សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រទេសឥណ្ឌា អាចនឹងក្លាយទៅជាប្រទេសតែមួយគត់លើលោកនេះដែលត្រូវឡោមព័ទ្ធទៅដោយប្រទេសជិតខាងដែលមានបំពាក់យន្តហោះចម្បាំងម៉ូដេល J-10 ខណៈដែលប្រទេសចិន ប៉ាគីស្ថាន និងបង់ក្លាដេស សុទ្ធតែជាអ្នកជិតខាងដែលកំពុងមានបញ្ហាព្រំដែនជាមួយគ្នា។
យោងតាមការចេញផ្សាយរបស់ The Defense News បានឲ្យដឹងថា ប្រទេសប៉ង់ក្លាដេស កំពុងធ្វើការងារមួយចំនួនដើម្បីអាចបញ្ជាទិញយន្តហោះចម្បាំងទំនើប J-10 ពីសម្ព័ន្ធមិត្តចិនរបស់ខ្លួន ខណៈបច្ចុប្បន្ននេះមានតែកងកម្លាំងទ័ពអាកាសនៃប្រទេសចិន និងប្រទេសប៉ាគីស្ថានប៉ុណ្ណោះដែលមានយន្តហោះចម្បាំងប្រភេទ J-10 ប្រតិបត្តិការនៅក្នុងកងកម្លាំងទ័ពរបស់ខ្លួន។ ដូច្នេះ បង់ក្លាដេសនឹងអាចក្លាយទៅជាប្រទេសទី៣ដែលមានយន្តហោះចម្បាំងដ៏ទំនើបរបស់ចិនជំនាន់ទី4.5។
មេបញ្ជាការកំពូលទ័ពអាកាសនៃប្រទេសបង់ក្លាដេស លោក Marshal Hasan Mahmood Khan ធ្លាប់បានប្រកាសហើយកាលពីខែមុនថា ក្រោមការដឹកនាំរបស់រដ្ឋាភិបាលបណ្តោះអាសន្នគឺបានផ្តល់ភ្លើងខៀវសម្រាប់ការបញ្ជាទិញយន្តហោះចម្បាំងទំនើបៗបូករួមទាំងមីស៊ីលការពារដែនអាកាសផង និងប្រព័ន្ធរ៉ាដាចាប់សញ្ញាចំងាយឆ្ងាយផង។
យ៉ាងណាក៏ដោយ លោក Khan មិនបានអះអាងថាយន្តហោះចម្បាំងដែលត្រូវទិញនោះគឺជា J-10 ឬយ៉ាងណានោះទេ ប៉ុន្តែគេសង្កេតឃើញមានលទ្ធភាពច្រើនដែលបង់ក្លាដេសនឹងបញ្ជាទិញម៉ូដេល J-10CE ពីប្រទេសចិន។ ដំណឹងនេះធ្លាប់ត្រូវបានបង្ហើបកាលពីពេលថ្មីៗនេះរួចមកហើយនៅក្នុងជំនួបកំពូលរវាងមេដឹកនាំនៃប្រទេសបង់ក្លាដេស និងចិន នៅក្នុងទីក្រុងប៉េកាំង កាលពីខែមិនាកន្លងទៅនេះ ដោយគេសង្ស័យថា បង់ក្លាដេសនឹងចំណាយលុយដល់ទៅខ្ទង់ពាន់លានដុល្លារដើម្បីទិញយន្តហោះចម្បាំង J-10CE យ៉ាងហោចណាស់២០គ្រឿងនៅត្រឹមឆ្នាំ២០២៧។
ការិយាល័យទទួលបន្ទុកកិច្ចការងារយោធារបស់បង់ក្លាដេសបានបញ្ជាក់ប្រាប់កាសែត The Defense News ថា បង់ក្លាដេស បានត្រៀមលុយប្រមាណជា ១,២ពាន់លានដុល្លារសម្រាប់តែការទិញយន្តហោះចម្បាំងថ្មី ហើយប្រមាណជា២,២ពាន់លានដុល្លារទៀតសម្រាប់ចំណាយទៅលើកម្មវិធីថែរក្សាបច្ចេកវិទ្យា ការហ្វឹកហ្វឺន និងទិញគ្រឿងបន្លាស់។
គួរឲ្យដឹងដែរថា បង់ក្លាដេស ជាប្រទេសដែលជាប់ព្រំដែនជាមួយនឹងប្រទេសសត្រូវចំនួន២ គឺមីយ៉ាន់ម៉ា និងឥណ្ឌា ដូច្នេះ ការពង្រឹងវិស័យការពារឲ្យមានភាពរឹងម៉ាំគឺជាកិច្ចការអាទិភាពដើម្បីការពារដែនអធិបតេយ្យរបស់ខ្លួន៕
Account
Security
Favourite Content