សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំហំមូលធនូបនីយកម្មទីផ្សារសរុបនៃទីផ្សារមូលបត្រកម្មសិទ្ធិនៅកម្ពុជាមានតម្លៃប្រហែល ២,១៤ ពាន់លានដុល្លារអាមេរិកគិតត្រឹមចុងត្រីមាសទី១ ឆ្នាំ២០២២ ខណៈបច្ចុប្បន្ន ទីផ្សារមូលបត្រកម្មសិទ្ធិមានក្រុមហ៊ុនចុះបញ្ជីសរុបចំនួន ៩ ក្រុមហ៊ុន។ នេះបើយោងតាមរបាយការណ៍ស្តីពីព្រឹត្តិបត្រទិន្នន័យជួញដូរមូលបត្រប្រចាំត្រីមាសទី១ ឆ្នាំ២០២២។
នាពេលបច្ចុប្បន្នក្រុមហ៊ុនផ្សារមូលបត្រកម្ពុជា (ផមក) មានផលិតផលចំនួនពីរប្រភេទ គីមូលបត្រកម្មសិទ្ធិ (ភាគហ៊ុន) និងមូលបត្របំណុលដែលកំពុងត្រូវបានជួញដូរនៅលើទីផ្សារ។ ចំពោះទីផ្សារមូលបត្រកម្មសិទ្ធិមានក្រុមហ៊ុនចុះបញ្ជីសរុបចំនួន ៩ ក្រុមហ៊ុន ដែលនៅក្នុងនោះមានក្រុមហ៊ុនចំនួន ៧ បានចុះបញ្ជីនៅទីផ្សារគោល និងក្រុមហ៊ុនចំនួន ២ បានចុះបញ្ជីនៅទីផ្សារកំណើន។ រីឯទីផ្សារមូលបត្របំណុលមានក្រុមហ៊ុនចំនួន ៧ បានបោះផ្សាយលក់ មូលបត្របំណុល (ក្នុងនោះមូលបត្របំណុលដែលកំពុងចុះបញ្ជីមានចំនួន ៨ ហើយមានមូលបត្របំណុលចំនួន ១ បានដល់ឥណប្រតិទាន)។
របាយការណ៍បានបញ្ជាក់ថា នៅចុងត្រីមាសទី១ ឆ្នាំ២០២២ ទំហំមូលធនូបនីយកម្មទីផ្សារសរុបនៃទីផ្សារមូលបត្រកម្មសិទ្ធិមានតម្លៃប្រហែល ៨, ៦៥ ទ្រីលានរៀល(ប្រហែល ២,១៤ ពាន់លានដុល្លារអាមេរិក) និងទំហំជួញដូរភាគហ៊ុនសរុបមានចំនួន ១៣. ៤០២.០៦០ ភាគហ៊ុន ដែលទំហំជួញដូរនៅក្នុងទីផ្សារគោលមានប្រហែល ៨២% និងទីផ្សារកំណើនមានចំនួនប្រហែល ១៨% នៃទំហំជួញដូរសរុប។ ដោយឡែក ចំពោះទីផ្សារមូលបត្របំណុលពុំមានការជួញដូរលើសញ្ញាបណ្ណសាជីវកម្មណាមួយទេ។
គួរបញ្ជាក់ផងដែរថា កាលពីថ្ងៃទី១០ ខែកុម្ភៈ ឆ្នាំ២០២២ មានការចុះបញ្ជីថ្មីបន្ថែមមួយក្រុមហ៊ុនទៀតនៅក្នុងទីផ្សារកំណើនគឺក្រុមហ៊ុន ជេអេស លែន ភីអិលស៊ី ដែលមាននិមិត្តសញ្ញាសម្គាល់ថា “JSL” ដែលមានថ្លៃ IPO ១.៩០០ រៀល ហើយថ្ងៃជួញដូរលើកដំបូង គឺ ២.២២០ រៀល និងបិទទីផ្សារ នៅថ្លៃ ២.៤៤០ រៀល។
ឯកឧត្តម ស៊ូ សុជាតិ អគ្គនាយកនៃនិយ័តករមូលបត្រកម្ពុជា បានថ្លែងថា រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្រ្តអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥ ដែលមានគោលដៅសម្រេចឱ្យបាននូវប្រព័ន្ធហិរញ្ញវត្ថុមួយប្រកបដោយប្រសិទ្ធភាព ដោយផ្អែកលើគោលការណ៍ទីផ្សារ ហើយមានលក្ខណៈពិពិធភាព ភាពរឹងមាំ និងបរិយាបន្ន ដែលផ្តល់លទ្ធភាពទូលំ ទូលាយក្នុងការបំពេញតម្រូវការសេវាហិរញ្ញវត្ថុនៅក្នុងប្រទេស ដើម្បីទ្រទ្រង់កំណើនសេដ្ឋកិច្ចប្រកបដោយចីរភាព និង ប្រសិទ្ធភាព កាត់បន្ថយភាពក្រីក្រ បង្កើនចំណូលរបស់ប្រជាជន ព្រមទាំង ឆ្លើយតបទៅនឹងតម្រូវការនៃការធ្វើសមាហរណកម្មសេដ្ឋកិច្ច និងហិរញ្ញវត្ថុនៅក្នុងតំបន់។
ឯកឧត្តម ស៊ូ សុជាតិ បានថ្លែងបន្តថា ដើម្បីសម្រេចបាននូវយុទ្ធសាស្រ្តអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥ គណៈកម្មការមូលបត្រកម្ពុជា (គ. ម.ក.) ដែលជានិយ័តករមូលបត្រត្រូវបានបង្កើតឡើងនៅថ្ងៃទី២៨ ខែកក្កដា ឆ្នាំ២០០៨ ដោយច្បាប់ស្តីពីការបោះផ្សាយ និងការជួញដូរមូលបត្រមហាជន និងបានប្រែក្លាយទៅជានិយ័តករមូលបត្រកម្ពុជា (ន.ម.ក.) ដោយច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្តមិនមែនធនាគារ បានដាក់ចេញនូវកម្មវិធី និងគោលនយោបាយដែលផ្តល់ភាពងាយស្រលចំពោះការចូលរួម ក្នុងទីផ្សារមូលបត្រ ការធ្វើឱ្យប្រសើរឡើង ក្នុងការលើកទឹកចិត្តឱ្យមានការចូលរួមនៅក្នុងទីផ្សារមូលបត្រ ការជំរុញស្ថិរភាព និងទំនុកចិត្តក្នុងទីផ្សារ និងបន្តការអភិវឌ្ឍ ហេដ្ឋារចនាសម្ព័ន្ធគាំទ្រទីផ្សារមូលធន។ ឯកឧត្តម ស៊ូ សុជាតិ បានឱ្យដឹងទៀតថា ក្នុងនោះដែរ ដើម្បីជំរុញស្ថិរភាព និងទំនុកចិត្តក្នុងទីផ្សារ ន.ម.ក. នឹងបន្តអនុវត្តកម្មវិធីបណ្តុះបណ្តាលវិនិយោគិន និងការយល់ដឹងដល់សាធារណជនដោយសហការជាមួយស្ថាប័នពាក់ព័ន្ធ ជាតិ និងអន្តរជាតិ ព្រមទាំងលើកកម្ពស់ការផ្សព្វផ្សាយអំពីទីផ្សារមូលបត្រជូនសាធារណជន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្ពុជា និងសិង្ហបុរី បន្តកិច្ចសហប្រតិបត្តិការលើកម្មសិទ្ធិឧស្សាហកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 24/01/2025
ក្រសួងឧស្សាហកម្ម និងអង្គភាពកម្មសិទ្ធិបញ្ញាសិង្ហបុរីចុះហត្ថលេខាបន្តសុពលភាពនៃអនុស្សរណៈ យោគយល់ស្តីពីកិច្ចសហប្រតិបត្តិការផ្នែកកម្មសិទ្ធិឧស្សាហកម្ម
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content