សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅពេលដែលយើងពិភាក្សា និងលើកឡើងអំពីប្រទេសអាមេរិក គ្រប់គ្នាអាចស្គាល់ និងទទួលស្គាល់ថាជាមហាអំណាចសេដ្ឋកិច្ចដ៏ធំបំផុតលើពិភពលោក និងជាទីកន្លែងដែលចង់ឲ្យរស់នៅបំផុត ជាពិសេសគឺជាប្រទេសដែលអាចរកលុយបានស្រួល និងច្រើន ខណៈដែលជាទូទៅបណ្តាញសារព័ត៌មានបរទេសកម្រចុះផ្សាយអំពីចំណុចខ្វះខាតរបស់អាមេរិកណាស់ ដែលមានន័យថាមហាអំណាចសេដ្ឋកិច្ច និងយោធាមួយនេះមានភាពអស្ចារ្យជាងគេ។
នៅក្នុងអត្ថបទស្រាវជ្រាវជាវិដេអូមួយដែលមានរយៈពេលជាង១២នាទី ចេញផ្សាយដោយ CNBC បានបង្ហោះកាលពីពេលថ្មីៗកន្លងទៅនេះអាចសបញ្ជាក់ និងជាភស្តុតាងជាក់ស្តែងបានបង្ហាញថា អាមេរិក មិនអាចគេចផុតពីបញ្ហានោះឡើយ ជាពិសេសបច្ចុប្បន្ននេះក៏កំពុងប្រឈមមុខទៅនឹងវិបត្តិដែលកើតឡើងជាសកលដូចគ្នាទៅនឹងបណ្តាប្រទេសអភិវឌ្ឍតិចតួច ឬប្រទេសក្រីក្រដែរ ហើយក៏មានប្រជាពលរដ្ឋរបស់ខ្លួនកំពុងជួបភាពអត់ឃ្លាន និងគ្មានទីជម្រក។
បើគិតជាតួលេខ GDP ផលិតផលក្នុងស្រុកសរុបរបស់អាមេរិកមានប្រមាណជា ២៦,៨៥ទ្រីលានដុល្លារ ឈរនៅលំដាប់លេខរៀងទី១ និងស្ថិតនៅលេខរៀងទី៧ ក្នុងទំហំផលិតផលក្នុងស្រុករបស់ពលរដ្ឋម្នាក់ GDP per capita ឬប្រមាណជា ៨០.០៣ពាន់ដុល្លារក្នុងមួយឆ្នាំ ប៉ុន្តែអ្វីដែលមិនធ្លាប់បានចេញផ្សាយកន្លងមកនោះគឺថាពលរដ្ឋអាមេរិកក្នុងចំនួនទៅដល់ ៣៧,៩លាននាក់ ឬត្រូវជា១១,៦ភាគរយ ដែលកំពុងរស់នៅក្រោមបន្ទាត់ភាពក្រីក្រ ហើយនៅចំពោះមុខគឺបញ្ហាអត់ឃ្លាន ដែលអាមេរិកឈរនៅលេខរៀងទី២២ ជាប្រទេសដែលមានបញ្ហាអសន្តិសុខស្បៀងធំបំផុតក្នុងចំណោមប្រទេសដែលមានការអភិវឌ្ឍបំផុត។ នេះបើយើងពិនិត្យទៅលើរបាយការណ៍ចុងក្រោយដោយ CNBC។
ក្នុងពេលដែលពលរដ្ឋអាមេរិកជិត ៤០លាននាក់កំពុងរស់នៅក្នុងបន្ទាត់ក្រីក្រនោះ គេមើលឃើញថា ចំនួននៃពលរដ្ឋដែលមិនអាចទទួលបានចំណីអាហារគ្រប់គ្រាន់ក៏មានច្រើនប្រហាក់ប្រហែលគ្នាពោលគឺប្រមាណ ៣៣,៨លាននាក់ ធៀបទៅនឹងតួលេខកាលពីឆ្នាំ២០២១ ដែលមានរយៈពេលតែជិត២ឆ្នាំប៉ុណ្ណោះចំនួននេះបានកើនឡើងពី ១៣,៥លាននាក់ ឬត្រូវជា១០,២ភាគរយនៃពលរដ្ឋអាមេរិកទាំងអស់។
យ៉ាងណាក៏ដោយ បើទោះបីជាកន្លងមកអាមេរិកធ្លាប់បានចំណាយលុយក្នុងកម្មវិធីជួយសង្គ្រោះពលរដ្ឋដែលអត់ឃ្លានដល់ទៅរាប់រយពាន់លានដុល្លារក្តី ប៉ុន្តែស្ថានភាពនេះហាក់ដូចជាមិនទាន់អាចត្រឡប់ទៅរកស្ថានភាពល្អប្រសើរនៅឡើយទេ ខណៈដែលអាមេរិកក៏កំពុងជួបវិបត្តិជាច្រើនផ្សេងទៀតទាំងផ្ទៃក្នុងខ្លួនឯងផង ដូចជាវិបត្តិអតិផរណា, វិបត្តិសេដ្ឋកិច្ចទូទៅ និងទៅដល់បញ្ហាជាមួយនឹងប្រទេសខាងក្រៅដូចជាបញ្ហាជម្លោះជាមួយនឹងរុស្ស៊ី និងចិនជាដើម ដែលសុទ្ធតែជាមហាអំណាចសេដ្ឋកិច្ចរបស់ពិភពលោកដូចគ្នាផង។
គិតត្រឹមឆ្នាំ២០២១ប៉ុណ្ណោះ អាមេរិកចំណាយដល់ទៅ ១៨២,៥ពាន់លានដុល្លារសម្រាប់កម្មវិធីម្ហូបអាហារ។ បញ្ហាកង្វះខាតម្ហូបអាហារសម្រាប់ពលរដ្ឋអត់ឃ្លានបានធ្វើឲ្យអាមេរិកខាតបង់សេដ្ឋកិច្ចច្រើនពាន់លានដុល្លារផងដែរដោយកាលពីឆ្នាំ២០១៤ បញ្ហានេះធ្វើឲ្យអាមេរិកប៉ះពាល់ដោយប្រយោលដល់ទៅ ៥,៥ពាន់លានដុល្លារគិតត្រឹមតែផលិតភាពរបស់ពលរដ្ឋក្នុងការបំពេញការងារនៅក្នុងប្រព័ន្ធសេដ្ឋកិច្ចប៉ុណ្ណោះ។ អ្នកជំនាញជាច្រើនបាននិយាយថា ទោះបីជាយ៉ាងណាក្តី បញ្ហាអត់ឃ្លានរបស់អាមេរិកគឺជាអ្វីដែលរដ្ឋាភិបាលអាចដោះស្រាយបាន ប៉ុន្តែទាមទារឲ្យមានការសម្រេចចិត្តបានត្រឹមត្រូវ និងយកចិត្តទុកដាក់បន្ថែមទៀតពីសំណាក់រដ្ឋាភិបាល បើមិនដូច្នោះទេវានឹងបន្តប៉ះពាល់ទៅដល់សេដ្ឋកិច្ចជាតិទាំងមូលធ្ងន់ធ្ងរជាងនេះជាមិនខាន៕
Account
Security
Favourite Content