលពួកគាត់ចង់បាននាពេលអនាគតសម្រាប់ក្រុមគ្រួសាររបស់ពួកគាត់។

លោក ញឹម បូរី បានបញ្ជាក់ថា ៖ «តាមពិតផែនការហិរញ្ញវត្ថុ គឺផែនការទូទៅរបស់អង្គភាពដូចគ្នា ប៉ុន្តែយើងផ្ទេរពីផែនការហិរញ្ញវត្ថុរបស់អង្គភាព​​ ឬអាជីវកម្ម មកលក្ខណៈគ្រួសារវិញ។ ផែនការហិរញ្ញវត្ថុសម្រាប់ក្រុមគ្រួសារគឺសំដៅលើការចាត់ចែងថវិកាក្នុងក្រុមគ្រួសារនីមួយ ដើម្បីឱ្យមានប្រសិទ្ធភាពទៅតាមគោលបំណង និងគោលដៅដែលពួកគាត់ចង់បាន»។

លោកបានលើកឡើងជាឧទាហរណ៍ថា គ្រួសារមានចំណូលក្នុងកម្រិតណាមួយ តើពួកគាត់ចង់បានគោលដៅក្នុងរយៈពេលខ្លី មធ្យម និងវែង? តើគាត់ធ្វើយ៉ាងដូចម្តេចដើម្បីសម្រេចបានគោលដៅទាំងនេះ? ជារួម វាបានឆ្លុះបញ្ចាំងពីទិដ្ឋភាពពីរ ទិដ្ឋភាពទី១ គឺទាក់ទងនឹងប្រភពចំណូល និងទី២ គឺទាក់ទងនឹងប្រភពចំណាយរបស់គ្រួសារនីមួយៗ ហើយត្រូវរៀបចំយ៉ាងណា ដើម្បីឱ្យមានភាពសមតុល្យរវាងចំណូល និងចំណាយ។  

ជារួម ផែនការហិរញ្ញវត្ថុគឺជាឧបករណ៍មួយដ៏សំខាន់ ដែលជួយឱ្យក្រុមគ្រួសារនីមួយៗដឹងពីស្ថានភាពហិរញ្ញវត្ថុបច្ចុប្បន្នរបស់ពួកគេ និងកំណត់គោលដៅនាពេលអនាគត។ ផែនការហិរញ្ញវត្ថុមិនត្រឹមតែជួយក្រុមគ្រួសារនីមួយៗដឹងស្ថានហិរញ្ញវត្ថុរបស់ខ្លួន បែងចែកចំណូល ចំណាយ សន្សំនោះទេ វាថែមទាំងជួយដល់ការ គ្រប់គ្រងសកម្មភាពហិរញ្ញវត្ថុប្រចាំថ្ងៃរបស់អ្នក និងលើកកម្ពស់កម្រិតជីវភាពបច្ចុប្បន្នរបស់អ្នកទៀតផង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ