ចំណុចសំខាន់ៗរបស់ដើមសាកេ ដែលកសិករ និងមនុស្សទូទៅគួរយល់ដឹង

ភ្នំពេញ ៖ សាកេ (Breadfruit) ឬគេហៅម្យ៉ាងទៀតថា ខ្នុរសម្លរ ជាប្រភេទរុក្ខជាតិម្យ៉ាងដែលមានដើមធំ និងផ្លែមានរូបរាងស្រដៀងគ្នានឹងផ្លែចំប៉ាដក់ និងផ្លែខ្នុរ ប៉ុន្តែទាស់ត្រង់ថា ផ្លែសាកេមានទំហំតូចជាង ហើយគេក៏មិនអាចទទួលទានឆៅដូចផ្លែឈើដទៃទៀតបាននោះទេ លុះត្រាតែគេយកទៅចម្អិន ដូចជា ច្នៃជាបង្អែម បំពង និងឆឹងជាមួយស្ករជាដើម។

តាមរយៈអត្ថបទដែលត្រូវផ្សព្វផ្សាយនាពេល យើងសូមលើកយកចំណុចសំខាន់ៗរបស់រុក្ខជាតិសាកេ ឬដើមសាកេ ដែលកសិករ ក៏ដូចជាសាធារណៈជនទូទៅគួរយល់ដឹង និងស្គាល់ឱ្យបានកាន់តែច្បាស់ ខណៈដែលមានអ្នកមួយចំនួននៅមានការភ័ណ្ឌច្រឡំនៅឡើយប្រសិនបើឃើញតែផ្លែមិននៅជាប់ដើម។

បើនិយាយពីផ្លែសាកេ បច្ចុប្បន្ននេះមានទីផ្សារគួរសម ដែលគេអាចលក់បានក្នុងតម្លៃចាប់ពីប្រមាណជាង ១ម៉ឺនរៀលឡើងទៅក្នុងមួយគីឡូក្រាម។ ត្បិតវាមានរាងរូបរាងស្រដៀងផ្លែខ្នុរក៏ពិតមែន ប៉ុន្តែសាច់របស់មានសភាពខុសគ្នាស្រឡះតែម្ដង ព្រោះសាច់សាកេហាក់ណែនតាន់ មិនមានជ្រាំងដូចផ្លែខ្នុរនោះទេ ចំណែកពេលចម្អិនរួចសាច់សាកេទន់រមួត និងមានរសជាតិផ្អែមតិចៗ។ សម្រាប់សាកេ ក្រៅពីដាំយកទិន្នផលជាផ្លែ ភាគច្រើនគេក៏អាចដាំនៅពីមុខផ្ទះ និងនៅតាមសួនផងដែរ ដើម្បីមានសោភ័ណភាព ព្រោះស្លឹករបស់វាដុះចេញពីកញ្ចុំកណ្ដាលនៃដើមមក បែកខ្ញែកតាមដំណាក់ៗ មើលទៅស្អាតប្លែកម្យ៉ាងដែរ។

ដោយឡែកទាក់ទឹងការដាំវិញ កូនសាកេ អាចរកទិញបាននៅកន្លែងលក់ពូជដំណាំក្នុងតម្លៃប្រមាណ ៧ដុល្លារក្នុងមួយដើ​ម ឬគេអាចដាំ ឬបង្កាត់តាមរយៈការផ្សាំពន្លកដើម ឬការសាកមែកក៏បាន។ តួយ៉ាង ការសាកមែក គេត្រូវរើសយកមកមែកណាដែលត្រង់ល្អ មានទំហំប៉ុនមេដៃ មកចៀរសំបកចេញធ្វើជាមុខកាត់ប្រវែងបហ្រមាណ ១ចង្អុលដៃ ទើបកោសរំអិលចេញឱ្យស្អាត​ ចៀសវាងអាចដុះសម្បកជិតវិញ។ គេអាចបន្ថែមនូវថ្នាំជំនួយឫស ឬបន្ទាលកន្ទុយក្រពើក៏បាន រួចគេយកស្កុតមករុំត្រង់ចំណុចមុខកាត់នោះឱ្យជិត។ បន្ទាប់មក គេឆូតបង្ហើបសម្បកជុំវិញមែកសាកេត្រង់ចំណុចក្បែរមុខកាត់ផ្នែកខាងចុងមែក។ បន្ទាប់ពីឆូតហើយ គេយកសំបក ឬមែកផ្សេងមកស៊កក្រោមសម្បកដែលយើងបានបង្ហើបនោះ ដើម្បីផ្ដាច់សារធាតុចិញ្ចឹមពីផ្នែកនៃដើម ទើបវាអាចដុះឫសចេញមក ហើយគេយកថង់ដី ឬស្រកីដូងម៉ដ្ឋ ដែលមានសំណើមប្រមាណ ៦០ភាគរយមករុំត្រង់មុខកាត់ និងចងឱ្យបានតឹងណែនល្អចៀសវាងសត្វល្អិតចូល។ គេទុកមែកដែលបានសាកហើយនោះរយៈពេល ៥០ថ្ងៃ ទើបវាដុះឫស និងរយៈពេលជិត ៣ខែ ទើបគេអាចកាត់មែកសាកនោះយកទៅដាំបាន។

បន្ទាប់ពីដាំហើយ សាកេ ចាប់ផ្ដើមដុះលូតលាស់ទាំងពន្លកស្លឹក និងក្ដឹប ដែលមានរូបរាងដូចក្ដឹបខ្នុរដែរ លុះពេលផ្លែធំរីកក្រឡា បញ្ជាក់ថាសាកេចាស់ល្អ គេអាចបេះលក់បានហើយ។ ម្យ៉ាងវិញទៀត សាកេ ជាដំណាំមិនងាយងាប់ទេ ទោះបីជ្រុះអស់ស្លឹក ក៏វាអាចមានបែកមែកថ្មីចេញមកតាមពន្លកបានដែរ។

គួរបញ្ជាក់ដែរថា ផ្លែសាកេមានអត្ថប្រយោជន៍ច្រើនលើសលប់សម្រាប់សុខភាពដោយសារវាសម្បូរជាតិប៉ូតាស្យូមជួយបន្ថយសម្ពាថឈាមក្នុងរាងកាយ និងធ្វើឱ្យដំណើរការចង្វាក់បេះដូងមានដំណើរការល្អ កាត់បន្ថយបញ្ហាប្រឈមជម្ងឺបេះដូង បង្កើនប្រព័ន្ធភាពស៊ាំប្រឆាំងនឹងជម្ងឺផ្សេងៗ ទប់ស្កាត់ការរីករាលដាលនៃរ៉ាឌីកាល់សេរីពីរាងកាយ ជាប្រភេទផ្លែឈើផ្ដល់ថាមពល ល្អសម្រាប់អ្នកអស់កម្លាំង និងអ្នកហាត់ប្រាណ សម្បូរជាតិសរសៃជួយរារាំងការស្រូបយកជាតិគ្លុយកូសពីអាហារដែលយើងបរិភោគដែលល្អសម្រាប់អ្នកកើតជម្ងឺទឹកនោមផ្អែម សម្រួលដល់ការរំលាយអាហារ បំប៉ន និងទប់ស្កាត់ជំងឺផ្សេងៗដែលកើតឡើងលើក្រពះ ផ្ទុកអាស៊ីតខ្លាញ់អូមេហ្គា៣ និង អូមេហ្គា៦ ដែលជួយបំប៉នដល់ប្រព័ន្ធរាងកាយ និងផ្លូវចិត្ត ផ្ដល់សារធាតុចិញ្ចឹម រ៉ែដល់សក់ ព្យាបាលអង្គែស្បែកក្បាល រមាស់ ការពារជ្រុះសក់ និងធ្វើឱ្យចរន្តឈាមប្រសើរឡើងនៅលើស្បែកក្បាលក្នុងការជម្រុញឱ្យសក់ឆាក់លូតលាស់បានល្អ ជំរុញដល់ការផលិតខូឡាជែន ដែលជួយទប់ស្កាត់ការរលាកនៃស្បែក និងជួយជួសជុលស្បែកដែលខូចខាត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

មន្ត្រីកសិកម្ម ៖ កិច្ចអន្តរាគមផ្នែកបច្ចេកទេស ជាអាទិភាពដើម្បីរកដំណោះស្រាយជូនប្រជាកសិករដែលជួបបញ្ហាពីការផ្ទុះឡើងករណីដង្កូវហ្វូង

ព្រឹត្តិការណ៍, សេដ្ឋកិច្ច

• 25/06/2024

ឯកឧត្តម ងិន ឆាយ បានថ្លែងថា ការងារអន្តរាគមន៍ខាងផ្នែកបច្ចេកទេស ជាអាទិភាពចាំបាច់ដើម្បីស្វែងរកដំណោះស្រាយជូនពុកម៉ែបងប្អូនប្រជាកសិករនៅតាមមូលដ្ឋាន

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង