សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប៖ សេចក្តីប្រកាសព័ត៌មានរបស់របស់គ្រឹះស្ថានអង្គរបានឱ្យដឹងថា ក្នុងឆ្នាំ២០២២ អង្គរបានស្វាគមន៍ភ្ញៀវទេសចរបរទេសចំនួនជិត ៣០ម៉ឺននាក់ និងរកចំណូលបានជាង ១១.៥ លានដុល្លារអាមេរិកពីការលក់ប័ណ្ណចូលទស្សនា។
យោងតាមសេចក្តីប្រកាសព័ត៌មាន ភ្ញៀវបរទេសចូលមកព្រះរាជាណាចក្រកម្ពុជាក្នុងឆ្នាំ២០២២ មានចំនួនកើនឡើងក្នុងចំនួនប្រមាណ ២៨៧ ៤៥៤ នាក់ កើនឡើង ២១៣៣% ដោយប្រាក់ចំណូលបានពីការលក់បណ្ណចូលទស្សនារមណីយដ្ឋានអង្គរបានចំនួន ១១ ៥២៨ ១៥៨ដុល្លារ កើនឡើង២០៨២.៨៦ភាគរយ បើធៀបនឹងរយៈពេលដូចគ្នាកាលពីឆ្នាំ២០២១ ។ ចំណូលមួយផ្នែក បានមកពីការលក់សំបុត្រត្រូវបានបរិច្ចាគដល់មូលនិធិគន្ធបុប្ផាកម្ពុជា ដើម្បីគាំទ្រសកម្មភាពមនុស្សធម៌របស់មន្ទីរពេទ្យ ដែលក្នុងឆ្នាំ២០២២ ត្រូវបានឧបត្ថម្ភចូលមូលនិធិគន្ធបុប្ផាកម្ពុជា ចំនួន៥៧៤ ៩០៨ដុល្លារ។ ដោយឡែកចំណូលពីការលក់បណ្ណចូលទស្សនាប្រាសាទកោះកែរ សម្រាប់រយៈពេលពេញមួយឆ្នាំ២០២២ មានភ្ញៀវទេសចរចូលទស្សនាចំនួន ៦ ០៣០នាក់ ទទួលបានទឹកប្រាក់ ៩០ ៤៥០ដុល្លារ។
ចំពោះការលក់សំបុត្រជិះទូកទស្សនាបឹងទន្លេសាបនៅកំពង់ផែទេសចរណ៍ចុងឃ្នៀស ដែលចាប់ផ្តើមអនុវត្តន៍ចាប់ពីខែកុម្ភៈ រហូតដល់ដំណាច់ឆ្នាំ២០២២ ទទួលបានចំណូល ១៦៥ ៣០៨ដុល្លារ។
សូមបញ្ជាក់ថា ស្ថិតនៅភាគពាយព្យនៃខេត្តសៀមរាប ឧទ្យានបុរាណវិទ្យាអង្គរទំហំ៤០១ គីឡូម៉ែត្រការ៉េ ដែលត្រូវបានចុះក្នុងបញ្ជីក្នុងបេតិកភណ្ឌពិភពលោករបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ក្នុងឆ្នាំ១៩៩២ គឺជាគោលដៅទេសចរណ៍ពេញនិយមបំផុតនៅក្នុងប្រទេសអាស៊ីអាគ្នេយ៍មួយនេះ។ ក្នុងឆ្នាំ២០១៩ រមណីយដ្ឋានអង្គរទទួលបានភ្ញៀវអន្តរជាតិដល់ទៅ ២,២ លាននាក់ រកចំណូលបាន ៩៩ លានដុល្លារអាមេរិកពីការលក់សំបុត្រ នេះបើយោងតាមគ្រឹះស្ថានអង្គរ។ កន្លងមក រាជរដ្ឋាភិបាលកម្ពុជា ក៏បានអនុម័តលើផែនទីបង្ហាញផ្លូវឆ្នាំ២០២១-២០២៥ ដើម្បីស្តារវិស័យទេសចរណ៍កម្ពុជាឡើងវិញក្នុងអំឡុងពេល និងក្រោយវិបត្តិកូវីដ១៩ និងផែនការមេអភិវឌ្ឍន៍ទេសចរណ៍ខេត្តសៀមរាប ២០២១-២០៣៥៕
Account
Security
Favourite Content