សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី AA បានរាយការណ័ថា ប្រធានាធិបតីសហរដ្ឋអាម៉េរិក លោក Donald Trump បានចាត់ទុកពន្ធគយថាជា “ឱសថព្យាបាល” សម្រាប់ដោះស្រាយឱនភាពពាណិជ្ជកម្មរវាងអាម៉េរិកជាមួយបណ្តាប្រទេសជាច្រើន។
កាលពីថ្ងៃអាទិត្យកន្លងទៅនេះ នៅក្នុងយន្តហោះដែលកំពុងហោះហើរ Air Force One ពីរដ្ឋ Florida ទៅកាន់វ៉ាស៊ីនតោន Trump បានប្រាប់អ្នកយកព័ត៌មានថា លោកមិនចង់ឱ្យអ្វីៗធ្លាក់ចុះទេ ប៉ុន្តែពេលខ្លះវាប្រៀបបានទៅនឹងការលេបថ្នាំដើម្បីព្យាបាលអ្វីមួយ។ ការលើកឡើងនេះ Trump ចង់សំដៅថា គាត់មិនមានបំណងចង់ឲ្យទីផ្សារធ្លាកចុះដោយសារគោលនយោបាយពន្ធគយរបស់គាត់នោះទេ។
Trump បាននិយាយថា ៖
«អ្វីដែលកំពុងកើតឡើងជាមួយនឹងទីផ្សារ គឺខ្ញុំមិនប្រាកដនោះទេ ប៉ុន្តែខ្ញុំអាចប្រាប់អ្នកថា ប្រទេសរបស់យើងកាន់តែរឹងមាំ ហើយនៅទីបំផុតវានឹងក្លាយជាប្រទេសដែលមិនដូចប្រទេសដទៃ។ វានឹងក្លាយជាប្រទេសដែលមានឥទ្ធិពលបំផុតខាងសេដ្ឋកិច្ចនៅក្នុងពិភពលោក។ យើងទទួលបានភាពអយុត្តិធម៌ពីប្រទេសដទៃ ដោយសារតែយើងមានអ្នកដឹកនាំដ៏ល្ងង់ខ្លៅដែលអនុញ្ញាតឱ្យរឿងនេះកើតឡើង។ ពួកគេបានយកអាជីវកម្ម ប្រាក់ ការងាររបស់យើង។ ពួកគេបានផ្លាស់ប្តូរទីតាំងទៅម៉ិកស៊ិក ផ្លាស់ទៅប្រទេសកាណាដា និងផ្លាស់ទៅកាន់ប្រទេសចិន ហើយវាមិនស្ថិតស្ថេរនោះទេ»។
លោក Trump បានបន្ថែមឱ្យដឹងទៀតថា ៖
«យ៉ាងណាមិញ ខ្ញុំចង់ដោះស្រាយបញ្ហាឱនភាពដែលអាម៉េរិកមានជាមួយប្រទេសចិន សហភាពអឺរ៉ុប និងប្រទេសដទៃទៀត។ ខ្ញុំបាននិយាយជាមួយនឹងមេដឹកនាំជាច្រើនទាំងអឺរ៉ុប ទាំងអាស៊ី និងមកពីជុំវិញពិភពលោក ហើយពួកគេកំពុងប្រញាប់ប្រញាល់ចង់ធ្វើកិច្ចចរចា និងកិច្ចព្រមព្រៀងជាក់លាក់មួយ»។
ស្ថិតនៅក្នុងថ្ងៃអាទិត្យតែមួយ Trump ក៏បានបង្ហោះនៅលើវេទិកាសង្គម Truth Social របស់គាត់ថា ៖
«យើងមានឱនភាពហិរញ្ញវត្ថុដ៏ធំជាមួយប្រទេសចិន សហភាពអឺរ៉ុប និងប្រទេសជាច្រើនទៀត។ មធ្យោបាយតែមួយគត់ដែលអាចព្យាបាលបានបញ្ហានេះ គឺពន្ធគយ ដែលកំពុងនាំមកនូវប្រាក់រាប់សិបពាន់លានដុល្លារចូលសហរដ្ឋអាមេរិកក្នុងពេលឥឡូវនេះ ខណៈដែលវាបានចូលជាធរមានរួចហើយ។ អតិរេកជាមួយប្រទេសទាំងនោះបានកើនឡើងក្នុងអំឡុងពេលប្រធានាធិបតី Joe Biden ហើយយើងនឹងចាត់វិធានការឲ្យបានលឿន នោះថ្ងៃណាមួយ មនុស្សគ្រប់គ្នានឹងដឹងថា ពន្ធគយរបស់សហរដ្ឋអាមេរិកគឺជារឿងដ៏ល្អខ្លាំងណាស់!»
Account
Security
Favourite Content