សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ របាយការណ៍ចុងក្រោយដែលត្រូវបានបង្ហាញដោយក្រុមហ៊ុន blockchain ដែលមានឈ្មោះ Chainalysis បានបញ្ជាក់យ៉ាងច្បាស់ថា ប្រទេសរុស្ស៊ីកាលពីឆ្នាំកន្លងទៅអាចធ្វើប្រតិបត្តិការជួញដូរលុយគ្រីបតូក្នុងទំហំដល់ទៅជាង ៣៧០ពាន់លានដុល្លារ នាំមុខអឺរ៉ុប រាប់ទាំងអង់គ្លេស និងអាល្លឺម៉ង់ផងដែរ។
របាយការណ៍ Chainalysis បានដាក់ចំណាត់ថ្នាក់រុស្ស៊ីស្ថិតនៅកំពូលតារាងក្នុងតំបន់អឺរ៉ុបទាំងមូលដែលជាទីផ្សារមានប្រតិបត្តិការលុយអេឡិចត្រូនិកក្នុងទំហំច្រើនជាងគេបំផុត។ សូមជម្រាបដែរថា ចំពោះពេលវេលានៃការប្រមូលទិន្នន័យត្រូវបានធ្វើឡើងចន្លោះពីខែកក្កដា ឆ្នាំ២០២៤ ដល់ខែមិថុនា ឆ្នាំ២០២៥។
នៅក្នុងអំឡុងពេលនេះ រុស្ស៊ី បានស្វាគមន៍ប្រតិបត្តិការលុយគ្រីបតូដល់ទៅ ៣៧៦ពាន់លានដុល្លារ ពោល គឺកើនឡើងខ្លាំងធៀបទៅនឹងឆ្នាំ២០២៣ ដែលរុស្ស៊ីធ្វើបានត្រឹមតែ ២៥៦,៥ពាន់លានដុល្លារ ខណៈដែលអង់គ្លេសធ្វើបាន ២៧៣ពាន់លានដុល្លារ។
តាមប្រភពដដែលនេះបានសរសេរទៀតថា រុស្ស៊ី ស្ថិតនៅកំពូលតារាង ខណៈដែលអង់គ្លេសឈរនៅលេខរៀងទី២ និងបន្តបន្ទាប់ដោយអាល្លឺម៉ង់ ដែលធ្វើបាន ២១៩ពាន់លានដុល្លារ, អ៊ុយក្រែនធ្វើបាន ២០៦,៣ពាន់លានដុល្លារ ហើយបារាំងធ្វើបាន ១៨០,១ពាន់លានដុល្លារ។
អ្វីដែលជាកត្តាសំខាន់ដែលក្រុមហ៊ុន Chainalysis បានរកឃើញថា គន្លឹះដែលអាចជួយជំរុញឲ្យរុស្ស៊ីក្លាយជាគោលដៅជួញដូរលុយគ្រីបតូកាន់តែច្រើនឡើងនោះគឺដោយសារតែចំនួននៃការបង្វិលលុយគ្រីបតូទាំងតូច និងធំនៅតាមបណ្តាស្ថាប័នក្នុងស្រុក ជាពិសេស ការសម្របខ្លួន និងទទួលយកបច្ចេកវិទ្យាជួញដូរថ្មីដែលកំពុងពេញនិយម DeFi (decentralized finance)កាន់តែច្រើនឡើង ។ ប្រព័ន្ធ DeFi នេះអាចបញ្ចៀសឲ្យក្រុមអ្នកជួញដូរគេចចេញពីឈ្មួញកណ្តាលបានដែលជាទូទៅគឺជាគ្រឹះស្ថានធនាគារ។
ក្នុងពេលជាមួយគ្នានេះ គេក៏បានពិនិត្យឃើញដែរថា កម្រិតនៃការធ្វើប្រតិបត្តិការដែលមានទឹកប្រាក់លើសពី១០លានដុល្លារនៅក្នុងទីផ្សារជួញដូររបស់រុស្ស៊ី បានកើនឡើងដល់ទៅ ៨៦ភាគរយធៀបទៅនឹងឆ្នាំចាស់ ពោលគឺច្រើនជាងគេទ្វេដង ខណៈដែលតំបន់អឺរ៉ុបធ្វើបានត្រឹមតែ៤៤ភាគរយប៉ុណ្ណោះ។ ដោយឡែក ប្រតិបត្តិការរាយរងតូចៗក៏មានកំណើនលើសខ្លាំងធៀបទៅនឹងកំណើនជាមធ្យមរបស់តំបន់អឺរ៉ុបផងដែរ។ ក្នុងនោះ សម្រាប់ប្រតិបត្តិការដែលជួញដូរតាមប្រព័ន្ធ DeFi វិញ បានប្រើប្រាស់កម្មវិធីទូរស័ព្ទដៃដែលរួមមានទាំងការជួញដូរការកម្ចី ការទូទាត់អត្រាការប្រាក់ គឺមានកំណើនដល់ទៅ ៣ដងធៀបទៅនឹងឆ្នាំ២០២៣។ លើសពីនេះ ទីផ្សារគ្រីបតូនៅរុស្ស៊ី ទទួលបានការគាំទ្រយ៉ាងខ្លាំងពីសំណាក់រដ្ឋាភិបាលដោយកន្លងមកប្រធានាធិបតី លោក Vladimir Putin ក៏បានអំពាវនាវឲ្យមានការពន្លឿនក្នុងការរៀបចំចងក្រងបទប្បញ្ញត្តិគ្រីបតូឲ្យកាន់តែមានប្រសិទ្ធភាព ជាពិសេសជំរុញឱ្យមាការបង្កើតក្របខ័ណ្ឌច្បាប់ និងបច្ចេកវិទ្យាសម្រាប់ការប្រើប្រាស់ក្នុងស្រុក និងឆ្លងប្រទេស៕
Account
Security
Favourite Content