សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជន្លេនជាសត្វមានប្រយោជន៍ ដែលបងប្អូនកសិករយើងហាក់ងាកមកចិញ្ចឹម និងដឹងពីគុណប្រយោជន៍មួយកម្រិតទៀត។ ក្នុងនោះ អ្នកជំនាញក៏បានណែនាំពីវិធីកែច្នៃជន្លេនបានច្រើនមុខ មានតម្លៃក្នុងវិស័យកសិកម្ម ពិសេសធ្វើជាចំណីត្រីដ៏មានប្រូតេអ៊ីនខ្ពស់។
ក្នុងការប្រើប្រាស់ជន្លេនជាចំណីសត្វ កសិករអាចធ្វើបានច្រើនរបៀប មិនលក្ខណៈស្រស់ ឬយកទៅកែច្នៃជាចំណីស្ងួតដោយផ្សំជាមួយនឹងសមាសធាតុផ្សេងៗទៀតដូចជា ម្សៅជន្លេន កន្ទក់ ម្សៅដំឡូងមី ម្សៅសណ្ដែកសៀង ចុងអង្ករ អំបិល ម្សៅត្រី និងវីតាមីនព្រីមិច។
ដើម្បីកាត់បន្ថយថ្លៃចំណីបានកាន់តែច្រើន គេយកម្សៅជន្លេនជាប្រភពប្រូតេអ៊ីជំនួសម្សៅត្រី ដែលយើងអាចផលិតចំណីគ្រាប់ដែលមានកម្រិតប្រូតេអ៊ីនខុសៗគ្នាតម្រូវទៅតាមប្រភេទត្រី។ ដោយឡែកដំណើរការផលិតជន្លេនដែលគេប្រមូលបាន ត្រូវយកទៅហាលថ្ងៃឱ្យស្ងួត ហើយកិនឱ្យហ្មត់ល្អ ចំណែកសមាសធាតុផ្សេងទៀតដូចជា សណ្ដែកសៀង ត្រូវចម្អិនដោយលីង ឬស្ងោរដើម្បីបន្ថយប្រេង ហើយកិនឱ្យហ្មត់ រួចលាយបញ្ចូលគ្នាឱ្យស្មើល្អ លើកលែងតែចុងអង្ករដែលត្រូវស្ងោរមុនឱ្យរលួយធ្វើឱ្យចំណីស្អិតល្អ។
បន្ទាប់មកត្រូវដាក់សមាសធាតុដែលនៅសល់ចូលក្នុងឆ្នាំងចម្អិន កូរឱ្យសព្វ និងបានឆ្អិនល្អ តែធ្វើយ៉ាងណាឱ្យចំណីមានសភាពទន់ល្មមមិនជ្រាយពេក ដែលពិបាកនៅពេលកិនជាចំណីគ្រាប់ និងចំណាយពេលសម្ងួតយូរ។
សម្រាប់ឧបករណ៍ក្នុងការផលិតវិញ អ្វីដែលគេត្រូវការគឺត្បាល់កិនទាញដោយម៉ាស៊ីន ឬរវៃដោយដៃក៏បាន។ ដោយឡែកពេលកិនហើយគេត្រូវហាលថ្ងៃឱ្យស្ងួតល្អ ទើបអាចរក្សាទុកបានយូរ។ ក្រោយពេលចំណីស្ងួតហើយ ត្រូវបំបែកវាឱ្យមានប្រវែងខ្លីល្មមងាយស្រួលឱ្យត្រីស៊ី។
គួរបញ្ជាក់ដែរថា គុណភាពចំណីខាងលើនេះ មានកម្រិតប្រួតេអ៊ីនពី ២៣-២៥% អាចប្រើប្រាស់សម្រាប់ការចិញ្ចឹមយកសាច់នូវប្រភេទត្រីមួយចំនួនដូចជា ត្រីព្រួល ត្រូគ្រំ ត្រីកាបស ត្រីកាបសាមញ្ញ ត្រីម្រីហ្គាល ត្រីបន្ធរ និងត្រីប្រាជាដើម៕
Account
Security
Favourite Content