សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានក្រុមប្រឹក្សាអភិវឌ្ឍន៍កម្ពុជា បានដឹកនាំកិច្ចប្រជុំក្រុមប្រឹក្សាអភិវឌ្ឍកម្ពុជាលើកដំបូងនៅថ្ងៃទី២០ ខែធ្នូ ឆ្នាំ២០២៤។ ក្រោមការដឹកនាំរបស់សម្តេចធិបតី រាជរដ្ឋាភិបាលកម្ពុជា អាណត្តិទី៧ បានយកចិត្តទុកដាក់ខ្ពស់បំផុតលើកិច្ចការទាក់ទាញការវិនិយោគ ហើយបានដាក់ចេញនូវគោលនយោបាយជាច្រើន ដើម្បីជំរុញការវិនិយោគនៅកម្ពុជា។
យោងតាមក្រុមប្រឹក្សាអភិវឌ្ឍន៍កម្ពុជា រយៈពេលប្រមាណជាង១ឆ្នាំរបស់រាជរដ្ឋាភិបាលកម្ពុជាអាណាត្តិទី៧ នៅក្នុងឆ្នាំ២០២៤ បានអនុម័តគម្រោងវិនិយោគចំនួន ៤១៤ គម្រោង កើនពី ២៦៨ គម្រោងនៅឆ្នាំ២០២៣ ដែលចំនួននេះមានកំណើន ១៤៦គម្រោង ស្មើនឹង ៥៤ភាគរយ។
របាយការណ៍បានបង្ហាញថា ទំហំទុនវិនិយោគ ៤ ៩២៧លានដុល្លារ ឆ្នាំ២០២៣ កើនដល់ចំនួន ៩ ៦០០ លានដុល្លារក្នុងឆ្នាំ២០២៤ បើធៀបនឹងឆ្នាំ២០២៣ កើនឡើង ១ ៩៧៣លានដុល្លារ ស្មើនឹង៤០ភាគរយ ។
ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍកម្ពុជា មានប្រសាសន៍ថា កម្ពុជាមានសង្ឃឹមថា នឹងទទួលបានអ្នកវិនិយោគកាន់តែច្រើនបន្ថែមទៀតនៅឆ្នាំ២០២៥ ខាងមុខ ខណៈមានក្រុមហ៊ុនបរទេសមួយចំនួនចង់ប្ដូរទីតាំងមកកម្ពុជា។
សូមជ្រាបថា ក្រុមប្រឹក្សាអភិវឌ្ឍន៍កម្ពុជា ហៅកាត់ថា ក.អ.ក. ឬ CDC ត្រូវបានបង្កើតឡើងនៅថ្ងៃទី៥ ខែសីហា ឆ្នាំ១៩៩៤ មានបេសកកម្មក្នុងការទាក់ទាញវិនិយោគមកកម្ពុជា ។ ក្រុមប្រឹក្សាអភិវឌ្ឍន៍កម្ពុជា ជាស្ថាប័នប្រតិបត្តិបំពេញមុខងារជាសេនាធិការ និងជាច្រកចេញ-ចូលតែមួយរបស់រាជរដ្ឋាភិបាលលើបេសកកម្មដឹកនាំ និងគ្រប់គ្រងកិច្ចសហប្រតិបត្តិការអភិវឌ្ឍន៍ ការវិនិយោគឯកជន និងតំបន់សេដ្ឋកិច្ចពិសេស៕
Account
Security
Favourite Content