សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិនិយោគិន, ធុរជន និងពាណិជ្ជករជនជាតិចិន នៅតែសម្លឹងពីឱកាសក្នុងការធ្វើពាណិជ្ជកម្ម និងការបណ្ដាក់ទុនវិនិយោគក្នុងប្រទេសកម្ពុជា បើទោះបីជាស្ថានភាពសេដ្ឋកិច្ចសកលនៅមិនទាន់អំណោយផលយ៉ាងណាក្ដី។ ជាក់ស្ដែងក្រុមវិនិយោគិន ធុរជន និងពាណិជ្ជករចិនមួយក្រុមមកទីក្រុងតុងគួនប្រទេសចិន បានមកដល់កម្ពុជា និងស្វែងរកដៃគូក្នុងការបណ្ដាក់ទុនវិនិយោគ និងធ្វើពាណិជ្ជកម្មទៅវិញទៅមក ។
នៅក្នុងសន្និសីទផ្សព្វផ្សាយស្ដីពីពិព័រណ៍ផលិតផលពាណិជ្ជកម្មកែច្នៃប្រទេសចិននាទីក្រុងភ្នំពេញកាលពីពេលថ្មីៗនេះ លោក វូ គួឈាន អគ្គទីប្រឹក្សាការិយាល័យប្រឹក្សាសេដ្ឋកិច្ចពាណិជ្ជកម្មនៃទីក្រុងតុងគួនប្រចាំកម្ពុជាបានមានប្រសាសន៍ថា ចំណងមិត្តភាពជាប្រពៃណីរវាងសាធារណរដ្ឋប្រជាមានិតចិន និងព្រះរាជាណាចក្រកកម្ពុជា គឺជាអ្នកជិតខាងល្អ និងមិត្តភាព ដែកថែប ទំនាក់ទំនងទ្វេភាគីគឺមានភាពរស់រវើកជានិច្ច ។ ឆ្នាំនេះ ថ្នាក់ដឹកនាំនៃប្រទេសទាំងពីរ បានឯកភាពរួមគ្នាបើកទំព័រយុគសម័យថ្មីនៃការកសាងសហគមន៍ ជោគវាសនាតែមួយចិន កម្ពុជា ។
លោកបន្តថា ៖
“ប្រទេសទាំងពីរ បានរួមគ្នាបន្តអភិវឌ្ឍន៍ កិច្ចសហប្រតិបត្តិការចិនកម្ពុជាឱ្យកាន់តែស៊ីជម្រៅ និងកាន់តែរឹងមាំ រួមគ្នាប្រឈមមុខនឹងភាពប្រឈមដ៏គ្រោះថ្នាក់ ហើយសម្រេចបានលទ្ធផលជាផ្លែផ្កាដ៏ធំធេង ។ ប្រទេសចិនគឺជាប្រទេសដែលបានបោះទុនវិនិយោគដ៏ធំជាងគេនៅក្នុងប្រទេសកម្ពុជា ហើយជាប្រទេសដែលរក្សាតំណែង ជាប្រទេសដៃគូពាណិជ្ជកម្មធំជាងគេចំនួន១១ឆ្នាំជាប់គេ ។ ស្របគ្នានេះដែរ កិច្ចព្រមព្រៀងពាណិជ្ជកម្មសេរីកម្ពុជា ចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ចូលជាធរមាន ហើយអនុវត្តជាផ្លូវការនៅឆ្នាំ២០២២ ធ្វើទំហំពាណិជ្ជកម្មរវាងប្រទេសទាំងពីរ កម្ពុជាកើនឡើងខ្ពស់។”
លោកបន្ថែមថា ក្នុងនាមកម្ពុជាជាប្រទេសចូលរួមនិងអនុវត្តដំបូងគេនូវគំនិតផ្ដួចផ្ដើម ខ្សែក្រវ់ាតមួយផ្លូវមួយ តំបន់សេដ្ឋកិច្ចពិសេសក្រុងព្រះសីហនុ បានក្លាយទៅជាក្បាលរថភ្លើងនៃការអភិវឌ្ឍសេដ្ឋកិច្ចខេត្តព្រះសីហនុ ផ្លូវល្បឿនលឿនភ្នំពេញព្រះសីហនុ ពហុកីឡដ្ឋានជាតិ អាកាសយានដ្ឋានថ្មីសៀមរាប សុទ្ធតែជាគម្រោងបញ្ចប់ការសាងសង់ដោយរលូន ។ ម្យ៉ាងវិញទៀត ផ្លូវល្បឿនលឿនភ្នំពេញ បាវិត ក៏បានបើកការដ្ឋាន ដែលនឹងអាចរួមចំណែកជួយកសាងកម្លាំងសមត្ថភាពរួមរបស់ប្រទេសកម្ពុជា និងលើកកម្ពស់ឥតឈប់ឈរនូវឥទ្ធិពលកម្ពុជាលើឆាកអន្តរជាតិ ។
លោកជំទាវ ខា ឡេង រដ្ឋលេខាធិការក្រសួងពាណិជ្ជកម្មកម្ពុជាបានមានប្រសាសន៍ថា ៖
“ចំណងមិត្តភាពរវាងកម្ពុជា និងប្រទេសចិន កាន់តែមានភាពរឹងមាំពីមួយឆ្នាំទៅមួយឆ្នាំ ហើយឆ្នាំ ២០២៣នេះ ជាឆ្នាំមិត្តភាព កម្ពុជា ចិន និងជាខួបលើកទី៦៥ នៃការបង្កើតទំនាក់ទំនងការទូតជាមួយគ្នា ហើយចំណងមិត្តភាពនេះនៅតែបន្តអភិវឌ្ឍកាន់តែស៊ីជម្រៅ និងកាន់តែរឹងមាំ ជាមិត្តភាពដែកថែប មិនអាចបំបែកបាន ប្រកបដោយភាព ស្មោះត្រង់ រួមសុខទុក្ខជាមួយគ្នា នៅគ្រប់កាលៈទេសៈទាំងអស់។”
គួរបញ្ជាក់ថា សមិទ្ធផលធំៗរបស់កម្ពុជាដែលសម្រេចបានក្នុងរយៈពេលប៉ុន្មានឆ្នាំចុងក្រោយនេះគឺបានកើតចេញពីការវិនិយោគរបស់វិនិយោគិនចិន ក្នុងនោះមានផ្លូវល្បឿនលឿនភ្នំពេញ ក្រុងព្រះសីហនុ ផ្លូវល្បឿនលឿនភ្នំពេញ បាវិត ។ ចំណែកសំណង់អគារធំៗនិងខ្ពស់នៅរាជធានីភ្នំពេញ និងក្រុងព្រះសីហនុ ភាគច្រើនក៏ជាការវិនិយោគរបស់វិនិយោគិននោះដែរ ។ ក្រោយការចាកចេញរបស់ចិនពីកម្ពុជា បន្ទាប់ពីបិទល្បែងអនឡាញ និងវិបត្តិកូវីដ១៩ វិនិយោគិននិងពលរដ្ឋកម្ពុជាក៏កំពុងរង់ចាំវត្តមានរបស់ជនជាតិចិនជាពិសេសវិនិយោគិនចូលមកកម្ពុជាឡើងវិញ ដែលអាចផ្ដល់ប្រភពចំណូលដល់ពួកគេដូចកាលមុនឡើងវិញ ៕
Account
Security
Favourite Content