សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្នុងគ្រាដែលវិបត្តិសេដ្ឋកិច្ចសកលកំពុងបន្តចាក់ជ្រៅក្នុងសកម្មភាពពាណិជ្ជកម្មនានារបស់ទីផ្សារសកលលោកនោះគេសង្កេតឃើញថា អាល្លឺម៉ង់ ដែលជាមហាអំណាចធំបំផុតមួយនៅប្លុកអឺរ៉ុបកំពុងរងទុក្ខធំជាងគេធៀបទៅនឹងបណ្តាប្រទេសផ្សេងទៀត ជាពិសេសចាប់តាំងតែពីពេលដែលជម្លោះរវាងអ៊ុយក្រែន និងរុស្ស៊ីបានផ្ទុះឡើង។
គិតមកទល់ពេលនេះ រយៈពេលជាង២ឆ្នាំហើយដែលសេដ្ឋកិច្ចអាល្លឺម៉ង់ហាក់មិនទាន់ងើបឡើងវិញនៅឡើយ ហើយកាន់តែអាក្រក់ជាងនេះទៅទៀតនោះគឺថាស្ថានភាពបច្ចុប្បន្នបណ្តាសកម្មភាពសេដ្ឋកិច្ចសំខាន់ៗដែលជាឆ្អឹងខ្នងនៃប្រទេសអាល្លឺម៉ង់កំពុងដើរឆ្ពោះទៅរកវិបត្តិកាន់តែធ្ងន់ធ្ងរ និងប្រឈមមុខទៅនឹងការប្រកាសក្ស័យធនកាន់តែច្រើនឡើងផង។
អ្នកជំនាញ និងអ្នកវិភាគមកពីក្រុមហ៊ុន និងឧស្សាហកម្មនានាក្នុងស្រុកផ្ទាល់បានផ្តល់បទសំភាសជាមួយនឹងកាសែត The Bloomberg កាលពីចុងសប្តាហ៍កន្លងទៅនេះថា បណ្តាក្រុមហ៊ុនក្នុងស្រុកធំៗទាំងបែបប្រពៃណី និងទំនើបមួយចំនួនដែលត្រូវបានចាត់ទុកថាជាសសរស្តម្ភយ៉ាងសំខាន់សម្រាប់សេដ្ឋកិច្ចអាល្លឺម៉ង់នោះកំពុងប្រឈមមុខទៅនឹងការប្រកាសអាសន្នខ្លាំងឡើង និងឈានទៅដល់ការប្រកាសក្ស័យធន។
The Bloomberg សរសេរបែបនេះថា ៖ ក្នុងស្ថានភាពនេះក្រុមហ៊ុន និងម្ចាស់អាជីវកម្មដែលគ្រប់គ្រងតាមបែបគ្រួសារ ឬប្រពៃណីប្រមាណទៅដល់៣លានក្រុមហ៊ុនបានសម្រេចចិត្តដ៏តានតឹងក្នុងការវិនិយោគបន្ថែមទៅលើបច្ចេកវិទ្យាថ្មីដែលមិនអាចព្យាករណ៍ទុកថាទៅរួច ឬមិនរួច ប៉ុន្តែស្របពេលនឹងបញ្ហា ដោយសារវិបត្តិសេដ្ឋកិច្ចដ៏ខ្លាំងក្លា និងការចំណាយលើការខ្ចីប្រាក់កើនឡើងខ្ពស់ផងវាបានកំពុងតែរុញច្រានឲ្យពួកគេរត់ចូលទៅដល់បន្ទាត់ក្រហមគ្រប់គ្នា។
ប្រធានផ្នែកវិនិយោគរួមនៃធនាគារ Commerzbank AG លោក Jens Krane បានពណ៍នាថា ៖ ក្រុមហ៊ុនខ្នាតតូច និងមធ្យមទាំងឡាយរបស់អាល្លឺម៉ង់កាន់តែច្រើនឡើងនៅក្នុងឆ្នាំនេះបានប្រកាសដាក់លក់អាជីវកម្មរបស់ពួកគេក្នុងគ្រាដែលកិច្ចការងារក្នុងការតាក់តែងច្បាប់ថ្មី និងការវិនិយោគកម្រិតធ្ងន់បានក្លាយទៅជាកត្តាចាំបាច់សម្រាប់ជួយដោះស្រាយបញ្ហារបស់ក្រុមម្ចាស់អាជីវកម្ម និងសហគ្រិនទាំងនោះ ប៉ុន្តែទាំងដែលការពិតវិបត្តិនេះបានកើតឡើងចំពោះអាល្លឺម៉ង់តាំងតែពីសម័យកាលកូវីដ និងវិបត្តិថាមពលមកម្ល៉េះ។ ទាំងនេះហើយសុទ្ធតែជាកត្តាសំខាន់ៗនាំឲ្យម្ចាស់អាជីវកម្ម និងសហគ្រាសសម្រេចចិត្តត្រូវតែលក់ក្រុមហ៊ុនរបស់ពួកគេភ្លាមៗ ខណៈដែលផ្សេងទៀតគឺកំពុងប្រឈមមុខទៅនឹងការប្រកាសក្ស័យធនជៀសមិនរួចឡើយ៕
Account
Security
Favourite Content