សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា សហរដ្ឋអាម៉េរិកអាចឈានដល់កិច្ចព្រមព្រៀងពាណិជ្ជកម្មជាមួយប្រទេសឥណ្ឌា ដែលនឹងជួយកាត់បន្ថយអត្រាពន្ធគយមួយចំនួន ជាពិសេសជំរុញឱ្យមានការប្រកួតប្រជែងរបស់ក្រុមហ៊ុនអាម៉េរិកនៅក្នុងប្រទេសឥណ្ឌា។
កាលពីថ្ងៃអង្គារកន្លងទៅនេះ ប្រធានាធិបតីអាម៉េរិក លោក Donald Trump បានបង្ហាញសញ្ញាថា អាចនឹងបន្ទាបពន្ធសម្រាប់ប្រទេសឥណ្ឌា ហើយចង់ដំឡើងពន្ធលើប្រទេសជប៉ុន។ Trump បង្ហាញពីភាពជឿជាក់ថា ឥណ្ឌាបានត្រៀមខ្លួនរួចជាស្រេចលើកិច្ចព្រមព្រៀងជាមួយខ្លួន ដែលអាចកាត់បន្ថយអត្រាពន្ធ ២៦% ដែលគាត់បានដាក់កាលពីថ្ងៃទី ២ ខែមេសា។ លើសពីនេះ លោក Scott Bessent រដ្ឋមន្ត្រីក្រសួងរតនាគាបានលើកឡើងថា សហរដ្ឋអាម៉េរិក និងឥណ្ឌា ជិតឈានដល់មានកិច្ចព្រមព្រៀង ដែលនឹងកាត់បន្ថយពន្ធលើការនាំចូលរបស់អាម៉េរិកទៅកាន់ឥណ្ឌា ហើយជួយឥណ្ឌាគេចពីការដំឡើងពន្ធពីអាម៉េរិកដូចគ្នា។
ទន្ទឹមនឹងនេះ មន្ត្រីឥណ្ឌា បានបន្តដំណើរបំពេញទស្សនកិច្ចទៅកាន់ទីក្រុងវ៉ាស៊ីនតោនកាលពីសប្តាហ៍មុន ដើម្បីព្យាយាមឈានដល់កិច្ចព្រមព្រៀងពាណិជ្ជកម្មជាមួយរដ្ឋបាលរបស់ប្រធានាធិបតី Donald Trump និងដោះស្រាយកង្វល់ដែលកំពុងកើតមានរវាងភាគីទាំងពីរ។ មិនត្រឹមតែប៉ុណ្ណោះ មន្ត្រីសេតវិមានម្នាក់បានលើកឡើងថា រដ្ឋបាល Trump គ្រោងនឹងផ្តល់អាទិភាពដល់ការធានាកិច្ចព្រមព្រៀងពាណិជ្ជកម្មជាមួយបណ្តាប្រទេសផ្សេងៗទៀតផងដែរមុនឈានទៅដល់ថ្ងៃផុតកំណត់ទី ៩ ខែកក្កដា សប្ដាហ៍ក្រោយនេះ។ ឥណ្ឌា គឺជាប្រទេសមួយក្នុងចំណោមប្រទេសជាច្រើនដែលធ្វើការចរចាយ៉ាងសកម្មជាមួយរដ្ឋបាល Trump ដើម្បីព្យាយាមជៀសវាងការដំឡើងពន្ធរបស់អាម៉េរិក ខណៈដែលឥណ្ឌាអាចប្រឈមនឹងពន្ធថ្មី ២៧% ដែលកើនឡើងពីអត្រាបច្ចុប្បន្ន ១០% ។
យ៉ាងណាមិញ កិច្ចពិភាក្សារវាងសហរដ្ឋអាម៉េរិក និងឥណ្ឌា នាពេលកន្លងមក ក៏មានការខ្វែងគំនិតគ្នាជុំវិញលើការយកពន្ធនាំចូលសម្រាប់គ្រឿងបន្លាស់រថយន្ត ដែក និងទំនិញកសិកម្ម។ រដ្ឋមន្ត្រីការបរទេសឥណ្ឌា Subrahmanyam Jaishankar បានលើកឡើងថា ឥឡូវនេះ ឥណ្ឌា កំពុងស្ថិតនៅចំណុចកណ្តាលនៅឡើយចំពោះការចរចាពាណិជ្ជកម្មដ៏ស្មុគស្មាញ ប៉ុន្តែទោះជាយ៉ាងណា ក្ដីសង្ឃឹមនៅតែមានអត្រាច្រើនជាង៕
Account
Security
Favourite Content