សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ ក្រុមហ៊ុនរកស៊ីក្នុងឧស្សាហកម្មធ្វើដំណើរតាមអាកាសដ៏ធំបំផុតមួយរបស់អឺរ៉ុប Airbus បានសម្រេចចិត្តដ៏គួរឲ្យភ្ញាក់ផ្អើលក្នុងការដកខ្លួនចេញពីប្រព័ន្ធឌីជីថលសំខាន់ៗទាំងអស់នៃសេវាកម្មគ្រប់គ្រងទិន្នន័យរបស់ក្រុមហ៊ុនអាម៉េរិក Google ហើយ។
យោងតាមការចេញផ្សាយរបស់កាសែតរុស្ស៊ី RT កាលពីចុងសប្តាហ៍កន្លងទៅនេះបានសរសេរថា នាយកប្រតិបត្តិក្រុមហ៊ុន Airbus បានលើកឡើងថា ការសម្រេចចិត្តដ៏សំខាន់មួយនេះ ដោយសារតែមានក្ដីព្រួយបារម្ភអំពីសុវត្ថិភាព និងឯកជនភាពនៃទិន្នន័យដែលភ្ជាប់ទៅនឹងយុត្ថាធិការ(ឯកសារពាក់ព័ន្ធនឹងផ្លូវតុលាការ) របស់សហរដ្ឋអាម៉េរិកទៅលើព័ត៌មានអំពីការធ្វើដំណើរតាមជើងហោះហើរ ដែលជាឧស្សាហកម្មមួយដ៏រសើបបំផុត។
ក្រោយការសម្រេចចិត្តរបស់ក្រុមហ៊ុនលំដាប់យក្សមួយនេះត្រូវបានគេមើលឃើញថា កើតឡើងនៅពេលចំពេលដែលក្រុមហ៊ុន Google ប្រឈមមុខនឹងបណ្តឹងចំណាត់ការជាបន្តបន្ទាប់នៅសហរដ្ឋអាម៉េរិក ជុំវិញការចោទប្រកាន់ថាបានរំលោភបមបានសិទ្ធិឯកជនភាព ដែលភ្ជាប់ទៅនឹងមុខងារ AI assistance របស់ខ្លួនគឺ Gemini ។
ពាក្យបណ្តឹងនេះរួមទាំងការចោទប្រកាន់ថា មុខងារឆ្លាតវ៉ៃនេះត្រូវបានដំណើរការដោយស្ងៀមស្ងាត់ទៅលើសេវាកម្មជាច្រើនមុខផ្សេងទៀតរបស់ Google ដូចជា Gmail, Chat និង Meet។ Google អាចចូលទៅពិនិត្យមើលអ៊ីមែល ឯកសារភ្ជាប់ និងការហៅជាវីដេអូដោយគ្មានការយល់ព្រមពីអ្នកប្រើប្រាស់។ យ៉ាងណាក្តី ក្រុមហ៊ុន Google ក៏បានចេញមកបដិសេធចំពោះការចោទប្រកាន់មួយនេះរួចរាល់ហើយដែរ។
នៅក្នុងផែនការបន្ទាប់ សម្រាប់ក្រុមហ៊ុន Airbus នឹងចាប់ផ្តើមរៀបចំដេញថ្លៃកិច្ចសន្យាដ៏សំខាន់មួយដើម្បីផ្ទេរបន្ទុកការងារសំខាន់ៗពាក់ព័ន្ធទៅនឹងការគ្រប់គ្រងទិន្នន័យទៅឲ្យក្រុមហ៊ុនដែលមានមូលដ្ឋាននៅអឺរ៉ុបជំនួសវិញ។ ការផ្លាស់ប្តូរនេះអាចនឹងគ្របដណ្តប់ទៅលើប្រព័ន្ធស្នូលមួយចំនួនធំ រួមទាំងការផលិត ការគ្រប់គ្រងអាជីវកម្ម និងទិន្នន័យរចនាយន្តហោះផងដែរ ខណៈដែលការដេញថ្លៃ និងផ្តល់ទំនុកចិត្តទៅលើក្រុមហ៊ុនរក្សាទិន្នន័យថ្មីអាចធ្វើឡើងនៅដើមខែមករា ឆ្នាំ២០២៦ខាងនេះ។
គួរឲ្យដឹងដែរថា ក្រុមហ៊ុន Airbus គឺជាអ្នកនាំមុខគេនៅលើទីផ្សារទិញ-លក់យន្តហោះក្នុងពិភពលោក ប៉ុន្តែនៅក្នុងរយៈពេលប៉ុន្មានឆ្នាំចុងក្រោយនេះបានជួបជាមួយគូរប្រជែងគួរឱ្យព្រួយបារម្ភមួយដែលជាក្រុមហ៊ុនរបស់អាម៉េរិក គឺ Boeing ដែលទំនងជាអាចវ៉ាដាច់លើប្រតិបត្តិការលក់យន្តហោះនៅក្នុងឆ្នាំ២០២៥នេះផង៕
Account
Security
Favourite Content