សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងឆ្នាំ២០២៣ កម្ពុជា រកបានចំណូលពីការនាំចេញកង់បានជាង ៤០០លានដុល្លារ ធ្លាក់ចុះ ៥៣,៦ ភាគរយពី ៨៩៩,៧ លានដុល្លារ កាលពីឆ្នាំ២០២២ ។ នេះបើតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា ។
របាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានបង្ហាញថា ប្រទេសកម្ពុជាបាននាំចេញកង់មានតម្លៃ ៤១៦,៧ លានដុល្លារក្នុងឆ្នាំ២០២៣ ធ្លាក់ចុះ ៥៣,៦ ភាគរយពី ៨៩៩,៧ លានដុល្លារកាលពីឆ្នាំមុន។ កង់ដែលផលិតនៅកម្ពុជាទាំងនេះ ត្រូវបាននាំចេញទៅកាន់សហភាពអឺរ៉ុប សហរដ្ឋអាមេរិក អង់គ្លេស កាណាដា ជប៉ុន និងប្រទេសចិនក្នុងចំណោមប្រទេសផ្សេងៗទៀត។
ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍ថា ការនាំចេញកង់របស់កម្ពុជាបានធ្លាក់ចុះ គឺដោយសារតែភាពមិនច្បាស់លាស់នៃសេដ្ឋកិច្ចពិភពលោក ដែលបណ្តាលមកពីសង្គ្រាមធ្វើឱ្យប្រទេសដែលរងផលប៉ះពាល់វិបត្តិសេដ្ឋកិច្ចនោះមានការបញ្ជាទិញធ្លាក់ចុះ។
លោកបានបញ្ជាក់ថា ៖
«ខណៈដែលកំណើនសេដ្ឋកិច្ចពិភពលោកមិនច្បាស់លាស់ បង្កឡើងដោយសង្គ្រាម និង ក្នុងពេលប្រជាជនក្នុងប្រទេសរងវិបត្តិសេដ្ឋកិច្ច ទិញកង់របស់កម្ពុជា ទំនងជាយកចិត្តទុកដាក់ច្រើនលើអាហារជាមូលដ្ឋានចាំបាច់ជាជាងការប្រើប្រាស់ផលិតផល»។
សូមបញ្ជាក់ផងដែរថា ប្រទេសកម្ពុជា ជាប់ចំណាត់ថ្នាក់លេខ១ ជាប្រទេសកំពូលក្នុងសមាគមប្រជាជាតិអាស៊ីអាគ្នេយ៍ហៅកាត់ថាអាស៊ាន ក្នុងការនាំចេញកង់ ហើយកង់បានក្លាយជាផលិតផលដ៏សំខាន់មួយរបស់កម្ពុជាសម្រាប់ការនាំចេញបន្ទាប់ពីសម្លៀកបំពាក់ ស្បែកជើង និងទំនិញធ្វើដំណើរ និងធ្វើឱ្យកម្ពុជា ក្លាយជាប្រទេសមួយក្នុងចំណោមប្រទេសនាំចេញកង់កំពូលទាំង៥ក្នុងពិភពលោក ដែលនាំចេញកង់បានច្រើនជាងគេបន្ទាប់ពីចិន តៃវ៉ាន់ ហូឡង់ និងអាល្លឺម៉ង់។
បច្ចុប្បន្ននេះ មានក្រុមហ៊ុន និងរោងចក្រចំនួន ៥ នៅកម្ពុជា ដែលរោងចក្រទាំងអស់នោះមានទីតាំងនៅតំបន់សេដ្ឋកិច្ចពិសេសក្រុងបាវិត ខេត្តស្វាយរៀង ជាប់ព្រំដែនវៀតណាម។ រោងចក្រផលិតកង់បានដំឡើងកង់សម្រាប់ការនាំចេញ រួមមាន Evergrand Bicycle (Cambodia), Speedtech Industrial Co., Ltd., Smart Tech (Cambodia) Co., Ltd., A and J (Cambodia) Co., Ltd., និង XDS Bicycle (Cambodia) Co., Ltd។
សូមបញ្ជាក់ថា កង់ត្រូវបាននាំចេញក្រោមកិច្ចព្រមព្រៀងពាណិជ្ជកម្មសេរី កិច្ចព្រមព្រៀងពាណិជ្ជកម្មផ្សេងទៀត និងប្រព័ន្ធអនុគ្រោះទូទៅ។ ក្នុងឆ្នាំ២០២២ របាយការណ៍របស់ក្រសួងពាណិជ្ជកម្មបានបង្ហាញថា ចាប់គិតពីខែមករា ដល់ខែធ្នូ កម្ពុជាបាននាំចេញកង់តម្លៃ ៩៦៦,៧៥៩ លានដុល្លារអាមេរិក ទៅកាន់ទីផ្សារអន្តរជាតិ កើនឡើងជាង ៤៨,៤៨ ភាគរយ បើធៀបនឹងរយៈពេលដូចគ្នា នៅឆ្នាំ២០២១ ដែលមានចំនួនប្រមាណ ៦៥១លានដុល្លារអាមេរិក៕
Account
Security
Favourite Content