សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្រាប់អ្នកដែលជាបុគ្គលិកក្រុមហ៊ុនពេញម៉ោង ឬមន្ត្រីរាជការ ច្បាស់ជាមិនសូវជួបការលំបាកក្នុងការចាត់ចែងសាច់ប្រាក់សម្រាប់ចាយវាយនោះទេ ដោយហេតុថាពួកគេមានចំណូលដែលទៀតទាត់ប្រចាំខែ ឬប្រចាំសប្ដាហ៍។ ប៉ុន្តែសម្រាប់អ្នកផ្សេងទៀតដែលជាអ្នករកស៊ី ជាបុគ្គលិកដែលធ្វើការគិតជាម៉ោង ឬជាកសិករជាដើម ដែលមានចំណូលមិនទៀតទាត់ ត្រូវការការតាមដាន និងមានផែនការក្នុងការចាយវាយច្បាស់លាស់ ទើបមិនប៉ះពាល់ដល់សុខភាពហិរញ្ញវត្ថុ។
យ៉ាងណាក៏ដោយ មិនថាអ្នកមានប្រាក់ចំណូលទៀងទាត់ ឬមិនទៀងទាត់នោះទេ ចំណុចស្នូលមួយដែលពួកគេត្រូវមានគឺវិន័យនៅក្នុងការគ្រប់គ្រងសាច់ប្រាក់។ ដោយសារវិន័យនេះនឹងបង្កើតឱ្យមានទម្លាប់ ហើយទម្លាប់វាកើតចេញពីការដែលយើងធ្វើជាប្រចាំ។ នេះបើតាមការលើកឡើងរបស់ កញ្ញា កែវ ធីតា ប្រធាននាយកដ្ឋានគ្រប់គ្រងសមិទ្ធផលសង្គម នៃគ្រឹះស្ថានមីក្រូហិរញ្ញវត្ថុចម្រើន។
កញ្ញាបានបន្តឱ្យដឹងទៀតថា៖
«សម្រាប់បងប្អូនប្រជាកសិករ ខ្ញុំលើកទឹកចិត្តឱ្យគាត់មានគោលការណ៍វិន័យច្បាស់លាស់ក្នុងការចាត់ ចែងសាច់ប្រាក់របស់ខ្លួន ជាពិសេសគឺការចំណាយ ព្រោះប្រាក់ចំណូលរបស់គាត់មានតាមរដូវកាល ហើយក៏មិនប្រាកដថា រដូវកាលប្រមូលផលនីមួយៗគាត់អាចប្រមូលបានស្មើគ្នាដែរ គឺវាអាស្រ័យទៅនឹងផល ក៏ដូចជាតម្រូវការនៅលើទីផ្សារ។»
ជាការពិត ក្នុងការចាត់ចែងហិរញ្ញវត្ថុគឺមានវិធីសាស្ត្រច្រើន ដែលបុគ្គលម្នាក់ៗអាចជ្រើសរើសយក ទៅអនុវត្តអាស្រ័យតាមស្ថានភាពហិរញ្ញវត្ថុជាក់ស្ដែង។ ពីអ្នកជំនាញវិញ បានណែនាំនូវវិធីសាស្ត្រ មួយចំនួនសម្រាប់អ្នកដែលមិនមានចំណូលទៀងទាត់ ដោយលើកទឹកចិត្តឱ្យពួកគេចាប់ផ្ដើមពីការ កត់ត្រាចំណូល និងចំណាយជាប្រចាំ។
ការកត់ត្រាចំណូល-ចំណាយ អាចឱ្យបុគ្គលម្នាក់ៗដឹងអំពីចំណូលជាមធ្យមរបស់ខ្លួន និងសំខាន់បំផុត ងាយស្រួលក្នុងការរៀបចំការចំណាយ ដោយធ្វើយ៉ាងណាមិនឱ្យលើសអ្វីដែលរកមកបាន។
ម្យ៉ាងទៀត ការកត់ត្រានេះក៏អាចឱ្យពួកគេស្មានដឹងពីរយៈពេល និងចំនួនថវិកាដែលគេអាចចាយ វាយបានក្នុងមួយខែៗ។ ឧទាហរណ៍ ប្រសិនបើកសិករដាំដំណាំ ដែលជាមធ្យមអាចប្រមូលផលក្នុងរយៈពេល៦ខែម្ដង ហើយទទួលបានចំណូលប្រហាក់ប្រហែល៦លានរៀន ដូច្នេះកសិករនោះក៏ អាចប៉ានស្មានដឹងហើយថា ក្នុងមួយខែគេអាចចំណាយបានមិនឱ្យលើសពី១លានរៀននោះទេ។
ចំណុចសំខាន់មួយទៀត ដែលមិនគួរមើលរំលងដែរនោះគឺ ការរៀបចំកញ្ចប់សន្សំសម្រាប់គ្រាអាសន្ន។ បើតាមកញ្ញា កែវ ធីតា កញ្ចប់សន្សំសម្រាប់គ្រាអាសន្ន ឬ Emergency package នេះមាន សារៈសំខាន់ត្រង់ថា វាអាចជួយដោះស្រាយបញ្ហាណាមួយក្នុងករណីបន្ទាន់ ជាពិសេសករណីបាត់ បង់ការងារ ឬចំណូលថមថយជាដើម៕
Account
Security
Favourite Content