សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គេថាបើធ្វើម្ហូបមិនឆ្ងាញ់ទោះដឹកដល់មុខផ្ទះគេ ក៍គេមិនទិញដែរ តែបើធ្វើម្ហូបឆ្ងាញ់កុំថាឡើយលក់នៅលើផ្លូវធំ ទោះផ្លូវតូចយ៉ាងណាក៍គេតាមរកទាល់តែឃើញដែរ។ តួយ៉ាងដូចជាគ្រួសារតូចមួយដែលប្រកបអាជីវកម្មលក់បុកល្ហុង ដោយសារតែមានរសជាតិឆ្ងាញ់ តម្លៃសមរម្យ បានធ្វើឱ្យមនុស្សជាច្រើនចោមរោមទិញជារៀងរាល់ថ្ងៃ ហើយអាចរកបានចំណូលផ្គត់ផ្គង់ជីវភាពគ្រួសារ ព្រមទាំងផ្គត់ផ្គង់ឱ្យកូនៗរៀនចប់ថ្នាក់មហាវិទ្យាល័យគ្រប់ៗគ្នា។
កំពុងញាប់ដៃបុកល្ហុង និងវេចខ្ចប់ឱ្យអតិថិជន លោក ចាន់ សាវុធ បាឱ្យដឹងថា អាជីវកម្មលក់បុកល្ហុងនេះលោកបានចាប់ផ្តើមជាច្រើនឆ្នាំមកហើយក្រោយវិលត្រឡប់ពីធ្វើជាពលករនៅប្រទេសថៃ។ កាលពីដំបូងឡើយ គ្រួសាររបស់លោកបានរៀបចំរទេះមួយ ដើរលក់បុកល្ហុងជាមួយគ្នានៅម្តុំផ្សារទឹកថ្លា ក្នុងរាជធានីភ្នំពេញ ហើយក៏មានអតិថិជនគាំទ្រជាហូរហែរផងដែរ ប៉ុន្តែដោយសារអតិថិជនរអ៊ូរទាំពិបាកដើររកទិញ លោកក៏បានសម្រេចចិត្តជួលតូបតូចមួយមានទទឹងប្រមាណជា២ម៉ែត្រ នៅម្តុំអ្នកតាក្រហមក.ក្បែរផ្សារទឹកថ្លា ដើម្បីដាក់ទូរលក់មុខតូបជំនួសរទេះវិញនៅអំឡុងពេល០៥ឆ្នាំមុន។
លោកថា ៖
«ការបើកលក់ដំណាក់កាលដំបូងគឺមានអតិថិជនរង់ចាំទិញរួចទៅហើយ ដោយសាររសជាតិបុកល្ហុងខ្មែរបែបថៃនេះឆ្ងាញ់ជាងបុកល្ហុងធម្មតា ហើយពីមួយថ្ងៃទៅមួយថ្ងៃ ចំនួនអតិថិជនតែងកើនឡើងជាប្រចាំ រហូតបុកឱ្យភ្ញៀវមិនទាន់ ដោយមានអ្នកខ្លះនៅរង់ចាំ ចន្លោះពីកន្លះម៉ោង រហូតជាង១ម៉ោងទើបបានក៏មានដែរ»។
លោក ចាន់ សាវុធ បានបញ្ជាក់ឱ្យដឹងថា ដោយសារតែមានអ្នកគាំទ្រច្រើន ក្នុងមួយថ្ងៃ បុកល្ហុងរបស់លោកអាចលក់បានប្រមាណចន្លោះពី ១២០ត្បាល់ ទៅ ១៣០ត្បាល់ ដោយរូបលោកជាអ្នកបុកផ្ទាល់ដៃ ហើយសមាជិកគ្រួសារជាអ្នកវេចខ្ចប់ជូនអតិថិជន ដោយក្នុងមួយចានមានតម្លៃចាប់ពី ៦០០០រៀល រហូតដល់ ២ម៉ឺនរៀល ដែលម្លៃ ២ម៉ឺននេះ អាចហូបបាន ០៤នាក់ មានរសជាតិគ្រប់មុខ រាប់តំាងពីបង្គា ក្តាមសមុទ្រ កំពិស ប៉ាតេ និងគ្រឿងផ្សំសំខាន់ៗជាច្រើនទៀត។
គួរបញ្ជាក់ថា ក្រៅពីការលក់បុកល្ហុងលោកក៏មានអាំងសាច់ក្រកជូ ឬ សាច់ក្រកឥសាន្តលក់ផងដែរ ដែលអាចរកបានប្រាក់ចំណេញប្រចាំថ្ងៃចន្លោះពី ២០ ទៅ ៣០ម៉ឺនរៀល ដែល ចំណូលទាំងនេះ ក្រៅពីអាចដោះស្រាយជីវភាពគ្រួសារបានសមរម្យ ថែមទាំងអាចផ្គត់ផ្គង់ឱ្យកូនស្រីពីរនាក់រៀនចប់ថ្នាក់មហាវិទ្យាល័យ ហើយកំពុងសន្សំទិញផ្ទះនៅក្នុងក្រុងភ្នំពេញថែមទៀតផង៕ វិន ឈុនហ៊ាត
Account
Security
Favourite Content