កម្ពុជាមានសហគ្រាសប្រកបអាជីវកម្មសេដ្ឋកិច្ចក្នុងប្រព័ន្ធ និងក្រៅប្រព័ន្ធជាង១លានសហគ្រាស

ភ្នំពេញ៖ បច្ចុប្បន្ននៅទូទាំងប្រទេសកម្ពុជាមានសហគ្រាសដែលប្រកបអាជីវកម្មសេដ្ឋកិច្ចក្នុងប្រព័ន្ធ និងក្រៅប្រព័ន្ធសរុបប្រមាណជាង១លានសហគ្រាស ក្នុងនោះមានមួយចំនួនធំគឺអាជីវកម្មបែបផ្សងព្រេង និង​ជួប​ផលលំបាកច្រើន។ ដូច្នេះសភាមុខរបរ និងមីក្រូសហគ្រាសកម្ពុជា នឹងជំរុញឲ្យមីក្រូសហគ្រាសតូចៗទាំងនោះចូលជាសមាជិក ដើម្បីឲ្យគាត់ទទួលបានការបណ្តុះបណ្តាលពង្រឹងសមត្ថភាព បង្កើនភាពធន់ ដឹកនាំអាជីវកម្មឲ្យមានភាពរឹងមាំ និងដំណើរការអាជីវកម្មបានជានិរន្ត ហើយនឹងឈានទៅរកការពង្រីកអាជីវកម្មបន្ថែមផងដែរ។

លោកជំទាវឧកញ៉ា កែវ មុំ ប្រធានសភាមុខរបរ និងមីក្រូសហគ្រាសកម្ពុជា បានប្រាប់ AMS Economy ដូច្នេះនៅក្នុងវេទិកាសាធារណៈស្តីពីមុខរបរ និងអាជីព ក្រោមប្រធានបទ «ដំណោះស្រាយការគ្រប់គ្រងធនធានមនុស្ស និងហិរញ្ញវត្ថុ ក្នុងស្ថានភាពសេដ្ឋកិច្ច ឆ្នាំ២០២៤ »កាលពីថ្ងៃចុងសប្ដាហ៍កន្លងទៅនៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC)។

លោកជំទាវឧកញ៉ា  បានមានប្រសាសន៍បន្តថា ៖ នៅក្នុងវេទិកាសាធារណៈនេះ គឺមានវាគ្មិនអ្នកជំនាញអាជីវកម្មចំនួន៣រូបធ្វើបទបង្ហាញជូនបណ្តាម្ចាស់អាជីវកម្ម អ្នកគ្រប់គ្រងក្រុមហ៊ុនសហគ្រាសប្រមាណជាង​៤៥០នាក់ ក្នុងគោលបំណងទី១ បញ្ជ្រាបការយល់ដឹងអំពីបញ្ហា និងដំណោះស្រាយការងារលើផ្នែកគ្រប់គ្រងធនធានមនុស្ស និងហិរញ្ញវត្ថុក្នុងអាជីវកម្មរបស់ខ្លួន។ ទី២៖ ពង្រឹងការងារគ្រប់គ្រងធនធានមនុស្ស និងជំនាញហិរញ្ញវត្ថុ ឱ្យមានស្តង់ដារ និងគណនេយ្យភាព ហើយទី៣៖ គឺចង់ចែករំលែកចំណេះដឹងដែលជាគន្លឹះ និងបទពិសោធន៍ល្អៗក្នុងការគ្រប់គ្រងធនធានមនុស្ស និងហិរញ្ញវត្ថុ ដើម្បីត្រៀមខ្លួនឈានជើងចូលក្នុងអាជីវកម្មដែលរឹងមាំ និងមានប្រព័ន្ធការងារច្បាស់លាស់ដល់បណ្តាម្ចាស់អាជីវកម្មដែលបានចូលរួម។

លោកជំទាវ ឧកញ៉ា កែវ មុំ ដែលជាប្រធានសមាគមសហគ្រិនស្រ្តីកម្ពុជាផងដែរនោះបានឱ្យដឹងថា៖

«តាមរយៈវេទិកានេះ នឹងផ្សារភ្ជាប់បណ្តាញទំនាក់ទំនងការងារ និងកិច្ចសហប្រតិបត្តិការក្នុងការបង្កើនចំណងសាមគ្គីភាព ការយល់ដឹង និងការចែករំលែកនៅក្នុងអាជីវកម្មសេដ្ឋកិច្ចនាពេលបច្ចុប្បន្ននេះឱ្យកាន់តែទូលំទូលាយ និងប្រសិទ្ធភាពជូនដល់អ្នកកំពុងប្រកបរបរអាជីវកម្មមីក្រូ ខ្នាតតូច និងមធ្យម និងអ្នកប្រកបរបរក្នុងសេដ្ឋកិច្ចក្រៅប្រព័ន្ធនៅកម្ពុជាសព្វថ្ងៃ អោយគាត់ធ្វើអាជីវកម្ម មានសមត្ថភាពក្នុងការពង្រឹង និងពង្រីកអាជីវកម្មរបស់ខ្លួនប្រកបដោយចំណេះដឹង»។

ជាមួយគ្នានេះដែរ លោកជំទាវឧកញ៉ា ប្រធានសភាមុខរបរ និងមីក្រូសហគ្រាសកម្ពុជា បានអំពាវនាវដល់បងប្អូនម្ចាស់អាជីវកម្មទាំងអស់គួរតែគិតគូរក្នុងការប្រកបរបរដោយប្រើប្រាស់បច្ចេកវិទ្យាផ្គួបផ្សំផងដែរ ព្រោះចាប់ពីពេលនេះតទៅ ប្រសិនបើអាជីវកម្មណាមិនយកចិត្តទុកដាក់លើបច្ចេកវិទ្យាឌីជីថលនោះទេគឺមិនអាចដើរទាន់សម័យកាលទេដោយសារវានឹងជួបប្រទះឧបសគ្គ និងបញ្ហាជាច្រើនផងដែរ។

លោកជំទាវ ឧកញ៉ា កែវ មុំ បានបញ្ជាក់ថា ៖ ចំណេះដឹងផ្នែកបច្ចេកវិទ្យាឌីជីថលរបស់អាជីវករមួយចំនួនធំនៅមានកម្រិត ដូច្នេះ រាជរដ្ឋាភិបាល ជាពិសេសសភាមុខរបរ និងមីក្រូសហគ្រាសកម្ពុជា បាន និងកំពុងខិតខំប្រឹងប្រែងកៀរគរសមាជិកឱ្យបានច្រើនដើម្បីមកទទួលការបណ្តុះបណ្តាលឱ្យចេះពីការប្រើប្រាស់បច្ចេកវិទ្យាក្នុងការទំនាក់ទំនងការធ្វើអាជីវកម្ម និងការផ្សព្វផ្សាយផលិតផលរបស់ខ្លួន ជាពិសេសការផលិតឱ្យមានគុណភាពស្តង់ដារ និងជំរុញការលក់ និងចែកចាយផលិតផលរបស់ពួកគាត់ឱ្យកាន់តែទូលំទូលាយ។

លោក គង់ នី អគ្គលេខាធិការរងនៃសភាមុខរបរ និងមីក្រូសហគ្រាសកម្ពុជា បានមានប្រសាសន៍ឱ្យដឹងថា៖ វេទិកាសាធារណៈនេះបង្ហាញពីបទពិសោធន៍ក្នុងការងារគ្រប់គ្រងធនធានមនុស្ស និងហិញ្ញវត្ថុ ក្នុងស្ថាប័ន អង្គភាព ឬក្រុមហ៊ុនជំនាញ និងមានស្តង់ដារ ជូនដល់សមាជិក-សមាជិកា និងសាធារណៈជនឱ្យទទួលបានធាតុចូលក្នុងសកម្មភាពអាជីវកម្មរបស់ពួកគាត់ដូចជាអាជីវកម្មមីក្រូ ខ្នាតតូច និងមធ្យម ដែលកំពុងជួបបញ្ហា ជួបឧបសគ្គ ដើម្បីពួកគាត់អាចមានសមត្ថភាពក្នុងការពង្រឹង និងពង្រីកអាជីវកម្មរបស់ខ្លួនប្រកបដោយចំណេះដឹង។

គួរជម្រាបផងដែរថា ៖ នៅក្នុងវេទិកានេះ មានការចូលរួមពីវាគ្មិនកិត្តិយស អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងជាអគ្គនាយកប្រតិបត្តិនៃក្រុមហ៊ុន ម៉េងលី ជេ.គួច អេឌ្យូខេសិន ឯកឧត្តម លី ហាវ ស្ថាបនិកសាលាអាយឌាលី អន្តរជាតិ និងជាទីប្រឹក្សាក្រសួងការងារ និងបណ្តុះបណ្តាលវិជ្ជាជីវៈ,លោកជំទាវ ចាន់ ភារី នាយិកា ក្រុមហ៊ុន Kino Cambodia និងជាស្ថាបនិកក្រុមហ៊ុនគ្រឿងសម្អាងRevlon នៅកម្ពុជា។

លោកជំទាវ ចាន់ ភារី បានចែករំលែកបទពិសោធន៍និងចំណេះដឹងអំពី មូលដ្ឋានគ្រឹះនិងដំណើរការនៃការចាប់ផ្តើមធ្វើអាជីវកម្មបករបដោយប្រសិទ្ធភាពនិងយូរអង្វែង។រីឯ ឯកឧត្តម លី ហាវ បានចែករំលែកអំពីយន្តការនៃការគ្រប់គ្រងធនធានមនុស្សឱ្យមានប្រសិទ្ធ​ភាព។ចំណែកអ្នកឧកញ៉ា វេជ្ជបណ្ឌិត គួច ម៉េងលី បានលើកឡើងអំពីការគ្រប់គ្រងហិរញ្ញវត្ថុក្នុងការធ្វើអាជីវកម្មឱ្យមាននិរន្តរភាព៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ