សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ នៅលើទីផ្សារអាស៊ីនាថ្ងៃចន្ទ សប្ដាហ៍នេះ តម្លៃមាសបានឡើងថ្លៃប្រហែល ១,៨% ឬ ៤ ៤០៨ ដុល្លារក្នុងមួយអោន ខណៈដែលតម្លៃប្រាក់ក៏បានឡើងថ្លៃជិត ៣,៥% ផងដែរ ដែលការឡើងថ្លៃយ៉ាងលឿននេះកើតមានបន្ទាប់ពីអាម៉េរិកចាប់ខ្លួនប្រធានាធិបតីវេណេស៊ុយអេឡា លោក Nicolás Maduro នេះបើយោងតាមសេចក្ដីរាយការណ៍ពី BBC។ ដោយឡែក សម្រាប់តែនៅលើទីផ្សារកម្ពុជា មាសមានតម្លៃជាង ៥ ៣០០ ដុល្លារក្នុងមួយតម្លឹង និងជាង ៥៣០ ដុល្លារក្នុងមួយជី។
សូមជម្រាបថា ការឡើងថ្លៃនៃតម្លៃមាសត្រូវបានជំរុញដោយកត្តាជាច្រើនរួមមាន ការរំពឹងទុកលើការកាត់បន្ថយអត្រាការប្រាក់ ការទិញដុំមាសធំៗដោយធនាគារកណ្តាល ក្ដីព្រួយបារម្ភរបស់វិនិយោគិនអំពីភាពតានតឹងសេដ្ឋកិច្ចសកលលោក និងភាពមិនប្រាកដប្រជានៃភូមិសាស្ត្រនយោបាយ។ មិនត្រឹមតែប៉ុណ្ណោះ តម្លៃប្រេងឆៅ និងតម្លៃភាគហ៊ុនក្នុងតំបន់ភាគច្រើនក៏ឡើងថ្លៃដូចគ្នាផងដែរ។ តម្លៃទីផ្សារហ៊ុននៅអាស៊ីប៉ាស៊ីហ្វិកកំពុងមានកំណើន ដោយសន្ទស្សន៍ហ៊ុនជប៉ុន Nikkei 225 កើនឡើង ២,៦% ខណៈដែលសន្ទស្សន៍ហ៊ុនសំខាន់ៗនៅកូរ៉េខាងត្បូង និងចិនក៏កើនឡើងខ្ពស់ដូចគ្នាដែរ។
ជាការកត់សម្គាល់ ពេលនេះបណ្តាអ្នកវិនិយោគរង់ចាំមើលថា តើកិច្ចអន្តរាគមន៍របស់វ៉ាស៊ីនតោនទៅលើប្រទេសវេណេហ្ស៊ុយអេឡា នឹងប៉ះពាល់ដល់ការផ្គត់ផ្គង់ប្រេងឆៅដែរ ឬទេ? យ៉ាងណាក្ដី បន្ទាប់ពីមានការចាប់ខ្លួនលោក Maduro ត្រឹមតែប៉ុន្មានម៉ោងប៉ុណ្ណោះ ប្រធានាធិបតីអាម៉េរិក លោក Donald Trump បានប្តេជ្ញាថា នឹងចូលទៅក្នុងស្តុកប្រេងដ៏ធំរបស់វេណេហ្ស៊ុយអេឡា ហើយគ្រប់គ្រងប្រទេសនេះរហូតដល់មានការផ្លាស់ប្តូររបបប្រកបដោយសុវត្ថិភាព ត្រឹមត្រូវ និងយុត្តិធម៌។
អ្នកវិភាគទីផ្សារនៃវិស័យឧស្សាហកម្មបានលើកឡើថា ការផ្លាស់ប្តូររបបដឹកនាំនេះ ទំនងជាមិនមានផលប៉ះពាល់ភ្លាមៗលើប្រជាជន និងអាជីវកម្មដែលមានតម្រូវការថាមពលនោះទេ ប៉ុន្តែវាអាចនឹងត្រូវចំណាយប្រាក់រាប់ពាន់លានដុល្លារ ដើម្បីជួសជុលហេដ្ឋារចនាសម្ព័ន្ធប្រេងរបស់ប្រទេសមួយនេះដែលបានចុះខ្សោយយ៉ាងខ្លាំងចាប់តាំងពីដើមទសវត្សរ៍ឆ្នាំ២០០០៕
Account
Security
Favourite Content