ពលរដ្ឋរីករាយក្នុងពិធីកាន់បិណ្ឌ ខណៈការប្រើប្រាស់ផលិតផលក្នុងស្រុកមានច្រើនជាងមុន

ភ្នំពេញ ៖ ចាប់តាំងពីថ្ងៃ១រោច ខែភទ្របទ(៣០ខែកញ្ញា) ប្រជាជនកម្ពុជា រួមមានកសិករ មន្ត្រីរាជការ អ្នកបម្រើការងារឯកជន អាជីវករលក់ដូរ កម្មករ និយោជិត សុទ្ធ​តែបានត្រៀមខ្លួនជាស្រេច​សម្រាប់ការប្រណិប័តន៍ទៅតាមគន្លងប្រពៃណីនៃពិធីបុណ្យភ្ជុំបិណ្ឌ ដែលជាពិធីបុណ្យមួយធំជាងគេនៅក្នុងចំណោមពិធីបុណ្យទាំងអស់ចំពោះអ្នកកាន់ព្រះពុទ្ធសាសនា។

អ្វីដែលជាការចាប់អារម្មណ៍ ការរៀបចំទេយ្យវត្ថុ និងចង្ហាន់ សម្ល ផ្លែឈើ នំចំណី សម្រាប់ប្រគេនព្រះសង្ឃនៅតាមបណ្តាវត្តអារាម ត្រូវបានធ្វើឡើងតាមពិធីសាសនា ដោយមានការកាន់បិណ្ឌតាមវេន របស់ពុទ្ធបរិស័ទ្ធចំណុះជើងវត្ត បានប្រើប្រាស់ផលិតផលក្នុងស្រុកច្រើនជាងមុន ហើយក៏ជាផលិតកម្មរបស់កសិករដែលធ្វើបានផងដែរ។

សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ  បានផ្ញើសារជូនពរបងប្អូនប្រជាពលរដ្ឋរីករាយរាយ ជួបជុំគ្រួសារ និងទទួលបានសុខសុវត្ថិភាពក្នុងការធ្វើដំណើរគ្រប់ទីកន្លែង ក្នុងឱកាសនៃពិធីកាន់បិណ្ឌ និងបុណ្យភ្ជុំបិណ្ឌខាងមុខនេះ ដែលពិធីកាន់បិណ្ឌនេះគឺប្រព្រឹត្តទៅចាប់ពីថ្ងៃ១រោច ខែភទ្របទ(៣០ខែកញ្ញា)ដល់ថ្ងៃ១៤រោច ខែភទ្របទ(១៣ខែតុលា) ឆ្នាំ២០២៣។

សម្តេចតេជោ ហ៊ុន សែន បានកត់សម្គាល់ថា ៖ « នេះជាពេលវេលាមួយដែលបងប្អូនប្រជាពលរដ្ឋពុទ្ធបរិស័ទមានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា»។

ជារៀងរាល់ឆ្នាំនៅពេលដល់ថ្ងៃខែដែលត្រូវប្រារព្ធ​ពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយនៅស្រុកកណើត ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃ ដែលគង់នៅវត្តអារាម។ ទាំងនេះ គឺជាទម្លាប់មួយដែលគេនិយមធ្វើតៗគ្នារបស់ជនជាតិខ្មែរជាយូរមកហើយ។

អាចារ្យធំវត្តនាគវ័ន្ត លោក អ៊ុំ ប៊ុនយឿន បានកត់សម្គាល់ថា ចាប់តាំងពីកាន់បិណ្ឌទី១ ពុទ្ធបរិស័ទ្ធដែលមានចង្ហាន់ ទេយ្យវត្ថុ មកចូលរួមក្នុងពិធីកាន់បិណ្ឌ​ភាគច្រើសុទ្ធតែជាផលិតផលខ្មែរដែលផលិតក្នុងស្រុក​។

លោកអាចារ្យ អ៊ុំ ប៊ុនយឿន បានមានប្រសាសន៍ថា៖ «ខ្មែរយើងធ្វើបាន ផលិតបានដែរ រួមមាន​ភេសជ្ជៈ ទឹកសុទ្ធ ​ទឹក​ក្រូច និងមានបន្លែ សាច់ ជាចង្ហាន់ប្រគេនព្រះសង្ឃ ក៏ជាផលិតផលរបស់កសិករខ្មែរដែរ»។

លោក អ៊ំ ស្រីអេង ជាអ្នករស់នៅតំបន់អូឡាំពិក តែបានមកកាន់បិណ្ឌនៅវត្តគៀនឃ្លាំងបានឱ្យដឹងថា គាត់មកកាន់បិណ្ឌនៅស្រុកកំណើត(គៀនឃ្លាំង) ព្រោះជាកន្លែងតំណដូនតា។

លោកបានបន្តឱយដឹងថា សម្រាប់ផលិតផល ក៏ដូចជាចង្ហាន់ដែលយកទៅប្រគេនព្រះសង្ឃភាគច្រើនជាផលិតផលក្នុងស្រុក រាប់ទាំងបន្លែ ត្រីសាច់ ក៏ជាទិន្នផលរបស់ប្រជាកសិករខ្មែរចិញ្ចឹមដែរ។

ដោយឡែកព្រះសង្ឃ គង់នៅកុដិលេខ២១ វត្តនាគវ័ន្ត ព្រះនាម ម៉ៅ ប៊ុនធឿន បានមានសង្ឃដីកាឱ្យដឹងថា តាមការកត់សម្គាល់ឃើញថា ទេយ្យ​វត្ថុ និងម្ហូបអាហារ ដែលញាតិញោម យកមកធ្វើជាបាយ សម្លប្រគេនព្រះសង្ឃ ភាគច្រើនសុទ្ធតែបានប្រើប្រាស់ផលិតផលក្នុងស្រុកច្រើនជាងមុន ហើយការប្រើប្រាស់ផលិតផលក្នុងស្រុកទៀតសោតក៏ជារឿងល្អដែរ ព្រោះជាការចូលរួមគាំទ្រផលិតផលខ្មែរកាន់តែច្រើន ។

ព្រះសង្ឃ ម៉ៅ ប៊ុនធឿន បានបន្តសង្ឃដីកាថា ៖ «បើយើងគាំទ្រផលិតផលរបស់យើងនៅក្នុងស្រុកកាន់តែច្រើន កាន់តែប្រសើរ ហើយអាត្មាក៏គាំទ្រចំពោះរាល់ផលិតផលខ្មែរដែលយកមកធ្វើជាទេយ្យវត្ថុសម្រាប់ប្រគេនព្រះសង្ឃ ព្រោះរាល់ការប្រើប្រាស់ ក៏ដូចជាគាំទ្រផលិតផលខ្មែរ ក៏ជាការចូលរួមជួយលើកស្ទួយសេដ្ឋកិច្ចជាតិផងដែរ»៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល