សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង បានបង្ហាញពីមោទនភាពចំពោះប្រទេសកម្ពុជា ដែលបានទទួលភាពល្បីល្បាញនៅក្នុងតំបន់ និងនៅលើពិភពលោកក្នុងនាមជាប្រទេសដែលមានសមត្ថភាពខ្ពស់អាចងើបខ្លួនចេញពីវិបត្តិកូវីដ-១៩ និងស្ដារកំណើនសេដ្ឋកិច្ចបានលឿនជាងគេលំដាប់ទី២នៅលើពិភពលោក។
នៅក្នុងតារាងវាយតម្លៃរបស់បណ្តាញផ្សព្វផ្សាយសារព័ត៌មានជប៉ុន Nikkei របស់ជប៉ុនកាលពីថ្ងៃអាទិត្យ ទី១០ ខែមេសា ឆ្នាំ២០២២ម្សិលមិញនេះបានឱ្យដឹងថា កម្ពុជាបានឈរនៅលេខរៀងទី២ មាន ៨០.៥ពិន្ទុ ដែលមានសមត្ថភាពក្នុងការស្ដារខ្លួនងើបចេញពីវិបត្តិកូវីដ-១៩ លឿនជាងគេនៅលើពិភពលោក ខណៈប្រទេសដែលឈរនៅលេខរៀងទី១ គឺប្រទេសអេមីរ៉ាតអារ៉ាប់រួម ដោយទទួលបាន ៨៥.៥ពិន្ទុ។
ភាពល្បីល្បាញរបស់កម្ពុជា ដែលជាប់ចំណាត់ថ្នាក់លេខ២ នៅលើពិភពលោកនេះ ដោយសារតែវិធានរាជរដ្ឋាភិបាលកម្ពុជា ដែលសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានដាក់ចេញវិធានការចម្បងក្នុងការចាក់ស្រោចវ៉ាក់សាំងនៅទូទាំងប្រទេស ជាមួយនឹងការខិតខំស្វែងរកវ៉ាក់សាំងមកចាក់ជូនប្រជាជននៅទូទាំងប្រទេសទាន់ពេលវេលា និងបង្ហាញឱ្យឃើញពីភាពត្រឹមត្រូវទទួលបានការវាយតម្លៃខ្ពស់ពីស្ថាប័នអន្តរជាតិផ្សេងៗ។
ក្រៅតែពីវិធានការចាក់ស្រោចវ៉ាក់សាំងជូនប្រជាជនបានលឿន ក៏មានវិធានការចាក់ថវិកាចូលសេដ្ឋកិច្ច តាមរយៈក្រសួងសេដ្ឋកិច្ច និងហិរញ្ញវត្ថុ បានជួយដល់ពលរដ្ឋក្រីក្រ ជួយដល់សហគ្រាស កម្មករ ដែលរងផលប៉ះពាល់ដោយសារកូវីដ-១៩ ដែលវិធីសាស្ត្រទាំងអស់នេះសុទ្ធសឹងជាចំណាក់ការដែលឆ្លើយតបទាន់ពេលវេលាក្នុងការស្តារសេដ្ឋកិច្ចឡើងវិញ។
ព្រមគ្នាជាមួយនេះដែរ ដោយសារតែបញ្ហាកូវីដត្រូវបានទប់ស្កាត់យ៉ាងមានប្រសិទ្ធភាពខ្ពស់ បានក្លាយជាកម្លាំងចលករដែលជំរុញឲ្យការវិនិយោគ កិច្ចអភិវឌ្ឍន៍ ជាពិសេសផ្នែកបដិសណ្ឋារកិច្ចក្នុងវិស័យទេសចរណ៍ដែលធ្លាប់ជាប់គាំងអស់រយៈពេលជិត២ឆ្នាំនោះ បានវិលត្រឡប់មករកភាពល្អប្រសើរជាបណ្តើរៗវិញក្រោមសកម្មភាពរបស់អ្នកក្នុងស្រុក និងបរទេសផងដែរ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបង្ហាញនូវអំណរសាទរជាមួយចំណាក់ថ្នាក់លេខ២ ដែលកម្ពុជាទទួលបាន ក្នុងនាមជាប្រទេសដែលអាចងើបចេញពីវិបត្តិកូវីដ-១៩ ជាមួយការស្ដារសេដ្ឋកិច្ចជាតិបានលឿនជាងគេនៅលើពិភពលោក។
លោកឧកញ៉ាបានមានប្រសាសន៍ថា ៖
“ដោយសារតែភាពឈ្លាសវៃរបស់ប្រមុខរាជរដ្ឋាភិបាល ដែលបានដាក់ចេញនូវវិធានការចាក់វ៉ាក់សាំងលឿនរហ័សនៅទូទាំងប្រទេសប្រកបដោយជោគជ័យ ហើយភាពជោគជ័យនៃការចាក់វ៉ាក់សាំងនោះហើយ ទើបធានាបាននូវសុខុមាលភាពជូនប្រជាពលជន និងឈានដល់ការបើកសេដ្ឋកិច្ចជាតិពេញលេញឡើងវិញ”
លោកឧកញ៉ាបានបញ្ជាក់ថា ពិភពលោកកាន់តែស្គាល់ពីកម្ពុជា ដែលអាចគ្រប់គ្រងកូវីដបានល្អ និងបើកដំណើរការសេដ្ឋកិច្ចឡើងវិញ រួមទាំងអនុញ្ញាតចំពោះអ្នកចាក់វ៉ាក់សាំងពេញលេញដែលធ្វើដំណើរចូលមកកម្ពុជា មិនត្រូវធ្វើតេស្ត និងធ្វើចត្តាឡីស័កទៀតឡើយ ដែលនេះជាកត្តាទាក់ទាញអ្នកវិនិយោគ និងអ្នកទេសចរកាន់តែច្រើនឱ្យចូលមកកម្ពុជា ។
សូមបញ្ជាក់ថា កាលពីពេលថ្មីៗកន្លងទៅនេះ ធនាគារអភិវឌ្ឍន៍អាស៊ី (ADB) បានព្យាករណ៍ថា សេដ្ឋកិច្ចកម្ពុជានឹងកើនឡើង ៥.៣ភាគរយនៅឆ្នាំ២០២២ និង៦.៥ភាគរយ នៅឆ្នាំ២០២៣ ខណៈដែលធនាគារពិភពលោក (World Bank) បានវាយតម្លៃខ្ពស់ពីការងើបឡើងវិញនៃសេដ្ឋកិច្ចកម្ពុជា ដោយការព្យាករណ៍ថា សេដ្ឋកិច្ចកម្ពុជានឹងកើនឡើងវិញ ៤.៥ភាគរយនៅឆ្នាំ២០២២ ហើយនៅឆ្នាំ២០២៣ កើនដល់ ៥.៨ភាគរយ និងនៅឆ្នាំ២០២៤កើនឡើង ៦.៦ភាគរយ ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អបអរសាទរសង្រ្កាន្តអម្រឹត ឆ្នាំ២០២៦ ថ្ងៃទី១១ ខែមេសា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content