សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការដាំដំណាំ ចៀសមិនផុតនោះទេពីការយាយីរបស់សត្វល្អិត ដោយក្នុងនោះមានទាំងសត្វល្អិតបំផ្លាញ និងសត្វល្អិតមានប្រយោជន៍ តួយ៉ាងដូចជាដំណាំសណ្ដែកសៀង មានសត្វល្អិតមួយចំនួនដែលមានប្រយោជន៍ចំពោះការលូតលាស់ ដែលកសិករគួរយល់ដឹង និងទាញយកជាប្រយោជន៍ក្នុងការដាំដុះ។
ចំពោះសណ្ដែកសៀង មានបរិមាណសត្វល្អិត ទាំងមានប្រយោជន៍ និងចង្រៃ ហេតុនេះកសិករត្រូវសម្រេចចិត្តឱ្យបានត្រឹមត្រូវក្នុងការកម្ចាត់។ មុននឹងកម្ចាត់ អ្នកដាំសណ្ដែកសៀងក៏ត្រូវវៃឆ្លាតក្នុងការពិនិត្យ និងបែងចែកប្រភេទសត្វល្អិតថាមួយណាមានប្រយោជន៍ ឬមួយណាត្រូវតែបំផ្លាញ ដោយគេអាចធ្វើបានតាមរយៈការពិនិត្យដោយភ្នែកផ្ទាល់។
ចំពោះសត្វល្អិតមានប្រយោជន៍សម្រាប់សណ្ដែកសៀង អាចមានប្រមាណ ៥ប្រភេទរួមមាន អណ្ដើកមាស រុយសំកាំង ស្រឹងខែល ឱម៉ាល់ព្រេដាទ័រ និងកណ្ដូបបុកស្រូវ។ សម្រាប់អណ្ដើកមាស ដែលជាអ្នកកម្ចាត់ដ៏សំខាន់ទៅលើពពួកចៃ ព្រមទាំងពងសត្វល្អិត និងកូនដង្កូវជាច្រើន រីឯប្រភេទ រុយ សំកាំង មានរូបរាងស្រដៀងឃ្មុំ និងឱម៉ាល់ វាហើរសំកាំង និងអាចជួយដំណាំតាមរយៈការស៊ីពួកចៃនៅលើដំណាំសណ្ដែកសៀង។
ស្រឹងខែល ជាសត្វមានប្រយោជន៍ដែលអាចប្រើម្ជុលប៊ឺតពពួកដង្កូវ ឯពពួកឱម៉ាល់ព្រេដាទ័រ ជាទូទៅវាធ្វើសំបុកដោយដីភក់ដាក់លើពួកដង្កូវ ដែលមិនអាចដង្កូវមានចលនាបាន បន្ទាប់មកវាពងដាក់ក្នុងសំបុកនេះដើម្បីបន្តពូជ ហើយចុងក្រោយគឺប្រភេទកណ្ដូបបុកស្រូវ ដែលវាចាប់សត្វដទៃទៀតជាអាហារ ពេលខ្លះវាក៏កាត់ស្លឹកដំណាំដែរ ប៉ុន្តែមិនអាចបំផ្លាញដំណាំឱ្យខូចទិន្នផលនោះទេ។
ក្រៅពីនេះ សត្វល្អិតចង្រៃដែលកសិករអាចបំផ្លាញបានមានដូចជា ដង្កូវស៊ីរូងផ្លែ ដង្កូវទ័ព សត្វស្លាបរឹង ចង្រឹត ស្រឹងបៃតង ស្រឹងពណ៌ត្នោត និងស្រឹងសណ្ដែកបន្លា៕
Account
Security
Favourite Content