សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី KITCO បានរាយការណ៍ថា តម្លៃប្រេងបានធ្លាក់ចុះប្រហែល ២ ភាគរយ កាលពីថ្ងៃព្រហស្បតិ៍កន្លងទៅនេះ ខណៈពេលដែលការព្យាករណ៍មិនច្បាស់លាស់អំពីតម្រូវការនៅលើកិច្ចព្រមព្រៀង OPEC + ដើម្បីរក្សាការរឹតបន្តឹងការផ្គត់ផ្គង់ប្រេង។
តម្លៃប្រេងឆៅ Brent បានធ្លាក់ចុះ ១,៦ ភាគរយ ឬ ធ្លាក់តម្លៃត្រឹម ៨៤,៤៣ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) បានធ្លាក់ចុះ ១,៦ ភាគរយ ឬ ធ្លាក់តម្លៃត្រឹម ៨២,៨៣ ដុល្លារក្នុងមួយបារ៉ែល។ តម្លៃប្រេងឆៅ Brent បានធ្លាក់ចុះប្រហែល ១០ ដុល្លារក្នុងមួយបារ៉ែលបន្ទាប់ពីការឡើងដល់ជិត ១០០ ដុល្លារកាលពីចុងខែកញ្ញា។ ការធ្លាក់ចុះតម្លែប្រេងទាំងពីរនេះ គឺជាការធ្លាក់ចុះខ្លាំងបំផុតចាប់តាំងពីខែឧសភា។
កាលពីថ្ងៃពុធកន្លងទៅនេះ ប្រេងបានធ្លាក់ចុះជាង ៥ ដុល្លារដែលជាការធ្លាក់ចុះប្រចាំថ្ងៃដ៏ច្រើនបំផុតក្នុងរយៈពេលមួយឆ្នាំ។ បន្ទាប់ពីកិច្ចប្រជុំប្រទេសនាំចេញប្រេង OPEC+ និងសម្ព័ន្ធមិត្ត ពួកគេមិនមានការផ្លាស់ប្តូរចំពោះគោលនយោបាយទិន្នផលប្រេងទេ ហើយអារ៉ាប៊ីសាអូឌីតបាននិយាយថា ខ្លួននឹងរក្សាការកាត់បន្ថយដោយស្ម័គ្រចិត្តចំនួន ១ លានបារ៉ែលក្នុងមួយថ្ងៃ ខណៈពេលដែលរុស្ស៊ីនឹងរក្សាការកាត់បន្ថយនាំចេញប្រេងដោយស្ម័គ្រចិត្តចំនួន ៣ សែនបារ៉ែលរហូតដល់រហូតដល់ដំណាច់ឆ្នាំ ២០២៣ នេះ។
លោក Dennis Kissler អនុប្រធានជាន់ខ្ពស់ផ្នែកពាណិជ្ជកម្មនៅក្រុមហ៊ុន BOK Financial បាននិយាយថា វិនិយោគិនមានការព្រួយបារម្ភថាតម្រូវការសម្រាប់ការប្រើប្រាស់ប្រេងឥន្ធនៈមិនមានកម្រិតខ្ពស់ ខណៈដែលពួកគេកំពុងព្រួយបារម្ភអំពីការការឡើងអតិផរណា និងអត្រាការប្រាក់ខ្ពស់ ដែលនឹងជំរុញឲ្យមានការកាត់បន្ថយតម្រូវការប្រេងឥន្ធនៈ។ កាលពីថ្ងៃពុធកន្លងទៅនេះ ទិន្នន័យរបស់រដ្ឋាភិបាលក៏បានបង្ហាញពីការធ្លាក់ចុះយ៉ាងខ្លាំងនៃតម្រូវការប្រេងសាំងរបស់សហរដ្ឋអាមេរិកផងដែរ។ អ្នកវិនិយោគមួយចំនួនមើលឃើញថា តម្រូវការប្រេងសាំងកើនឡើងមិនលើសពី ៨,៥ លានបារ៉ែលក្នុងមួយថ្ងៃនោះទេ រហូតទាល់តែមានរដូវកាលទិញទំនិញ ឬ ថ្ងៃឈប់សម្រាក។
មិនត្រឹមតែប៉ុណ្ណោះ វិស័យសេវាកម្មរបស់សហរដ្ឋអាមេរិកបានធ្លាក់ចុះ ខណៈពេលដែលសេដ្ឋកិច្ចតំបន់ចាយប្រាក់អឺរ៉ូធ្លាក់ចុះផងដែរ។ បើទោះបីជាប្រាក់ដុល្លារអាមេរិកធ្លាក់តម្លៃក៏ពិតមែន ប៉ុន្តែវានៅតែមានឥទ្ធិពលខ្លាំងរយៈពេល ១១ ខែ ដែលធ្វើឲ្យប្រេងឆៅមានតម្លៃថ្លៃសម្រាប់អ្នកទិញបរទេស៕
Account
Security
Favourite Content