Fintech ត្រូវបានប្រើប្រាស់កាន់តែទូលំទូលាយនៅតាមបណ្តាគ្រឹះស្ថានធនាគារ និងហិរញ្ញវត្ថុនៅកម្ពុជា

ភ្នំពេញ ៖ ធនាគារជាតិនៃកម្ពុជាបានបញ្ជាក់ថា នាពេលបច្ចុប្បន្ន បច្ចេកវិទ្យាហិរញ្ញវត្ថុ (Fintech) ត្រូវបានប្រើប្រាស់កាន់តែទូលំទូលាយនៅតាមបណ្តាគ្រឹះស្ថានធនាគារ និងហិរញ្ញវត្ថុ ដែលមិនត្រឹមតែបានរួមចំណែកដល់ការផ្តល់សេវាហិរញ្ញវត្ថុដល់អតិថិជន ឱ្យកាន់តែមានភាពងាយស្រួល សម្បូរបែប ប្រសិទ្ធភាព និងតម្លៃសមរម្យប៉ុណ្ណោះទេ ហើយថែមទាំងបានចូលរួមចំណែកយ៉ាងសំខាន់ក្នុងដំណើរការគ្រប់គ្រងប្រតិបត្តិការហិរញ្ញវត្ថុ និងការវិភាគហានិភ័យនៅក្នុងគ្រឹះស្ថានទាំងនោះផងដែរ។

ស្របតាមការវិវត្តនេះ ការពង្រឹងក្របខ័ណ្ឌគតិយុត្តិដែលគាំទ្រដល់ការអភិវឌ្ឍនិងការប្រើប្រាស់បច្ចេកវិទ្យាហិរញ្ញវត្ថុ កាន់តែមានភាពចាំបាច់ក្នុងការផ្ដល់នូវតុល្យភាពរវាងកាលានុវត្តភាព និងហានិភ័យ។ អាស្រ័យហេតុនេះ ធនាគារជាតិនៃកម្ពុជា បានយកចិត្តទុកដាក់លើការធ្វើបច្ចុប្បន្នកម្មគោលការណ៍ណែនាំ ស្តីពី ការគ្រប់គ្រងហានិភ័យព័ត៌មានវិទ្យា ជាពិសេសទៅលើការពង្រឹងសន្តិសុខសាយប័រ និងសុវត្ថិភាពទិន្នន័យ ដើម្បីទប់ស្កាត់បញ្ហាប្រឈមនានាពាក់ព័ន្ធនឹងបច្ចេកវិទ្យាហិរញ្ញវត្ថុ ដែលអាចបង្ក ឱ្យមានភាពរអាក់រអួលក្នុងការផ្តល់សេវាហិរញ្ញវត្ថុ និងប៉ះពាល់ដល់ទំនុកចិត្តរបស់សាធារណជនមក លើប្រព័ន្ធធនាគារ។

ជាមួយគ្នានេះ ធនាគារជាតិនៃកម្ពុជា ក៏បានដាក់ចេញនូវកម្រងសំណួរសម្រាប់ការវាយតម្ល ការគ្រប់គ្រងហានិភ័យបច្ចេកវិទ្យារបស់គ្រឹះស្ថានធនាគារនិងហិរញ្ញវត្ថុ ដែលជាផ្នែកមួយនៃការតាមដាន និងការវាយតម្លៃការអនុវត្តតាមគោលការណ៍ណែនាំ ស្ដីពី ការគ្រប់គ្រងហានិភ័យព័ត៌មានវិទ្យារបស់ គ្រឹះស្ថាន។ ធនាគារជាតិនៃកម្ពុជា បានចេញលិខិតជូនដំណឹងដល់គ្រឹះស្ថានធនាគារនិងហិរញ្ញវត្ថុ ស្តីពី ការអនុវត្ត “កម្រងសំណួរសម្រាប់ការវាយតម្លៃការគ្រប់គ្រងហានិភ័យព័ត៌មានវិទ្យារបស់គ្រឹះស្ថាន ធនាគារនិងហិរញ្ញវត្ថុ” ដែលនឹងចាប់អនុវត្តនៅឆ្នាំ២០២៣ ខាងមុខ។

សូមបបញ្ជាក់ផងដែរថា ទីផ្សារសកលនាពេលបច្ចុប្បន្ន សម្រាប់ FinTech មានរហូតទៅដល់ ១៣៣,៨៤ពាន់លានដុល្លារគិតត្រឹមឆ្នាំ២០២២កន្លងទៅនេះ និងបន្តកើនឡើងទៅដល់ ៥៥៦,៥៨ពាន់លានដុល្លារនាឆ្នាំ២០៣០ ឬស្ថិតនៅក្នុងអត្រាកើនឡើងប្រចាំឆ្នាំដល់ទៅ ១៩,៥ភាគរយ ដែលមានន័យថាសកម្មភាពវិនិយោគក៏មានចំនួនច្រើនដ៏លើសលប់មួយផងដែរ។

លោក  ហោ​ ប៊ុនថែ អគ្គនាយករងធនាគារវីងបានថ្លែងថា​​ អស់រយៈពេលប៉ុន្មានឆ្នាំចុងក្រោយនេះ កម្ពុជាបានទទួលយកការប្រើប្រាស់ប្រព័ន្ធបច្ចេកវិទ្យាហិរញ្ញវត្ថុយ៉ាងសកម្មនៅក្នុងវិស័យធនាគារដោយសារតែកត្តាអំណោយផលសំខាន់ៗជាច្រើនបូករួមទាំងកត្តាសេដ្ឋកិច្ចនិងចំណេះដឹងរបស់ពលរដ្ឋដែលភាគច្រើនមានវ័យក្មេងៗ និងនិយមការប្រើប្រាស់បច្ចេកវិទ្យាថ្មីជាដើមផង។

លោកបានបន្តថា ៖

“ការបង្កើនចំណេះដឹងផ្នែក FinTech គឺជារឿងដ៏សំខាន់បំផុតមួយសម្រាប់កម្ពុជានៅពេលនេះដើម្បីអាចទទួលបានឱកាសចាប់យកការវិនិយោគកាន់តែច្រើនឡើងហើយវាគឺជាការជំរុញឱ្យដំណើរការឌីជីថល និងសម្លឹងមើលឃើញឱកាសកាន់តែច្រើនបន្ថែមទៀត”

លោកបានថ្លែងបន្តថា ៖

“ការវិនិយោគដែលអាចទទួលបានផលត្រឡប់មកវិញកាន់តែប្រសើរគឺបានមកពីសមត្ថភាពដែលអាចមើលនិន្នាការនាពេលអនាគតរបស់ Fintech ហើយវិនិយោគវាឲ្យបានត្រឹមត្រូវ ពីព្រោះថា អនាគត Fintech នឹងអាចក្លាយទៅជាអ្នកនាំមុខគេក្នុងកិច្ចការងារចូលរួមចំណែកបង្កើនសេដ្ឋកិច្ចជាតិរបស់យើង”

លោក សុខ វឿន ប្រធានសមាគមមីក្រូហិរញ្ញវត្ថុកម្ពុជាបានថ្លែងថា បច្ចេកវិទ្យាហិរញ្ញវត្ថុ (FinTech) មានការរីកចម្រើនគួរឱ្យកត់សម្គាល់ក្នុងប៉ុន្មានឆ្នាំចុងក្រោយនេះ ជាពិសេសនៅក្នុងការទូទាត់ និងការផ្ទេរប្រាក់តាមឌីជីថល។ ជាមួយនឹងការផ្លាស់ប្តូរដ៏អស្ចារ្យនេះ ប្រទេសកម្ពុជាបាន និងកំពុងតាមទាន់ការខិតខំប្រឹងប្រែងផ្នែកឌីជីថល និងបច្ចេកវិទ្យាហិរញ្ញវត្ថុរបស់ខ្លួន។ វិបត្តិជំងឺកូវីដ១៩ ត្បិតវាបានបង្កផលប៉ះពាល់ដល់សេដ្ឋកិច្ចពិភពលោក តែវាបានជំរុញ និងពន្លឿននិន្នាការក្នុងការប្រើប្រាស់ប្រព័ន្ធឌីជីថលនេះ ហើយប្រព័ន្ធសេដ្ឋកិច្ចជាច្រើនបានផ្លាស់ប្តូរទៅរកប្រតិបត្តិការដោយគ្មានសាច់ប្រាក់។

លោកបានថ្លែងថា ៖

“ដូចដែលគេអាចឃើញនាពេលបច្ចុប្បន្ននេះ ការទទួលយក fintech ដូចជាកម្មវិធីដឹកជញ្ជូនអាហារ/ទំនិញ ក៏ដូចជាការទទួលយកជាទូទៅនៃការទូទាត់តាមអេឡិចត្រូនិក និងតាមឌីជីថលនៅក្នុងប្រទេស ត្រូវបានដាក់ឱ្យដំណើរការជាបន្តបន្ទាប់ ដើម្បីកែលម្អសេវាកម្មរបស់ពួកគេ ក៏ដូចជាលើកកម្ពស់គុណភាពជីវិតរបស់ប្រជាជនកម្ពុជា”

លោក សុខ វឿន បានបន្តទៀតថា ៖

“ជាងនេះទៅទៀត ការប្រើប្រាស់ FinTech មិនត្រឹមតែផ្តល់អត្ថប្រយោជន៍ដល់ស្ថាប័នហិរញ្ញវត្ថុក្នុងការផ្តល់នូវភាពងាយស្រួលក្នុងការបម្រើអតិថិជនរបស់ពួកគេ និងធ្វើឱ្យប្រសើរឡើងនូវអន្តរប្រតិបត្តិការប៉ុណ្ណោះទេ ប៉ុន្តែវាក៏ដើរតួយ៉ាងសំខាន់ក្នុងបរិយាបន្នហិរញ្ញវត្ថុ ដោយប្រើប្រាស់ប្រព័ន្ធអេកូឡូស៊ីហិរញ្ញវត្ថុដែលមានស្រាប់ និងបច្ចេកវិទ្យាដែលកំពុងរីកចម្រើន ដើម្បីធ្វើឱ្យធនាគារកាន់តែងាយស្រួល និងអាចចូលប្រើប្រាស់បានកាន់តែច្រើន និងចំណាយមានប្រសិទ្ធភាព៕”


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ