សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បើទោះបីជាស្ថិតនៅក្នុងបញ្ជីទីក្រុងដែលមានសុវត្ថិភាពខ្ពស់បំផុតរបស់ពិភពលោក (World Safest Cities) ជាច្រើនឆ្នាំជាប់គ្នាមកហើយក្តី ប៉ុន្តែថ្មីៗនេះប៉ូលីសនៅក្នុងទីក្រុងហុងកុងបានអះអាងថា អាជ្ញាធរក្រុងនឹងមានផែនការដំឡើងកាម៉េរាសុវត្ថិភាពជាច្រើនពាន់គ្រឿងទៀតដាក់នៅតាមទីសាធារណៈដែលជាតម្រូវការសម្រាប់ប្រយុទ្ធប្រឆាំងទៅនឹងបទឧក្រិដ្ឋកម្មនានានៅក្នុងក្រុង។
តាមផែនការរៀបចំប្រព័ន្ធឃ្លាំមើលដោយម៉ាស៊ីនកាម៉េរាទាំងនេះ ត្រូវបានរងនូវការរិះគន់យ៉ាងខ្លាំងពីពលរដ្ឋដែលរស់នៅក្នុងទីក្រុង ក៏ដូចជាអង្គការក្រៅរដ្ឋាភិបាលជាច្រើនដោយការលើកឡើងអំពីលទ្ធភាពដែលអាជ្ញាធរក្រុងហុងកុងនឹងអាចបំពាក់នូវមុខងារកំណត់ចំណាំផ្ទៃមុខដ៏ទំនើប និងមុខងារស្មាតវ៉ៃជាច្រើនទៀតដូចទៅនឹងអ្វីដែលរដ្ឋាភិបាលទីក្រុងប៉េកាំងកំពុងអនុវត្តនៅក្នុងទីក្រុងជាច្រើនរបស់ខ្លួនរួចមកហើយ។
សូមបញ្ជាក់ថា គិតត្រឹមឆ្នាំ២០២៣ប៉ុណ្ណោះ ប៉ូលីសក្រុងហុងកុងបានរៀបចំដាក់ពង្រាយប្រព័ន្ធកាម៉េរាសុវត្ថិភាពប្រមាណជាង២០០០រួចមកហើយ។
មេប៉ូលីសក្រុងហុងកុង លោក Chris Tang ធ្លាប់បានលើកឡើងថា កងកម្លាំងប៉ូលីសក៏មានផែនការក្នុងការដាក់បញ្ចូលមុខងារកំណត់ចំណាំផ្ទៃមុខ ( facial recognition ) នៅក្នុងកាម៉េរានីមួយៗព្រមទាំងបច្ចេកវិទ្យាស្មាតវ៉ៃ (AI) ផងដែរដើម្បីអាចឲ្យប្រតិបត្តិការចាប់ខ្លួនជនល្មើស និងឧក្រិដ្ឋជនបានកាន់តែឆាប់រហ័ស និងមានប្រសិទ្ធភាពខ្ពស់។
នៅក្នុងសេចក្តីថ្លែងការណ៍ដែលត្រូវយកមកចេញផ្សាយដោយទូរទស្សន៍ CNN បានលើកឡើងថា ទោះជាយ់ាងណាក្តី កងកម្លាំងប៉ូលីសហុងកុងពេលនេះកំពុងស្ថិតនៅក្នុងដំណាក់កាលសិក្សានៅឡើយទៅលើរបៀបដែលទីក្រុងផ្សេងទៀតលើពិភពលោកប្រើប្រាស់មុខងារទាំងនោះ ហើយមកទល់ពេលនេះនៅមិនទាន់បានដឹងទេថា ការកំណត់សម្រាប់អនុវត្តផែនការមួយនេះត្រូវធ្វើឡើងនៅពេលណាឱ្យប្រាកដនោះទេ។
ស្របពេលជាមួយគ្នានេះដែរ ឆ្លើយតបទៅនឹងការរិះគន់ជាបន្តបន្ទាប់ពីសំណាក់ពលរដ្ឋ លោក Chris Tang បានបង្ហាញពីគោលជំហររបស់អាជ្ញាធរក្រុងហុងកុងក្នុងការអនុវត្ត ហើយក៏មិនខុសទៅនឹងច្បាប់អន្តរជាតិនោះដែរ ខណៈដែលនៅតាមបណ្តាទីក្រុងជាច្រើនលើពិភពលោកបូករួមទាំងបណ្តាប្រទេសកាន់លទិ្ធប្រជាធិបតេយ្យធំៗមួយចំនួនទៀតក៏មានការរៀបចំដំឡើង និងពង្រាយកាម៉េរាសុវត្ថិភាពនៅតាមទីសាធារណៈដូចគ្នា។ ជាក់ស្ដែង សម្រាប់តែសិង្ហបុរីប៉ុណ្ណោះ កំពុងប្រតិបត្តិការលើកាម៉េរាសុវត្ថិភាពដល់ទៅ ៩០ ០០០គ្រឿង ចំណែកឯនៅចក្រភពអង់គ្លេសវិញ មានការដំឡើងកាម៉េរាសុវត្ថិភាពរហូតដល់ទៅជាង ៧លានគ្រឿងឯណោះ៕
Account
Security
Favourite Content